MATEMATIK MAZMUN STANDARTLARI (BILIM VA
KO’NIKMALAR)
Qisqacha tavsifi:
Asosiy matematik tushunchalar
va munosabatlar
mohiyatini tushunish va ulardan tipik o‘quv topshiriqlarini bajarishda foydalanish.
Ushbu standartlar o‘quvchilar matematikani o‘rganish orqali nimani
tushunishi va nimalarni bajarishga qodir bo‘lish kerakligini belgilab beradi.
Matematikada tushunishning o‘ziga xos belgilaridan biri – bu o‘quvchining
matematik o‘zlashtirish darajasidan kelib chiqqan
holda muayyan matematik
ifodaning to‘g‘ri yoki noto‘g‘ri ekani yoki muayyan matematik qoidaning
qayerdan kelib chiqishini asoslab berish qobiliyatidir.
Matematik tushuncha
mohiyatini tushunish va tipik amallarni bajarish ko‘nikmasi bir xilda muhim
bo‘lib, ular muayyan murakkablik darajasidagi standart
topshiriqlar yordamida
baholanadi.
Matematik mazmun standartlari umumlashgan talablar ko‘rinishida
ifodalanib, ular matematikaning quyidagi bo‘limlarini qamrab oladi (kelgusida
ishlatish qulay bo‘lsin uchun bo‘limlar nomi ikki bosh harfi bilan kodlanadi):
Sonlar va amallar (SA);
Algebra va funksiyalar (AF):
Geometriya va o‘lchashlar (GO‘);
Statistika va ehtimollik (SE);
Matematik analiz asosari (MA)
Sonlar va amallar (SA)
1. Sonlar va miqdorlar(kattaliklar) haqida tushunchaga ega bo‘lish, ularni
tasvirlash usullarini va
sanoq sistemalarini bilish,
2. Sonlar va kattaliklar o‘rtasida munosabatlarni o‘rnatish va tushunish
hamda matnli masalalarni yechishda qo‘llash;
3. Matematik amallar mohiyatini bilish va ular o‘rtasidagi
munosabatlarni
tushunish;
4. Sonlar va kattaliklar ustida hisoblashlarni qiyinchiliklarsiz bajarish,
natijaga tegishli baho berish va ularni chamalash.