III INTERNATIONAL SCIENTIFIC CONFERENCE OF YOUNG RESEARCHERS
815
Qafqaz University 17-18 April 2015, Baku, Azerbaijan
yaraşıqlıdır, güclüdür, ağıllıdır, şah nəslindəndir, nadir sənətkardır. Arifin Fərhadı Nizaminin
Fərhadı qədər vəfalı, sədaqətli sayıla bilməz. Çünki Nizaminin Fərhadı Şirinə - ilk sevgisinə
sona qədər sadiqdir, yalnız onu düşünür, onun eşqindən ilhamlanır. Ərdəbilinin Fərhadı
Gülüstan vəfat edəndə uzun müddət özünə gələ bilmir, onu unutmur, sevgilisinə yas saxlayır.
Lakin Şirini gördükdən, Şirin ona ürəyini açdıqdan sonra vəziyyət dəyişir, Gülüstanı demək olar
unudur. Hətta övladlarını Müqbilə vəsiyyət edib Şirinlə birlikdə gedir. Yalnız Şirin ondan
xəbərsiz Şavurla Qəsri– Şirinə gedəndən sonra Gülüstanı xatırlayır.
Fərhadın ölümü “Fərhadnamə”də fərqlidir, o, vaxtilə canına qıydığı cavanın anası
tərəfindən zəhərlənərək öldürülür.
“Fərhadnamə”dəki digər maraqlı obraz Şirindir ki, onun Nizami qəhrəmanından bir çox
fərqli xüsusiyyətləri vardır. Ərdəbilinin Şirini bir qədər hərdəmxəyal, öz zövq və istəyinə qalib
gələ bilməyən bir obrazdır. Əvvəlcə Fərhadı görən Şirin ona vurulur, onu arzulayır. Xosrovu
gördükdən sonra onun da məhəbbətinə sevgiylə cavab verir, onunla gün keçirir. Gülüstan vəfat
etdikdən sonra Fərhadın vüsalına çatmaq istəyir. Bəlkə də Arifin özünün dediyi kimi, Şirin daha
real, həyati obrazdır.
Şirinin Fərhadın qəbri üstdə türbə tikdirməsi motivi də yenidir.
“Xosrov və Şirin”də maraqlı obrazlardan biri də Şapur obrazıdır ki, Ərdəbili onu Şavur
adlandırmışdır. Şavur Ərmən elindəndir, xristiandır, məşhur Çin rəssamı Maninin məktəbində
təhsil almaq üçün Çinə getmiş, orada Fərhadla tanış olmuş, onun nədimi olmuşdur. Nizaminin
əsərində olduğu kimi burada da qəhrəmanların (Fərhad və Gülüstan) vüsalının səbəbkarı Şavur-
dur. O, Fərhadın yaxın dostudur. Lakin obrazın anlaşılmayan xüsusiyyətləri vardır: Şirinlə bir-
likdə Qəsri–Şirinə gizlicə yollanır, Fərhadın əzab çəkdiyini bilə-bilə ona xəbər vermir, əsərin
sonunda Xosrovun arvadı Məryəmin yanında qalır, xidmətində dayanır, Fərhadsa təkbaşına
Bisütuna yollanır. Şavurun evlənməsi Nizami əsərində olduğu kimidir; o, qəhrəmanın vüsala
yetməsindən sonra gözəllərdən biri ilə ailə qurur. Arifin Şavuru hətta İran sarayına gedib
Hürmüzün xidmətində dayanır, Xosrovla tanış olur, dostlaşır, onun Şirinlə olan münasibətin-
dən, hisslərindən xəbərdar olur.
Xosrov “Fərhadnamə”də bir qədər kölgədə qalmışdır. Burada da o, hökmdar Hörmüzün
oğlu, vəliəhdidir. Arifin Xosrovu da Şirini sevir, onu arzulayır. Onun Fərhadla birlikdə
olduğunu eşidəndə buna qəzəblənir, Fərhadı məhv etmək qərarına gəlir. Lakin artıq o Məryəmlə
evlənmişdir. Onun bu evliliyinin səbəbi Nizaminin “Xosrov və Şirin” poemasında olduğu
kimidir. Maraqlı cəhət burasındadır ki, Xosrovun Fərhadın qətlində heç bir iştirakı olmur, hətta
bu xəbərdən dərin kədərə qərq olur. Burada Xosrov zəif xarakterli, eyş– işrət düşkünüdür.
