Hozirgi kunda kapitalning yetarliligi darajasini nazorat qilishning quyidagi (jahon
bank amaliyotida keng qo‘llaniladigan) ikki usuli mavjud:
1. 1988 yili Bazel kelishuvi asosida taklif etilayotgan usul;
2. AQSH FRS tomonidan taklif etilgan «CAMEL» reyting tizimi.
Bazel kelishuviga ko‘ra kapitalning yetarlilik darajasiga talablar quyidagi
ko‘rsatkichlar asosida ifodalanadi:
1. 1 – darajali (asosiy) kapital va 2 darajali (qo‘shimcha) kapital o‘rtasidagi nisbat;
2. Bankning asosiy va umumiy kapitali miqdorining risk darajasiga ko‘ra
hisoblangan aktivlarga bo‘lgan nisbatini belgilovchi, kapitalning yetarlilik
koeffitsiyentlari.
Birinchi ko‘rsatkich uchun qo‘yilgan talab - asosiy va qo‘shimcha kapital
o‘rtasidagi nisbat 1:1 doirasida bo‘lishi belgilangan, ya’ni qo‘shimcha kapital summasi
asosiy kapital summasidan oshib ketmasligi kerak.
Ikkinchi ko‘rsatkich bo‘yicha qo‘yilgan talab – asosiy kapital summasi risk
darajasiga ko‘ra hisoblangan aktivlar summasiga nisbatan 4% dan kam bo‘lmasligi,
umumiy kapital summasi esa 8% dan kam bo‘lmasligi kerak.
Yuqorida ko‘rsatib o‘tilgan talablardan kelib chiqqan
holda kapitalining ikki
qirrasini ko‘rsatish zarur. Bular, birinchidan kaptalning statik qirrasi, ikkinchidan
kapitalning dinamik qirrasidir.
Kapitalning statik qirrasini juda oddiy tushuntirsa bo‘ladi. Unga asosan, depozitlarni
jalb qiluvchi va kreditlovchi, har qanday bank 5 mln. EKYU dan kam bo‘lmagan
miqdordagi ustav kapitaliga ega bo‘lishi zarur. Mazkur talabni bajarmagan bank o‘z
faoliyatini boshlashi mumkin emas. Amalda faoliyat ko‘rsatuvchi banklarga kapitalning
yetmagan qismini to‘ldirish uchun ma’lum vaqt beriladi. Bu ko‘rsatma (direktiva)
Bazel kelishuviga a’zo davlatlar tomonidan 1993 yilning 1 yanvaridan boshlab kuchga
kiritilgan.
Kapitalning minimal darajasi bank tomonidan barcha majburiyatlarni to‘lagan holda
olishi mumkin bo‘lgan zarar summasiga teng bo‘lishi kerak. Bu mijozlar tomonidan
bankga ishonib topshirilgan mablag‘larning saqlanishi garovidir.
Kapitalning dinamik qirrasini tasniflash birmuncha og‘irroq. U Bazel kelishuviga
ko‘ra o‘rnatilgan normativlarga rioya qilinishi bilan bog‘liqdir.
Bank ishonchliligining asosiy ko‘rsatkichi bo‘lib «Kuk» koeffitsenti (bank
kapitalining risk darajasiga ko‘ra hisoblangan aktivlarga nisbati) xizmat qiladi. 1988 yili
Bazel kengashi tomonidan bank kapitalini hisoblash usuliga o‘zgartirishlar va aniqliklar
kiritildi. Unga ko‘ra bankning asosiy kapitali tarkibiga: o‘tgan yillardan qolgan foyda,
soliqlar to‘langandan so‘ng qolgan sof foydadan tashkil etilgan ochiq zahiralar kiritildi
va ularning jami summasi umumiy kapitalning 50% dan kam bo‘lmasligi belgilandi.
Qo‘shimcha kapital esa, e’lon qilinmagan
yoki yashirin zahiralar, qayta baholash
zahiralari (formal revalvatsiya va qimmatli qog‘ozlarning yashirin qayta baholanishi)
umumiy zahiralar (qaytishi dargumon bo‘lgan kreditlar bo‘yicha tashkil etilgan
zahiralar), qarz kapitaliga uxshash gibrid instrumentlar (kumulyativ muddatsiz imtiyozli
aksiyalar, aksiyaga aylanish huquqini beruvchi obligatsiyalar), subordinar qarzlardan
iborat bo‘ldi.
Bazel kengashi talablariga binoan, kapital yetarliligi hisob – kitobi banklar
moliyaviy hisobotining maxsus shakllarida ifoda etilishi ko‘zda tutilgan. Bank
aktivlarining risk darajasi kengash talablariga ko‘ra 0%, 20%, 50%, 100% tortilgan
aktivlarga bo‘lindi.
CAMEL Reyting tizimi.
Kelgusi masala sifatida, AQSH FRS tomonidan taklif qilingan «CAMEL» reyting
tizimini ko‘rib chiqamiz.
«CAMEL» reyting tizimi bank faoliyatini tahlil
qilishda Sheshunoff Bank
ekspertlari tomonidan ishlab chiqilgan va ishlatiladigan baholash uslubiga asoslanadi.
