88
Beynəlxalq Novruz Günü - mədəniyyətlərarası dialoq və
qarşılıqlı anlaşmanı həvəsləndirməyə istiqamətləndirilən bay-
ram - BMT Baş Assambleyası 23 fevral 2010-cu ildə 21 mart
tarixini Beynəlxalq Novruz Günü elan edib. Beynəlxalq Novruz
Günü münasibətilə hazırlanan qətnamənin preambula hissəsində
bildirilir ki, “yeni gün” mənası verən, martın 21-də, gecə və
gündüzün bərabərləşdiyi gün qeyd olunan Novruz, bütün dünyada 300 milyon nəfər-
dən artıq adam tərəfindən yeni ilin başlanğıcı kimi qəbul olunur.
Bu bayram artıq 3000 ildir ki, Balkanlarda, Qara dəniz hövzəsi regionunda Qaf-
qazda, Mərkəzi Asiya, Yaxın Şərq və digər regionlarda qeyd olunur.
Azərbaycan xalqının tarixin qədim qatlarında yaratdığı, dilimizi, zəngin folkloru-
muzu özündə yaşadan Novruz bayramı azərbaycançılıq ideyasını, xalqımızın milli-
mənəvi irsini özündə təcəssüm etdirir. Novruz yeni günün, yeni arzuların, milli ruh
və duyğuların bayramıdır. Novruz bayramı - çərşənbə günü, dünyanın qeyri-maddi
irsi kimi YUNESKO-nun siyahısına daxil edilib.
Novruz günlərində, çərşənbələrdə tonqalın üstündən tullanmaq adətimiz var. San-
ki sən bununla bütün ağırlığını-uğurluğunu, əziyyətlərini köhnə ildə, eyni zamanda,
pis xasiyyətlərini, mənfi tərəflərini orada qoyub yeni ilə, yeni günə gedirsən. Novruz
ənənələrinə görə, bayram günü küsülülər barışar, hətta qan intiqamını da yaddan çı-
xararlar. Bu dəyərlər geniş mənada təkcə cəmiyyət daxilində deyil, eyni zamanda, öl-
kələr arasında anlaşmanı, sülhü təcəssüm etdirir. Bu baxımdan Novruz bayramını,
onun milli özəllikləri ilə yanaşı, sülh və barış kimi bəşəri dəyərlərin təcəssümü olaraq
dünyaya tanıtmaq, təbliğ etmək çox vacibdir.
Azərbaycan xalqının milli-mənəvi irsinin təcəssümü olan Novruz bayramının
dövlət səviyyəsində qeyd edilməsi, onun dünya azərbaycanlıları arasında daha geniş
yayılmasına da zəmin yaradır. Soydaşlarımız yaşadıqları ölkələrdə Novruz tən-
tənələrini keçirməklə bu bayramın timsalında xalqımızın tarixi dəyərlərini, ənənələri-
ni təbliğ edirlər. Bu isə nəticə etibarilə Azərbaycanın təbliği deməkdir.
Mart
Beynəlxalq Novruz Günü
21
89
Kazım Cəfər oğlu Kazımzadə
(Kazım Ziya) 1896-cı il mart ayının
21-də Ordubad rayonunun Yuxarı
Əylis kəndində doğulmuşdur. Yeni-
yetmə yaşlarından ərəb və fars dilləri-
ni mükəmməl öyrənmişdir. Sonralar
rus və fransız dillərini də mənimsə-
mişdir. 1911-ci ildə əmisi Hüseynin
ailəsi ilə birlikdə Bakıya köçmüşdür. O, 1912-ci ilin
payızında burada “İttihad” İran gimnaziyasına daxil
olmuş və bir il sonra məktəbdə ədəbiyyat dərnəyi ya-
ratmışdır.
1914-cü ildə Hüseyn Ərəblinski başda olmaqla
teatr fədailəri “İttihad” məktəbində şagirdlərin xeyrinə
Əbdürrəhim bəy Haqverdiyevin “Bəxtsiz cavan” faci-
əsinin tamaşasını göstərmişlər. Bununla da Kazım
Ziya öz taleyini teatr sənətinə bağlamışdır.