Məryəm də Gülüstan kimi öz sevgisinə sadiq qadındır. Yalnız əsərin sonlarına yaxın
səhnəyə gələn Məryəmin ölümü “Fərhadnamə”də yoxdur. Məryəm həm də rəhmdil obrazdır,
Fərhadı öldürən qadın onun yanına muştuluğa gələndə onu yanından qovur, qətlə əsla sevinmir.
“Fərhadnamə”də Məhinbanu Şirinin anasıdır, əri Abxaz hökmdarıdır. Ərindən sonra taxta
çıxmış, ədaləti hər yerdə bərqərar etmişdir. Lakin hər iki əsərdə onun Şirinə öyüd verməsi, onu
hüzura çağıraraq nikah–kəbinsiz Xosrovun arvadı olmamasını tapşırması paraleldir.
Çin fəğfuru-Fərhadın əmisi, əmisi oğlanları, abxaziyalı ustad, onun arvadı, Fərhadın bacı-
sı və yeznəsi, Müqbil, Hürmüz, Gəray əsərdə epizodik səciyyə daşıyırlar. Bu obrazların hadisə-
lərin gedişinə o qədər təsiri yoxdur, bəzən yalnız adları çəkilir. Çin fəğfuru qardaşı öldükdən
sonra taxtı ələ keçirmiş, öz qardaşının arvadını- Fərhadın anasını özünə zövcə etmişdir.
Fərhadın yeznəsinin onun oğlanlarını əsir tutmasından sonra Fərhada məktub yazaraq taxtda
gözünün olmamasını qeyd etməsi də ikiüzlü təsir bağışlayır.
Abxaziyalı ustad və onun arvadı (Gülüstanın valideynləri) zəhmətkeş kütlənin mehriban
nümayəndələridir. Abxaz şahı da ədalətli hökmdardır. Maraqlı cəhət budur ki, Abxaz şahı
Fərhadın Çin fəğfurunun oğlu olduğunu bildikdən sonra Şavura bunu əvvəldən söyləmiş
olsaydı, öz qızı Şirini Fərhada ərə verəcəyini söyləyir.
III INTERNATIONAL SCIENTIFIC CONFERENCE OF YOUNG RESEARCHERS
816
Qafqaz University 17-18 April 2015, Baku, Azerbaijan
Müqbil Çindən Abxaza qədər Fərhadın yol yoldaşı, köməkçisidir. Vəfalı, sədaqətli insan
olan Müqbilə Fərhad hətta öz övladlarını etibar edir.
“Fərhadnamə”də Gəray yeni obrazdır, Xosrovun silahdaşıdır, Şirini izləyərək Bisütuna
gəlir. Burada Fərhadla Şirini görür, lakin Şirin Fərhadla onu qan qardaşı edəndən sonra gördük-
ləri haqda heç kimə danışmayacağını bildirir. Lakin Fərhad ona bir tağ tikir, baxmaq üçün tağa
çıxan Gərayı Fərhad itələyib yerə salaraq öldürür. Fərhadın belə acizlik, qorxaqlıq göstərdiyi
anlaşılmayan səhnələr əsər boyu diqqət çəkir. Məsələn, Şirinlə Xosrovdan gizli görüşür, görüş-
lərə axşamlar gedir, Xosrovun bu münasibətdən duyuq düşməsindən ehtiyat edərək, uzun müd-
dət Şirindən ayrı qalır. Yaxud Şirinin Xosrovdan əvvəlki nişanlısından qorxaraq Qəsri–Şirinə
yola düşməsinə səssiz qalır, əsərin sonuna qədər öz sevgisini etiraf etmir. Xosrovun hüzuruna
divanə kimi gəlir, vəziyyətinin səbəbini vəfat etmiş sevgilisi – Gülüstan olduğunu deyir, ancaq
Şirinə olan hisslərini dilə gətirməkdən çəkinir.