Mazkur tizim hozirgi paytda nafaqat AQSH tijorat banklari tomonidan, balki Federal
Rezerv Sistemasi va depozitlarni sug‘urtalash Federal Korporatsiyasi tomonidan ham
ishlatiladi.
«CAMEL» reting tizimining xususiyatlari shundan iboratki, unga ko‘ra bank
faoliyatining barcha ko‘rsatkichlari qamrab olinadi va har biri bo‘yicha baho beriladi.
Reyting tuzishning asosiy prinsipi: ko‘rsatkichlarning qiymati grafikda absissa
o‘qida, bankning bank tizimida egallagn o‘rni esa no‘qta ko‘rinishida ordinata o‘qida
joylashtiriladi. Bu no‘qta foizlar ko‘rinishida bo‘lib, u protsentil deb ataladi. Protsentil
tahlil etilayotgan bankning boshqa banklar guruhiga nisbatan egallagan o‘rnini
ko‘rsatadi. AQSH da solishtiriladigan guruhlar soni 25 tashkil etadi. Banklarni alohida
guruhlarga ajratishning asosiy belgilari bo‘lib quyidagilar chiqadi:
1. Bank ulchami (balans valyutasi, aktivlarning umumiy summasi)
2. Bankning joylashishi (bank shaharda yoki qishloqda joyda),
3. Shaxobchalarning mavjudligi yoki yo‘qligi.
Baholashda ayrim olingan bankning o‘rni guruhlardagi ko‘rsatkichlarning o‘rtacha
qiymati bilan belgilanadi.
«CAMEL» reyting tizimi tomonidan bank kapitalining yetarliligi, aktivlarning sifati,
bank boshqaruvining samaradorligi, daromadlilik va likvidlilik ko‘rsatkichlari
o‘rganiladi.
Bank kapitalilining yetarliligi (adekvatligi) ni tahlil qilish uchun «CAMEL»
tizimida quyidagi asosiy ko‘rsatkichlardan foydalaniladi:
1. 1 – darajali (asosiy) kapital va 2 – darajali (qo‘shimcha) kapital o‘rtasidagi nisbat;
2. Kapitalning yetarlilik koeffitsiyentlari
Asosiy kapital – nomoddiy asosiy kapital
K 1 =
Risk darajasi bo‘yicha hisoblangan aktivlar
Jami kapital – nomoddiy asosiy kapital
K 2 =
Risk darajasi bo‘yicha hisoblangan aktivlar
3. Moliyaviy richag koeffitsiyenti (bank kapitalining balans aktivlarining o‘rtacha
qiymatiga nisbati)
«CAMEL» reyting tizimi bo‘yicha bank kapitalining tarkibi quyidagicha:
Bankning asosiy kapitali:
1. Bankning oddiy aksiyalari;
2.
Muddatsiz imtiyozli aksiyalar, agar ular bo‘yicha qaytarib sotib olish vaqti
o‘rnatilmagan bo‘lsa, aksiya egasining istagiga qarab sotib olinmasa va bu aksiyalar
bo‘yicha maxsus zahira yaratilmagan bo‘lsa. Imtiyozli aksiyalarni asosiy kapitalga
kiritilishining yana bir sharti shuki, ular emitent faoliyat ko‘rsatishi davrida zararlarni
qoplash uchun ishlatilishi mumkin bo‘lishi va emitent ular bo‘yicha dividendlarni
to‘lashdan voz kechishi yoki kechiktirishi imkoniyati bo‘lishi kerak;
3. Taqsimlanmagan foyda
va zahiralar;
4. Konsolidatsiya qilingan shu’ba korxonalarining aksioner kapitalidagi ulushi.
Kapitalning bu qismi filial va shu’ba korxonalarning faoliyatidan kelib chiqishi mumkin
bo‘lgan zarani bemalol qoplay olishi kerak.
Qo‘shimcha kapital esa quyidagi elementlardan iborat:
1. Risk darajasiga qarab hisoblangan aktivlarning 1,25 % ga teng ulchamdagi
kreditlar bo‘yicha yo‘qotishlarni qoplash zahiralar;
2. Muddatsiz imtiyozli aksiyalar va ular bo‘yicha nominal qiymatdan sotish
qiymatining oshgan qismi;
3. Subordinar qarzlar va o‘rta muddatli imtiyozli aksiyalar (asosiy kapitalning 50
%dan oshmagan qismi), agar ularning to‘lash muddati 5 yildan kam bo‘lmasa.
Bank kapitali reytingini hisoblashga ta’sir etuvchi faktorlar jumlasiga kapitalning
ichki generatsiyasi, kapital bozoriga kirib borish imkoniyati, depozitlar va
majburiyatlarning tarkibi kiradi.
Bank kapitalining yetarlilik darajasini baholash 5 ballik tizim bo‘yicha o‘lchanadi.
Bank olgan ball qanchalik yuqori bo‘lsa, bank shunchalik «kuchsiz» hisoblanadi.
Olingan quyidagicha tasniflanadi:
1 ball – kuchli;
2 ball – qoniqarli;
3 ball – o‘rtacha;
4 ball – kritik;
5 ball – qoniqarsiz.
Bank kapitalini baholash quyidagilarga nisbatan aniqlanadi:
Dostları ilə paylaş: