Formal və qeyri-formal təşkilatlar
ya digər bölməyə kimin rəhbərlik etdiyi görünməlidir. Təşkilatda ki,
formal əlaqələri əks etdirən belə sistemə malik olan yeni əməkdaş firma
ilə daha tez tanış olmaq imkanı qazanır.
Yuxarıda qeyd edilənlər yalnız formal təşkilat üçün xarakterikdir.
Bununla yanaşı qeyri-formal təşkilatlar da mövcuddur. Belə təşkilatlar
adətən daxili səbəblər üzündən yaranır. Bu qruplardakı insanlar bir-birilə
kifayət qədər müntəzəm qarşılıqlı təsirdə olurlar. Həddən artıq kiçik
təşkilatlar istisna olmaqla qeyri- formal təşkilatlar bütün formal
təşkilatlarda mövcuddur. Onların rəhbərləri olmasa da, qeyri-formal
təşkilatların olması olduqca vacibdir. Ümumi qəbul olunmuş praktikaya
uyğun olaraq qeyri- formal təşkilat haqqında danışdıqda onları elə də
adlandıracağıq. Təşkilat dedikdə isə həmişə formal təşkilatları nəzərdə
tutacağıq.
Beləliklə, formal təşkilat dedikdə ümumi məqsədə və ya
məqsədlərə nail olmaq üçün fəaliyyətləri şüurlu surətdə əlaqələndirilən
insanlar qrupu nəzərdə tutulur.
Qeyri-formal təşkilat dedikdə isə formal təşkilatların tərkibindəki
qruplar nəzərdə tutulur. Belə qruplar daxili səbəblərdən meydana gəlir və
onların üzvləri bir-birilə kifayət qədər müntəzəm qarşılıqlı təsirdə
olurlar.
İstənilən təşkilatda biz formal və qeyri-formal strukturların
mövcud olması ilə qarşılaşırıq. Qeyri-formal strukturların dərk edilməsi
təşkilatın normal fəaliyyət göstərməsi üçün həlledici əhəmiyyətə
malikdir. Qeyri-formal əlaqələr son dərəcədə müxtəlif ola bilər: l)təşkilat
üzvləri arasındakı qohumluq əlaqələri; 2)ümumi maraqlar əsasında
(məsələn müxtəlif növ idman məşğələləri) təşəkkül tapan əlaqələr və s.
Qeyri-formal əlaqələr adətən insanların təmiz dostluq münasibətləri
əsasında yaranır. Məsələn, keçmişdə onlar bir yerdə oxuyublar, yaxud
sadəcə olaraq bir-birinə rəğbət bəsləyirlər və yaxud da birinin digərlərinə
məhəbbəti olur.
Bütün formal strukturlara nüfuz etdiyinə görə qeyri-formal
əlaqələri nəzərə almaq vacibdir. Çünki, işdən kənarda meydana çıxan
belə münasibətlər təşkilatın bütün fəaliyyətinə təsir göstərir; onların
mövcudluğu təşkilata bir çox parametrlər üzrə uğurla işləmək imkanı
verir.
Lakin,
qeyri-formal
strukturların
pozitiv
cəhətlərini
qiymətləndirməklə yanaşı onun neqativ cəhətlərini də yaddan çıxarmaq
olmaz.
Təşkilat menecmentin obyekti kimi
§2. Təşkilatın xarakteristikası
Bütün təşkilatlar özündə fəaliyyətləri bir-birilə qarşılıqlı əlaqədə
olan məqsədlərə çatmağa istiqamətlənmiş qrupları birləşdirir. Bütün
mürəkkəb təşkilatlar üçün ümumi olan cəhətlər dərk etməyə imkan verir
ki, müvəffəqiyyət qazanmaq üçün təşkilatı idarə etmək lazımdır. Belə
amillər resurslar, xarici mühitdən asılılıq, üfüqi əmək bölgüsü,
bölmələrin olması, şaquli əmək bölgüsü, idarəetmənin zəruriliyi və
sairədir.
Ümumi əlamətinə görə istənilən təşkilatın məqsədi nəticəyə nail
olmaq üçün resursların formasının dəyişdirilməsidir. Hər bir təşkilatın
istifadə etdiyi əsas resurslara insanlar (əmək resursları), kapital,
material, texnologiya və informasiya aiddir.
Təşkilatın xarici mühitdən asılılımı. Təşkilat, artıq bizim yuxarıda
qeyd etdiyimiz kimi sistemdir və onun ən əhəmiyyətli
xarakteristikalarından biri xarici mühitlə qarşılıqlı əlaqədə olmasıdır.
Təşkilatların böyük əksəriyyəti hazırda açıq sistem kimi çıxış edir. Hər
bir təşkilat onu əhatə edən aləmdən - xarici mühitdən tam asılıdır. Bu
asılılıq özünü həm öz resurslarına münasibətdə və həm də onların
nəticələrindən istifadə etməyə cəhd edən istehlakçılara, istifadəçilərə
münasibətdə binizə verir.
