38
2.2. Valyuta siyasətinin əsas istiqamətləri, forma və metodları.
Respublikamızda valyuta siyasətinin əsas istiqamətləri milli valyutanın mə-
zənnəsinin sabitliyini qorumaq, onun dönərliyinin inkişaf etdirilməsi, daxili val-
yuta bazarının daha da inkişafının təmin etdirilməsi, həyata keçirilən valyuta
ə
məliyyatlarının dairəsinin genişləndirilməsi, ölkənin strateji valyuta ehtiyatlarının
beynəlxalq standartlara uyğun səviyyədə saxlanılması və artırılmasından ibarətdir.
Valyuta siyasətinin bu və ya digər istiqamətləri Milli Bank tərəfindən həyata
keçirilir.
Ölkədə
maliyyə sabitliyinin yaradılmasında, düzgün pul siyasətinin aparılma-
sında və daxili bazarın müdafiəsinin təmin olunmasmda valyuta tənziminin
ə
həmiyyəti böyükdür. Bununla əlaqədar olaraq 21 oktyabr 1994-cü ildə qəbul
olunmuş "Valyuta tənzimi haqqında" Azərbaycan Respublikasının qanunu mühüm
addım oldu. Bu qanun Azərbaycan Respublikasında valyuta əməliyyatlarının həya-
ta keçirilməsi prinsiplərini, valyuta tənzimi və valyuta nəzarəti orqanlarının sə-
lahiyyətlərini va funksiyalarını, hüquqi və fiziki şəxslərin valyuta sərvətlərinə sa-
hib olmaq, bu sərvətlərdən istifadə etmək və onlar barəsində sərəncam vermək
sahəsində hüquqlarını və vəzifələrini, valyuta qanunvericiliyinin pozulmasına görə
məsuliyəti müəyyən edir.
Azərbaycan Respublikasında rezidentlər (bizim ölkənin vətəndaşları)
arasında milli valyuta ilə hesablaşmalar heç bir məhdudiyyət qoyulmadan aparılır.
Qeyri-rezidentlər (xarici ölkə vətəndaşları) tərəfındən milli valyutanın əldə
edilməsi və ondan istifadə edilməsi isə Mərkəzi Bank tərəfındən müəyyən edilmiş
qaydalar əsasında aparılır. Milli valyutanın və milli valyutada ifadə edilmiş
qiymətli kağızların rezidentlər və qeyri-rezidentlər tərəfindən respublikadan
çıxarılması və göndərilməsi, eləcə də gətirilməsi və göndərilməsi Mərkəzi Bankın
və Nazirlər Kabinetinin müəyyən etdikləri qaydada həyata keçirilir.
Hüquqi şəxs olan rezidentlər tərəfındən cari valyuta əməliyyatlarının
aparılması üçün heç bir məhdudiyyət yoxdur. Onlar tərəfindən kapitalın hərəkəti
39
ilə bağlı valyuta əməliyyatları Mərkəzi Bankın müəyyən etdiyi qaydada həyata
keçirilir. Hüquqi və fiziki şəxs olan rezidentlər gömrük qaydalarına əməl etməklə
valyuta sərvətlərini Azərbaycan Respublikasına köçürmək, gətirmək və göndərmək
hüququna malikdirlər.
Qeyri-rezidentlər də rezidentlər kimi gömrük qaydalarına əməl etməklə
valyuta sərvətlərini Azərbaycan Respublikasına köçürmək, gətirmək və göndərmək
hüququna malikdirlər. Onlar qanuni yolla əldə etdikləri valyuta sərvətlərini
respublikadan maneəsiz köçürmək, çıxarmaq və göndərmək hüququna malikdirlər.
Göstərilən hallar istisna olmaqla, valyuta sərvətlərinin qeyri-rezidentlər tərəfındən
Azərbaycan Respublikasından köçürülməsi, çıxarılması və göndərilməsi
qaydalarını Mərkəzi Bank və Dövlət Gömrük Komitəsi müəyyən edirlər.
Rezident və qeyri-rezident hesablarındakı nağd vəsaitlərini müvəkkil
bankların tabeçiliyində fəaliyyət göstərən mübadilə məntəqələri vasitəsilə də
konvertasiya edə bilərlər.
Bu göstərilənlərlə yanaşı respublikamızda valyuta münasibətləri, digər
qanunlar vasitəsilə də tənzimlənir.