MƏTBUAT VƏ TƏNQİD (XX ƏSRİN 90-CI İLLƏRİNDƏ)
Nərgiz ƏLİBƏYLİ
nargiz_sn@inbox.ru
AZƏRBAYCAN
Azərbaycan ədəbi tənqidi fikir tarixində publisistikanın böyük rolu olmuşdur. Azərbay-
can mətbuat tarixinin formalaşması ötən əsrin ortalarına təsadüf edir.İlk milli mətbuat orqanı-
mız olan “Əkinçi” qəzeti işıq üzü gördü. Daha sonralar bir çox mətbuat orqanları fəaliyyət
göstərsə də, “Molla Nəsrəddin” jurnalı mətbuatda ədəbi tənqidin formalaşmasında bəlkə də ilk
bünövrə oldu. Jurnal sırf tənqidi xarakter daşıyıb istər ictimayi həyatla bağlı, istərsə də ədə-
biyyatla əlaqədar tənqidi məsələləri özündə birləşdirirdi. Artıq müstəqillik illərində mətbuat
daha azad, buxovlardan nisbətən azad olmuş şəkildə fəaliyyət göstərirdi. Publisistika ədəbiy-
yatın daha sərbəst formasıdır. Publisistika tənqidçiyə geniş yaradıcılıq və axtarış imkanı ver-
məklə yanaşı fikirlərini və görüşlərini də daha rahat şəkildə ifadə imkanı verir . Ədəbiyyatı
hər cür ideolojiliklərin qanadı altından çıxarıb onu zamanın fəlsəfi, estetik və siyasi düşüncə
tələbatının fövqünə qaldırmaq kimi fundamental xidməti ədəbiyyatımıza məhz təcrübəsi, tarixi,
professonallığı və dəyərli ədəbi-bədii material uğrunda prinsipial mövqeyi olan qəzet – jurnal
yaradıcıları həyata keçirə bilər.
90-cı illərdə bir sıra mətbuat orqanlarının ədəbi tənqidin inkişafında bilavasitə və müs-
təsna rolu olmuşdu. “Azərbaycan”, “Ulduz”, “525-ci qəzet”, “Ədalət”, “Yeni Azərbaycan”,
“Sənət”, “Ədəbiyyat”qəzeti kimi ədəbi mətbuat orqanları ədəbiyyatın və ədəbi tənqidin aparıcı
qolu olmuşdurlar. Bütün bu müzakirə və narahatlıqların nəticəsi olaraq 90-cı illərdə “Ədəbi
tənqid” jurnalı nəşrə başlamışdır. Lakin təəssüf ki, yalnız bircə nömrəsi işıq üzü gördükdən
sonra nəşri dayandırılmışdır. Bu baxımdan “Azərbaycan” jurnalının imkanları daha genişdir.
Jurnal ilk olaraq “İnqilab və mədəniyyət” adı ilə nəşrə başlamışdır. Jurnal müxtəlif adlar
altında: “Maarif və mədəniyyət” (1923- 1927; 1946- 1952), “İnqilab və mədəniyyət” (1928-
1936), “Revolyusiya və kultura” (1936- 1941), “Vətən ugrunda” (1941- 1946), nəhayət, 1953-
cü ildən bu günə kimi “Azərbaycan” adı ilə nəşr olunmuşdur. Fəaliyyət göstərdiyi 90 il
ərzində onun səhifələrində bu və ya digər əsəri nəşr etdirməmiş Azərbaycan yazıçısını təsəv-
vür etmək çox çətindir. Jurnal Azərbaycan yazıçılarının- Azərbaycan şair və nasirlərinin, dra-
maturq, publisist, tənqidçi və ədəbiyyatşünaslarının doğma ocağıdır. Əsas məqsədi Azərbay-
can ədəbiyyatının, nəzəri ədəbiyyatşünaslığın, ictimai və elmi fikrin, bütövlükdə mədəniyyətin
mənzərəsini əks etdirmək, çağdaş dünya ədəbiyyatı və mədəniyyətində gedən proseslərin,
mövcud cərəyan və təmayüllərin millidüşüncədə təzahürünü, eyni zamanda qloballaşma şərai-
tində ədəbiyyat və mədəniyyətimizin milli istiqamətlərinin qorunmasını təmin etməkdir.