50
Öhdəliklərin və tələblərin bərabərliyi halı qapalı valyuta mövqeyi hesab
edilir.
Öhdəliklərin və tələblərin uygunsuzlugu hali isə açıq valyuta mövqeyi hesab
edilir. Açıq valyuta mövqeyi də iki cür olur: uzun (artıq) mövqe və qısa (kəsir)
mövqe. Öhdəliklərin tələblərdən az olması isə qısa mövqe adlanır.
Ölkədə valyuta siyasəti sahəsində mövcud olan problemlər və onların aradan
qaldırılması, təkmilləşdirilməsi yollarına gəlincə, qeyd etməliyik ki, bu gün dollar
respublikamızda həqiqətən əhəmiyyətli yer tutur. Düzdür, ölkənin xarici ticarət
dövriyyəsinin təmini üçün milli valyutanın xarici valyutalarla əlaqəsi olmalıdır.
Lakin manatın dəyərdən düşməsi bazar subyektlərinin ona inamını azalda bilər.
Depozitlərdə manat faizini xarici valyuta faizinə nisbətən yüksəltmək, kreditlərdə
isə xarici valyuta faizini manat faizinə nisbətən yüksəltmək; plastik kart sisteminin
inkişafı üçün ticarət-xidmət şəbəkəsində müvafiq avadanlıqlardan istifadəni
genişləndirməklə nağd pul dövriyyəsini məhdudlaşdırmaq və s. kimi tədbirlərin
aparılması məqsədəuyğun olardı.
Başqa bir problem manatın məzənnəsinin proqnozunun verilməməsidir.
Respublikamızda tənzimlənən üzən məzənnə rejimi ("valyuta dəhlizi") olmasına
baxmayaraq, Mərkəzi Bank tərəfindən manatın məzənnəsinin hansı intervalda
dəyişəcəyi proqnozu verilmir. Məzənnənin proqnozunun verilməməsi nəticəsi idi
ki, 2015-ci ildə bir günün içində Mərkəzi Bank tərəfindən devalvasiya siyasəti
həyata keçirildi və bu siyasətin müsbət cəhətlərindən bəhrələnənlər kimi, mənfi
cəhətlərdən də zərər çəkənlər oldu. Bu proseslərin baş verməməsi üçün
iqtisadiyyatı hazırlayaraq qabaqcadan məlumat vermək lazımdır.
Almaniya Mərkəzi Bankı hər il növbəti 12 ay üçün pul kütləsinin artması
dəhlizini dərc etdirir. Bu, istehsalın artması, qiymətlərin dəyişməsi və pulun
dövretmə sürəti ilə əlaqədardır. Bu məlumatı ilə bank iqtisadiyyata kömək göstərə-
rək onu artıma hazırlayır, eyni zamanda inflyasiya gözləmələrini məhdudlaşdırır.
Hər həftə FES-in (ABŞ) darə Şurası iqtisadiyyatda cari pul təklifini elan edir.
Respublikamızda da belə məlumatların verilməsi vacibdir.
51
Məsələnin bir tərəfi də devalvasiyanın hansı məbləğdə aparılmasıdır. Bunun
üçün tədiyyə balansı komponentlər üzrə araşdırmalı, ümumilikdə geniş iqtisadi
təhlil aparılaraq, Azərbaycan istehsalçısının məhsulunun rəqabət qabiliyyətli
olması üçün hansı devalvasiya faizi lazımdırsa, о da tətbiq olunmalıdır.
