56
*ödəniş tarazlığının pozulma hallarında bazardakı mübadilə məzənnəsinin
saxlanması üçün valyuta ehtiyatlarının kifayət qədər olması.
Ona görə də ölkənin ödəniş balansının vəziyyəti, hər şeydən əvvəl, cari
ə
məliyyatlar üzrə milli pul vahidinin valyuta məzənnəsinə bilavasitə təsir göstərir.
Xroniki passiv ödəniş balansında milli valyutanın mübadilə məzənnəsi aşağı düşür,
aktiv ödəniş balansında isə valyuta məzənnəsi yüksəlir. Xarakterik haldır ki, val-
yuta məzənnəsinin dinamikası üçün əsas əhəmiyyət kəsb edən, iki ölkə arasındakı
cari əməliyyatlar üzrə ödəniş balansının saldosu yox, bu balansın həmin ölkə ilə
beynəlxalq hesablaşmalarda iştirak edən bütün dövlətlər üzrə ümumi saldosudur.
Öz növbəsində, beynəlxalq hesablaşmalar balans sistemi ilə əlaqədardır.
Balans sisteminə ticarət balansı, cari əməliyyatlar üzrə ödəniş balansı, kapital və
kreditlərin hərəkət balansı, ümumi ödəniş balansı, müəyyən tarix üzrə hesablaşma
balansı, müəyyən dövr üçün hesablaşma balansı daxildir.
Ticarət balansı ödəniş balansının əsas tərkib hissəsi olub, müəyyən zaman
dövrü üçün (ay, rüb, il) həmin ölkə mallarının ixrac və idxal dəyərlərinin nisbətini
göstərir.
Cari əməliyyatlar üzrə ödəniş balansına xarici ticarət dəyərindən başqa,
nəqliyyat xərcləri, turizm xərcləri, investisiya gəlirləri (görünməyən ixracatdan gə-
lən gəlirlər), о cümlədən transfertlər - şəxsi və rəsmi köçürmələr daxildir. Cari
ə
məliyyatlar üzrə ödəniş balansının aktiv saldosu kapitalın ölkədən çıxarılması
üçün zəmin yaradır. Passiv saldo isə kapital və kreditlərin hərəkət balansında əks
olunan kapitalların uyğun axını ilə ödənilməsini tələb edir.
Kapitalların və kreditlərin hərəkət balansına ehtiyatların nəzərə alınmama
şə
rti ilə kapitalların hərəkəti, birbaşa investisiyalar, portfel investisiyaları, gəlirin
yenidən investisiya edilməsi, qısamüddətdi və uzunmüddətli kapitallar, kreditlər
üzrə köçürmələr və ödənişlər daxildir.
Ümumi ödəniş balansına cari əməliyatlar üzrə ödəniş balansı, kapital və kre-
ditlərin hərəkət balansı, həmçinin qızıl və valyuta ehtiyatlarının hərəkəti daxildir.
57
Hesablama balansı verilmiş ölkənin başqa dövlətlərə nəzərən tələb və öhdə-
liklərini ifadə edir. Bu tələblərə və öhdəliklərə dövlət aktivləri (qızıl valyuta və
başqaları) və şəxsi aktivlər, birbaşa investisiyalar, alınmış və verilmiş kreditlər,
maliyyə və qeyri maliyyə korporasiyalarının digər öhdəlikləri daxildir. Ödəniş
balansından fərqli olaraq, hesablama balansına digər ölkələrə nəzərən ödənişlərin
aparılmadığı bütün tələblər və öhdəliklər daxildir.
ndiki zamanda valyuta məzənnələrinin kəsilməz enmə-qalxmalarının və
valyutaların nisbi qiymət dəyişmələrinin köməyi ilə qarşılıqlı beynəlxalq tələblərin
və öhdəliklərin tənzimlənməsi ilə bağlı nəzəri imkan real həqiqətə çevrilmiş,
müasir konversiya edilmə mexanizminin ayrılmaz hissəsi olmuşdur. Təcrübə üzən,
lakin dövri şəkildə tənzimlənən valyuta məzənnələrinin müsbət nəticələrini təsdiq
etdi. Bu tipli kursyaradıcı mexanizm milli iqtisadiyyatın «açıqlıq» prinsiplərinə və
onların düya təsərrüfatına inteqrasiyasına daha yüksək səviyyədə cavab verir.
