Mavzu: “Demografik o’tish bosqichlari” va uni dunyo hududlari bo’ylab ahamiyati

Dunyo mintaqalari aholisi demografik rivojlanishi.
Bir necha ming yillar mobaynida o`limning juda yuqori va aholi o‘sish sur’atlarining past bo'lishligi o‘zining asosli sabablariga egadir. Dastavval, bu - moddiy va sanitar-gigiyenik shart sharoitlarning qoniqarsiz ahvolda ekanligi, qolaversa, vaqt-vaqti bilan takrorlanib turuvchi ocharchilik, o'lat, vabo va chechak epidemiyalari natijasida yuz minglab odamlarning qirilib ketishi bilan bop'langandir. Yer sharida bunday ofatlar 200-400, 1200-1300, 1600-1650-yillar ichida qayd etilgan bo'lib, o'sha davrlarda aholi soni umuman o‘smadi, 1300-1400-yillar davomida qora o‘lat epidemiyasining ta’sirida yer yuzasi aholi sonining 1/4 qismidan ajradi. Aholi ko'rsatkichlariga oxiri ko‘rinmayotgan urushlar ham katta ta’sir ko'rsatib kelmoqda. Urushlar XVIII asrda 5,2 mln., XIX asrda 5,5 mln., XX asrda esa deyarli 50 mln. kishining yostig‘ini quritdi.
XIX asrgacha bo'lgan davrda demografik jarayonlarda sezilarli o'zgarishlar bo'lmadi. Undan keyingi davrlarda aholining tabiiy harakati ko'rsatkichlarida demografik o'tish davriga xos jarayonlar boshlandi. U oila bajaradigan vazifalarining keskin o'zgarishi, turmushning nisbatan yaxshilanishi, aholining yosh tarkibidagi siljishlar va boshqa omillar bilan bog'landi.
Dunyo aholisi soni so`nggi 60 yil ichida 2,6 marta o`sdi. Bundan ham yuqori ko`rsatkich Osiyo (2,9) va Afrika (4,5) ga xos bo`ldi. Mazkur ko`rsatkich Yevropada 1,3 martaga teng bo`ldi. So`nggi yillarda Yer yuzi aholisining mutlaq soni yiliga o`rtacha 90 mln. kishiga oshmoqda. Afrika, Markaziy va Janubiy Osiyo, Markaziy Amerikada aholi sonining yuqori sur’atlar bilan o'sishi kuzatilmoqda. Shu vaqtning o‘zida Yevropaning ayrim regionlarida aholi soni, juda past sur’atlar bilan o'smoqda yoki deyarli o‘zgarmayapti.

.

Yilnoma

Davr

Davrning davom etishi (yil)

Davr boshida aholi soni (mln.k)