Mərkəzi Bank ölkənin bank sisteminin əsasını təşkil edir. O, bankların
fəaliyyətini və pul kütləsini, eləcə də Mərkəzi valyutanın məzənnəsini tənzimləyir,
banklar arasında hesablaşmaları və dövlət büdcəsinin kassa icrasını təmin edir.
Mərkəzi Bankın strateji məqsədlərindən biri iqtisadiyyatın real artımına
adekvat olaraq və mövcud maliyyə sabitliyinə xəta yetirmədən pul təklifınin
artırılmasına monetar zəmin yaratmaqdan ibarətdir. Məzənnə siyasətinə korrektəni,
uçot dərəcəsinin, məcburi ehtiyat normalarının və bankların açıq valyuta
mövqeyinin dəyişdirilməsi də məhz bu məqsədə xidmət etmişdir.
Respublikamızda valyuta siyasətinin əsas istiqamətlərindən biri daxili
valyuta bazarının inkişaf etdirilməsidir.
Valyuta alqı-satqısının həyata keçirildiyi bazara valyuta bazarı deyilir.
Valyuta bazarı xarici valyutanm alınması və satılması sahəsində münəsibətləri
səhmana salan xüsusi institusional mexanizmdir. Valyuta bazarının bəlli bir məka-
40
nı yoxdur və bu əməliyyatlar üzrə hər hansı bir yer ayrılması məcburi deyildir.
Valyuta alıcı və satıcıları və ya vasitəçilərinin telefon, faks və teleks ilə bir-biri ilə
ə
laqə yarada bilmələri valyuta bazarının mövculuğu üçün kifayətdir. Burada
ə
qdlərin əksəriyyəti banklar arasında bağlanır. Eyni zamanda valyuta bazarı təkcə
onun subyektləri arasında deyil, həm də banklar və banklarm müştəriləri arasında
münasibətlər deməkdir. Valyuta bazarı öz həcminə görə dünya maliyyə bazarının
ə
n böyük tərkib hissəsidir. O, dünya maliyyə bazarının tərkib hissələrinin qarşılıqlı
ə
laqəsində mühüm rol oynayır.
Respublikamızda valyuta bazarının fəaliyyətini tənzimləmək üçün xüsusi
valyuta qanunvericiliyi mövcuddur. "Valyuta tənzimi haqqında" qanun həmin qa-
nunvericiliyin bünövrəsini təşkil edir. Qeyd etmək lazımdır ki, 1994-cü ilədək
Azərbaycanda valyuta bazarı zəif inkişaf etmişdi, onun infrastrukturunun bir çox
ünsürləri yox idi, banklararası valyuta bazarında müəssisələrin valyuta hasilatının
bir hissəsinin məcburi satılması qadağan qoyulmuşdu. Həmin qanunun qəbul edil-
məsi respublikamızın ərazisində valyuta rejiminin liberallaşdırılması üçün hüquqi
baza yaratdı.
Hazırda respublikamızda özünütənzimləmə rejimində işləyən çoxseqmentli,
sivil xarakterli daxili valyuta bazarı formalaşmış, valyuta bazarının operatorlarının
bazarın istənilən seqmentində iştirakı sərbəstləşdirilmişdir.
Mərkəzi valyutanın məzənnəsinin sabitləşdirilməsi üzrə proqram xarakterli
tədbirlər sayəsində bazarda tarazlıq əmələ gəldiyinə və bu bazarın öz-özünü
tənzimləyən mexanizmə çevrildiyinə görə Mərkəzi Bankın valyuta bazarındakı
müdaxiləsi müntəzəm olaraq azalmışdır.
Mərkəzi Bank valyuta bazarını daha da inkişaf etdirmək məqsədilə manatın
xarici valyutalara nisbətən rəsmi məzənnəsinin müəyyən edilməsi mexanizmini
daha da liberallaşdırmaq üzrə də qəti addım atmışdır. 1999-cu ilin iyul ayının 12-
dən başlayaraq, manatın xarici valyutalara nisbətən rəsmi məzənnəsinin BBVB-də
formalaşan məzənnə əsasında təyin olunması mexanizmi ləğv edilmişdir. Həmin
tarixdən xarici valyutalara nisbətdə rəsmi məzənnə hər gün daxili valyuta bazarının
Dostları ilə paylaş: |