2.3. Valyuta mə
zə
nnə
lə
rinin tə
nzimlə
nmə
sinin ə
sas modellə
ri
Valyuta məzənnəsi mal və xidmət ticarətində valyutaların qarşılıqlı
mübadiləsi üçün, həmçinin kapitalların və kreditin qarşılıqlı hərəkət uçotunda
zəruridir. Xarici ölkələrə mal göndərən - eksportçu satışdan əldə etdiyi xarici
valyutanı milli valyutaya dəyişir, çünki digər ölkələrin valyutaları bu ölkə
ə
razisində qanuni ödəniş və alıcılıq vasitəsi kimi dövr edə bilməz. Xaricdən mal
gətirən idxalatçı da milli valyutanı xarici valyutaya dəyişir ki, xaricdə aldığı
malların pulunu ödəyə bilsin. Borclu şəxs xarici kredit borcunun ödənilməsi və
faizlərin verilməsi üçün milli valyutanın əvəzinə xarici valyuta əldə edir. Dünya və
milli bazar qiymətlərinin, həmçinin müxtəlif ölkələrin müxtəlif pul vahidlərində
ifadə olunmuş dəyər göstəricilərinin müqayisəsi üçün valyuta məzənnəsi zəruridir.
Bank və şirkətlərdə xarici valyuta hesablarının dövri şəkildə yenidən
qiymətləndirilməsi valyuta məzənnəsi vasitəsilə baş verir.
52
Valyuta bazarında tələb və təklifın tarazlaşdırılması valyutanın bazar
məzənnəsinin tarazlıq səviyyəsinin müəyyənləşdirilməsinə gətirib çıxarır, yəni
«fundamental tarazlıq» adlanan hal baş verir.
Xarici valyutaya olan tələbin ölçüsü ölkənin mal və xidmət idxalatına olan
ehtiyacları, həmin ölkə turistlərinin xərcləri, xarici maliyyə aktivlərinə olan tələbb
və rezidentlərin xaricdəki investisiyaları həyata keçirmək niyyətləri ilə bağlı xarici
valyutaya olan tələblə müəyyənləşir. Xarici valyutanın məzənnəsi nə qədər
yüksəkdirsə, ona olan tələb bir о qədər azdır və əksinə.
Xarici valyuta təklifinin ölçüsü xarici dövlət rezidentlərinin bu ölkə
valyutasına olan tələbi ilə, xarici turistlərin həmin ölkədəki xidmətlərə olan tələbi
ilə, ölkənin milli valyutasında ifadə olunmuş aktivlərə xarici investorların tələbi
ilə, qeyri rezidentlərin həmin ölkədə investisiya həyata keçirmək niyyətləri ilə
bağlı milli valyutaya olan tələblə müəyyənləşir. Xarici valyutanın məzənnəsi yerli
valyutaya nisbətdə nə qədər yüksəkdirsə, valyuta bazarının bir о qədər az miqdarda
subyekti xarici valyuta əvəzinə yerli valyuta təklif etməyə hazırdır. Əksinə, milli
valyutanın məzənnəsi xarici valyutaya nisbətdə nə qədər aşağıdırsa, milli bazarın
bir о qədər çox miqdarda subyekti valyuta əldə etməyə hazırdır.
Valyuta məzənnələrinin müasir yaranma təcrübəsi möhkəm və üzən valyuta
kurslarının qarışıq formalarını fərqləndirir:
*bir milli valyutaya nəzərən möhkəm valyuta məzənnələri, digər milli
valyutaya nəzərən üzən valyuta məzənnələri. Belə ki, bir dövlətin pul vahidi ABŞ
dollarına nəzərən möhkəm məzənnəyə malik olsa da, avroya və ya ingilis funt
sterlinqinə qarşı elə dollar nisbətində üzəcək;
* valyuta qrupuna nəzərən möhkəm valyuta kursları. Ayrı - ayrı dövlətlər
digər ölkələrin valyuta qrupuna nəzərən öz valyutalarının möhkəm kurslarını
müəyyənləşdirirlər, lakin digər valyutalara nəzərən kurslar qeyd olunmur və buna
görə də istənilən zaman tələb və təklifin təsiri ilə dəyişilə bilir. Bu variant
çərçivəsində qrup şəkliııdə üzmə adlanan variant də tətbiq olunur. Həmin variantda