Kazım Ziya Milli Dram Teatrının tamaşalarında
fəal iştirak etsə də, truppanın ştatına 1922-ci ildə gö-
türülmüşdür. Arada bir il Naxçıvana getmiş, orada
dövlət teatrının formalaşmasında ciddi çalışan Kazım
Ziya 1925-ci ildə yenidən Bakıya qayıdaraq Bakı
Türk İşçi və Kəndli Teatrının truppasına daxil olmuş-
dur. 1933-cü ildə bu teatr Gəncə şəhərinə köçəndə o
da kollektivdən ayrılmamışdır. 1936-cı ildən 1938-ci
ilədək Tiflisdə və İrəvandakı dövlət teatrlarında akt-
yorluq etmişdir. 1938-ci ildə Bakıya gələrək Milli
Dram Teatrının truppasına daxil olmuşdur.
Səlist səhnə danışığı, aydın diksiyası və yüksək in-
telektuallığı ilə seçilən Kazım Ziya hələ gənc yaşla-
rından səhnədə Azərbaycan
dilinin aydın və dəqiq tələf-
füzü uğrunda mübarizə
aparmışdır.
Aktyorun Milli Dram
Teatrında yaratdığı əsas
rollar bunlardır: Arif, Dər-
viş (“İblis” və “Şeyx Sə-
nan”, Hüseyn Cavid), Vaqif,
Söhbət (“Vaqif”, və “Xan-
lar”, Səməd Vurğun), Sur-
xay, Usta Segah (“Toy” və
“Xoşbəxtlər”, Sabit Rəh-
man), Piri baba (“Eşq və
intiqam”, Süleyman Sani
Axundov), Şeyx Nəsrulla
(“Ölülər”, Cəlil Məmməd-
quluzadə), İmamyar, Xas-
polad (“Yaşar” və “Oqtay
Eloğlu”, Cəfər Cabbarlı),
Mirzə Həbib, Xan (“Lənkə-
ran xanının vəziri”, Mirzə
Fətəli Axundzadə), Dmitri
Petroviç (“İki qardaş”, Mi-
xail Lermontov), General
Tomson (“Şərqin səhəri”,
Ənvər Məmmədxanlı), Sər-
dar Eldarov (“Son gülən”
Kondrat Krapiva), Baturin
(“O tayda”, Anatoli Botya-
Mart
115 illiyi
Kazım Ziya
1896-1956
Aktyor
21
90
nov), Kastenov (“Bir evin sirri”, Tur qardaşları).
Kazım Ziya “Bismillah” və “Səbuhi” filmlərinə çə-
kilmişdir. Bundan başqa o, Lev Tolstoyun “Canlı me-
yit”, Henri İbsenin “Cəmiyyət sütunları”, Vadim Sob-
konun “İkinci cəbhə arxasında”, Aleksandr Dümanın
“Qanlı qala” (“Nel qülləsinin sirri”) pyeslərini və di-
gər dramları dilimizə tərcümə etmişdir.
Aktyor 17 iyun 1943-cü ildə Azərbaycan Respubli-
kasının Xalq artisti fəxri adına layiq görülmüşdür. O,
1948-ci ildə “Şərqin səhəri” (Ənvər Məmmədxanlı)
tamaşasının bir qrup yara-
dıcı heyəti ilə birgə Tom-
son roluna görə Stalin mü-
kafatı laureatı olmuşdur.
Görkəmli sənətkar 20 no-
yabr 1956-cı ildə Bakıda
vəfat etmiş və Fəxri Xiya-
banda dəfn olunmuşdur.
Ədəbiyyat
Xəlilzadə, F. Aktyorun xitabət kürsüsü: [mərhum aktyor Kazım Ziya haq.]
/F.Xəlilzadə //Azərbaycan.- 2006.- 30 aprel.- S. 5.
Kazım Ziya //Azərbaycan Sovet Ensiklopediyası: 10 cilddə.- Bakı, 1981.- C.5.-
S.209.
Rəhimli, İ. Kazım Ziya /İ.Rəhimli //Azərbaycan teatr tarixi.- Bakı, 2005.- S.258-
259.
İnternetdə
www.anl.az
www.az.wikipedia.org
Səmayə Quliyeva