Üzən (şərtləşdirilmiş hüdudlarda) valyuta kursları iqtisadiyyatın struktur və
tənasüblərinin konservasiya problemini aradan qaldırır. Məsələ ondadır ki, azad
bazar şəraitində valyuta mövqelərinin pisləşməsi xalq təsərrüfatının bu və ya digər
sektorunda vəziyyətin uğursuzluğundan xəbər verir. Bu isə milli və beynəlxalq
səviyyədə iqtisadi siyasət vasitələrinin köməyi ilə təshihedici tədbirlərin zəruri-
liyini göstərir. Nəzərdə tutmaq lazımdır ki, valyutanın «təmiz» üzməyi (mərkəzi
bankın şəxsində dövlətin müdaxiləsi olmadan) bu problemi həll etmir.
Məhz buna görə də valyuta məzənnələrinin tənzimlənməsini nəzərdə tutan
və mərkəzi banklar tərəfindən həyata keçirilən aktiv və elastiki valyuta siyasəti
tələb olunur. Valyuta məzənnəsi vasitəsilə milli pul vahidinin məhdudluğu aradan
qaldırılır və onun lokal dəyərinin beynəlmiləl dəyərə çevrilməsi baş verir. Nəticədə
özünəməxsus dəyər meyarı formalaşır və bu dəyər meyarı valyutaların bir-birləri
ilə nizamlı və müntəzəm şəkildə dəyişdirilməsinə imkan yaradır. Təsərrüfat əlaqə-
lərinin bütün beynəlmiləlləşdirilmə mexanizmində valyuta məzənnəsinə xüsusi yer
ayrılır. Onun köməyi ilə milli qiymətlərin, əməк haqlarının və bir çox başqa dəyər
göstəricilərinin səviyyələri xarici ölkələrin analoji göstəriciləri ilə tutuşdurulur.
58
xrac-idxal əməliyyatlarının effektivliyi, bu və ya digər malların istehsal məqsədə-
uyğunluğu, iqtisadiyyatın bu və ya digər sahələrində inişafin nisbi gəlirliliyi, nəti-
cədə ölkənin beynəlxalq əməк bölgüsündəki iştirak səviyyəsi bu əsasla müəyyən-
ləşir.
Hər bir dövlətin valyuta tənzimlənməsi, hər şeydən əvvəl, valyuta
məzənnələrinin hansı sisteminin - möhkəm məzənnə, yoxsa üzən məzənnə
sisteminin istifadə olunmasından asılıdır.
Möhkəm məzənnə sistemi qeyd olunmuş sərt paritetlərə və valyutanın tam
dövriliyinə əsaslanan sistemi ifadə edir. Söhbət elə valyuta sistemindən gedir ki, bu
sistemdə valyutaların nisbi qiymətləri müəyyənləşsə də, qiymətlərin mütləq
səviyyəsi qeyd olunmamışdır.
Çevik valyuta məzənnələri sistemində ödəniş balanslarının bərabərləşdiril-
məsi deviz bazarlarının köməyi ilə baş verir. Ona görə də mərkəzi banklar valyuta
bazarlarına müdaxilə etmək vəzifəsindən azad olur və avtonom pul siyasəti ye-
ritmək imkanı qazanırlar. Əgər valyuta kursları daxili və xarici bazarlardakı qiymət
müxtəlifliyinə uyğunlaşırlarsa, onda valyuta məzənnələrinin enib-qalxmaları xarici
ticarət münasibətlərinə ziyan gətirmir. Lakin təcrübə göstərir ki, üzən valyuta mə-
zənnələrinin tətbiqindən sonra da valyuta məzənnələri uzun müddət ərzində alıcılıq
qabiliyyətinin paritetindən kənara çıxa bilirlər. Bu isə milli pul siyasətini pozur.
Üzən valyuta məzənnəsindən istifadə təcrübəsi göstərir ki, o, ödəniş
balansının uzunmüddətli tarazlığına gətirib çıxarmır, valyuta bazarlarının qeyri
stabilliyini gücləndirir və inflyasiyanın əsas faktoru olur. Ona görə də bir çox
dövlətlər tənzimlənən və möhkəm (sərt) valyuta məzənnələri istifadə edir, həm də
üzən məzənnənin «sərt» tənzimlənməsini tətbiq edirlər.
Bu halda ondan çıxış edirlər ki, valyuta kurslarının nisbi möhkəmliyi daxili
və xarici iqtisadi tarazlığa yaxşı təsir göstərir. Möhkəm dəyişmə məzənnəsi (digər
bərabər şərtlər daxilində) mübadilə şərtlərinin yaxşılaşmasına kömək edir, çünki
idxal qiymətini «yatırtmağa» və inflyasiya ilə mübarizəni gücləndirməyə imkan
verir.
Dostları ilə paylaş: |