«Xarici mühit» anlayışı özündə iqtisadi şəraiti, istehlakçıları,
həmkarlar təşkilatlarını, hökumət aktlarını, qanunvericiliyi, rəqabət
aparan təşkilatları, cəmiyyətdəki dəyərləri, ictimai baxışları, texnika və
texnologiyanı, habelə digər amilləri birləşdirir (onlar haqqında daha
ətraflı növbəti bölmələrdə bəhs olunacaq). Bir-birilə əlaqədə olan bu
amillər təşkilat daxilində baş verən bütün proseslərə təsir göstərir.
Məsələn, yeni istehsal texnologiyasının tətbiqi təşkilatın rəqabət
mübarizəsindəki üstünlüyünü təmin edə bilər. Lakin, yeni
texnologiyadan istifadə etmək üçün təşkilata bu yeni işi cəlbedici edən
və müəyyən vərdişlərə, həmçinin baxışlara malik olan insanlar axtarıb
tapmaq lazım gəlir. Əgər iqtisadi konyuktura yüksəlirsə və ya bazarda
həmin mütəxəssislər arasında rəqabət mövcuddursa, onda belə
mütəxəssisləri cəlb etmək üçün təşkilat əmək haqqını qaldırmağa cəhd
edə bilər. Müzdla mütəxəssisləri işə cəlb edərkən təşkilatın əmək
münasibətlərinin tənzimlənməsi və əməyin mühafizəsi sahəsində dövlət
qanunvericiliyini gözləməsi tələb olunur. Bütün bu amillər daima
dəyişir.
Əksər tədqiqatçılar qeyd edirlər ki, müasir şəraitdə təşkilat xarici
mühitdən nə qədər asılı olarsa bu menecerlərin təsir
92
Təşkilatın xarakteristikası
dairəsindən kənarda qalar. Məsələn, ən yaxşı və uğurlu fəaliyyət
göstərən
ASK-ı
müəssisəsinin
rəhbəri
aqressiv
marketinq
strategiyasından istifadə edərək Azərbaycan bazarına daxil olan xarici
əmtəə istchsalçılarınn qarşısını almaq üçün heçə nə edə bilmir.
Təşkilat rəhbəri ildən-ilə həqiqətən qlobal xarkter daşıyan çoxlu
sayda xarici mühit amillərinin təsirini nəzərə almaq məcbuniyyətində
qalırlar. Müvəffəqiyyət qazanmaq üçün ölkəmizin əmtəə istehsalçıları
yalnız xarici bazarlarda deyil, həm də ölkəmizdə fəaliyyət göstərən xarici
kompaniyalarla kəskin rəqabət mübarizəsi aparmalıdırlar. Bu yeni
reallıqları dərk etmək üçün hüquq elmləri sahəsindəki bir sıra son
yenilikləri tədqiq və dərk etmək lazımdır.
Təşkilatın ən aydın xarakteristikası üfüqi əmək bölgüsünün
olmasıdır. Əgər bir məqsədə nail olmaq üçün ən azı iki şəxs bir yerdə
işləyirsə
onlar
yerinə
yetirdikləri
işləri
öz
aralarında
bölüşdürülməlidirlər. Yerinə yetiriləcək bütün işin tərkib elementlərinə
bölünməsi elə əməyin üfüqi bölgüsü deməkdir. Böyük həcmdə işin çoxlu
sayda kiçik və ixtisaslaşdırılmış tapşırıqlara bölünməsi həmin sayda
şəxslərin tapşırığı müstəqil qaydada yerinə yetirmələri ilə müqayisədə
daha çox məhsul istehsal etmək imkanı verir.
Təşkilatın effektliyi əmək bölgüsünün səmərəli sistemini nəzərdə
tutur. Əmək bölgüsü istənilən təşkilatda mövcuddur. İdarəçilik əməyinin
marketinq, maliyyə və istehsal üzrə bölgüsü buna əyani misaldır.
Avtomobil istehsalı üzrə işlərin çoxlu sayda kiçik əməliyyatlara
parçalanmasına da əməyin rəqabət üzrə ixtisaslaşması kimi baxmaq olar.
Əmək bölgüsünün üstünlükləri şəksizdir:
hələ ibtidai
qəbilələrdə insanların bir qismi ovla, digəri alətlər hazırlamaqla, yemək
hazırlamaqla və s. ilə məşğul idi. İdarəetmə sahəsində tarixçi olan Klod
Jorj ixtisaslaşmanı hələ eramızdan əvvəl V minillikdə Çində necə baş
verdiyini tədqiq etmişdir. Platonun ideal səhər- dövlətində bütün işlər
onları ən yaxşı yerinə yetirə bilənlər arasında bölüşdürülməli idi. Orta əsr
Avropa gildiyaları (tacirləri) ixtisaslaşdırma məsələsində daha dərinə
gedərək hər hansı bir iş sahəsində ömürlük məşğul olmaq istəyənləri hər
cəhətdən mükafatlandırırdılar. Lakin, sözün həqiqi mənasında konkret
ixtisaslaşdırma yalnız sənaye inqilabından sonra meydan gəldi.
İxtisaslaşdırma müasir istehsalda üstünlük təşkil edir.
Əmtəə təsərrüfatının əsasmı içtimai əmək bölgüsü təşkil edir.
Emal sənayesi hasilat sənayesindən ayrılaraq öz növbəsində daha
93
Dostları ilə paylaş: |