Mavzu: Akmelogiya fanini o’rganishning asosiy yo’nalishlari Reja

Akmeologiya asosiy yo‘nalishlari
Akmeologiya fanining maqsadi - о’rganilayotgan majmuada shu vaqtgacha aniqlanmagan xususiyat va aloqadorliklarni aniqlash va uni jamiyatning ma’lum bir ehtiyojini qondirishda foydalanishni ko’rsatib berish orqali akme.shaxsni shakllantiruvchi individual xususiyatlari bilan akmeshaxs bo(lishiga ta ’sir etuvchi oila, moddiy olam va ijtimoiy muhit hamda uzluksiz ta ’lim-tarbiya tizimi, ommaviy axborot vositalari, badiiy va ilmiy adabiyotlar orasidagi qonuniy aloqadorliklarni aniqlash va shular asosida akmeologlarga tavsiyalar ishlab chiqishdir. Ushbu falsafiy tushunchalardan kelib chiqib, ijtimoiy fanlar tizimiga kiruvchi bir necha ilm tarmoqlarini tadqiqot obekti, predmeti va maqsadini aniqlash mumkin. Ijtimoiy fanlarning umumiy tadqiqot obekti — bu ijtimoiy hayot. Shu yerda ≪ijtimoiy≫ degan tushunchani sharhlab o‘tish joiz. Ijtimoiy atamasi ikki ma’noda — biri keng, ikkinchisi tor ma’noda qo’llaniladi. Keng ma’nodagi tushuncha, ijtimoiy hayot voqeligi bo’lib, insonlarning barcha ongli harakati natijasida vujudga kelgan moddiy va nomoddiy narsalar majmuyiga aytiladi. Bularga ruhiy, iqtisodiy, siyosiy va tor ma’nodagi ijtimoiy hayotlar kirib ketadi. Tor ma’nodagi ijtimoiy hayot deganda kishining bioijtimoiy mavjudot sifatida, о’z ixtiyori bilan namoyon qiluvchi hayot jabhalariga aytiladi. Bularga oiladagi kundalik hayot, о‘zining shaxsiy hayoti hamda mehnat va siyosat bilan bog’liq bo’lmagan barcha faoliyatlar kiradi. Keng ma’nodagi ijtimoiy hayot yaxlit bir majmu hisoblanib, quyidagi unsurlardan iborat bo’lib, insonning ruhiy hayotini gumanitar fanlar, xo‘jalik yuritish bilan bogliq bo‘lgan hayotini iqtisod fanlari, jamiyatning boshqaruvi bilan aloqador hayotini siyosiy fanlar o‘rganadi va ular bu fanlarning tadqiqot obekti hisoblanadi.