Komp'yuterlarning turlari: 1) Mini komp'yuterlar (MiniComputer) 2) Shaxsiy komp'yuterlar (Personal Computer) 3) Server komp'yuterlar (Servers) 4) Superkomp'yuterlar (Super Computer) Mini komp'yuterlar (MiniComputer) – o‘lchami va bajaradigan amallar hajmi
jihatidan juda kichik hisoblanadi. Ularga portativ va kichik komp'yuterlar kiradi
(noutbuk, planshet, bloknot va boshqalar).
Netbuk (angl. Netbook) - Internetdan foydalanish va ofis dasturlari bilan ishlash
uchun mo‘ljallangan kichik noutbukdir. Netbuklar ixcham o‘lchamlari, kichik vazni,
kam energiya iste'moli va nisbatan arzon narxlari bilan ajralib turadi.
Noutbuk (angl. Notebook – bloknot) – mobil ixcham shaxsiy komp'yuter bo‘lib,
uning asosiy qismi va monitori birlashgan holda bo‘ladi. Bunday komp'yuterlarning
ko‘pchiligi deyarli standart klaviaturaga, komp'yuter grafikasi vositalariga ega.
Shaxsiy komp'yuterlar (Personal Computer) Shaxsiy komp'yuterlar - uyda va ish joyida turli masalalarni yechishda
foydalaniladigan IBM rusumidagi komp'yuterlar. Axborotlarga ishlov berish tezligi va
xotira tizimi ish faoliyatimizdagi oddiy masalalarni yechishga yetarli hisoblanadi.
Server kompyuterlar – fan va texnikaning turli sohalariga oid masalalarni
yechishga hamda tarmoqdagi komp'yuterlarga o‘z resurslarini taqdim etishga
mo‘ljallangan komp'yuterlar. Ularning amal bajarish tezligi va xotira hajmi shaxsiy
komp'yuterlarnikiga qaraganda ancha yuqori hisoblanadi.
Superkomp'yuterlar (angl. supercomputer) – juda katta tezlikni talab qiladigan
va katta hajmdagi masalalarni yechish uchun mo‘ljallangan tizimdir. Bu komp'yuter
tizimlari 1 sekundda o‘n trillion amal bajaradi.