III INTERNATIONAL SCIENTIFIC CONFERENCE OF YOUNG RESEARCHERS
817
Qafqaz University 17-18 April 2015, Baku, Azerbaijan
Yaradıcılıq fəaliyyətini və proqramını Azərbaycan və dünya ədəbiyyatı, ədəbiyyatşü-
naslığı, nəzəri-estetik baxış və cərəyanları özündə əks etdirmək prinsipləri üzərində quran
yaradıcı heyət bu işi, poeziya, nəsr, “tənqid və ədəbiyyatşünaslıq”, “publisistika” şöbələrində
həyata keçirir. Jurnal təkcə Azərbaycan ədəbiyyatında yaranan tendensiya və prosesləri əks
etdirməklə qalmayıb dünya ədəbi mühitində baş verənləri də oxuyuculara çatdırır. Jurnal
dünya ədəbiyyatından: Alber Kamyu, Qoderzi Coxeli, İvan Bunin, Əziz Nesin, Əhməd Temir,
Mikloş Bamoş, Toğrul Kəskin, Ömər Seyfəddin, Vasili Şukşin, Yasunavi Kavabata, Boris
Morjanov, Saad Həmid, Vasil Papov, Xorxe Luis Borxes, Tatyana Tolstaya, Puşkin, Ceyms
Qrinvud, Marsel Eme, Uilyam Folkner, Mixail Bulqakov, Fakir Baykurt, Somerset Moyem,
Con Patrik və b. yazıçıları səhifələrinə gətirmişdir . Jurnal müxtəlif bölmələrdən ibarətdir.
Tənqid və ədəbiyyatşünaslıq bölməsində tənqidi məqalə , söhbət və müzakirələr yer alır.
Tənqidçilərin və nəzəriyyəçilərin iştirakı ilə “Bizim sorğu”, “Polemika”, “Dəyirmi masa” ki-
mi layihələr keçirilmişdir ki , bu söhbətlərdə ciddi, elmi – fəlsəfi və nəzəri əsaslara söykənən
ədəbi-bədii zövq və intellekt üçün dəyərli olan fikirlər ortaya çıxmışdır. Jurnalın ildə 12 nöm-
rəsi çıxır. Yusif Səmədoğlu deyərdi ki, yaxşı yazı gətirən varsa, onu növbə siyahısına salmaq
lazım deyil.
1960-70-Cİ İLLƏR AZƏRBAYCAN NƏSRİNDƏ TARİXƏ
MÜASİR BAXIŞ VƏ ƏDƏBİ TƏNQİD
Təranə RƏHİMLİ
Azərbaycan Dövlət Pedaqoji Universiteti
terane.turan@gmail.com
AZƏRBAYCAN
1960-70-ci illərdə Azərbaycan bədii nəsrinin tarixi mövzuya müraciəti intensivəşir,
tarixi gerçəkliklərə çağdaş sənətkar baxışı başlıca yaradıcılıq keyfiyyəti kimi diqqəti cəlb edir.
Bu mərhələdə ədəbi tənqid tarixə müraciətin, tarixi hadisələrin yenidən, obyektiv dərkinin
müasirliyin bədii dərkinə də yardımçı olduğu qənaətinə gəlir. «Bədii tarixilik», «tarixi
mövzu» anlayışlarının yeni mərhələdə təzahür edən bədii-estetik, fəlsəfi-sosioloji istiqamətlə-
rinə diqqət yetirilir, bədii sənətin tarixə estetik münasibətinin dəyişməsi müşahidə olunurdu.
Bu mərhələdə tənqid tarixiliyi «təkcə tarixi mövzuda yazılmış əsərlərin keyfiyyəti kimi yox,
müasirliyin bədii dərki prinsipi kimi», «estetik qiymətləndirmə vahidi olaraq dərk edir və
dəyərləndirirdi. Həmin mərhələnin tənqidində İnsan, Tarix və Zamanın bədii düşüncədəki
vəhdəti diqqət mərkəzindədir. Tənqid məhz bu vəhdət prinsipinin gözləndiyi əsərdə tarixi şəx-
siyyətin obrazının öz milli və fərdi xüsusiyyətləri ilə güclü xarakter kimi rəğbət doğurduğunu,
ümumbəşəri miqyas və vüsət kəsb etdiyini vurğulayır. Bu cəhətdən İsmayıl Şıxlının “Dəli
Kür” romanı və Fərman Kərimzadənin “Qarlı aşırım” povestinə ədəbi tənqidin münasibəti ciddi
maraq doğurur.
Azərbaycan nəsrinin görkəmli nümayəndələrindən biri olan İsmayıl Şıxlının “Dəli Kür”
romanı ötən əsrin 60-cı illərinin başlanğıcında nəsrimizin yeni inkişaf mərhələsinə qədəm
qoyduğunu isbat edən dəyərli əsərlərdən biri kimi ədəbi ictimaiyyətin diqqətini cəlb etdi.
Əsərin ideyası, müəllif qayəsi, XVIII əsrin sonlarında Azərbaycanda sosial-siyasi gerçəkliyinə
yazıçı müdaxiləsi, sosial mühit və xarakter, şəxsiyyət və zaman problemlərinə sənətkar müna-
sibəti, milli tarixi varlığın mükəmməl ifadəçisi kimi ciddi maraq oyadan Cahandar ağa obrazı,
əsərin dil-üslub xüsusiyyətləri və s. yaradıcılıq məsələləri ədəbi tənqidin fəal təhlil obyektinə
çevrildi. “Xarakterlər romanı” kimi dəyərləndirilən “Dəli Kür”, eyni zamanda, çar Rusiyası
istilası dövründə Azərbaycan həqiqətlərinə müasir baxışla fərqlənən əsər kimi elmi-nəzəri
III INTERNATIONAL SCIENTIFIC CONFERENCE OF YOUNG RESEARCHERS
818
Qafqaz University 17-18 April 2015, Baku, Azerbaijan
təhlillərdə yer aldı. Yazıçının özünün yaşadığı sovet istilası dövrünün reallıqlarını tarixə baxış
kontekstində izah etməsi, 60-cı illərdə sovet ədəbi stereotiplərinin tüğyan etdiyi, bədii fikrin
məhdud çərçivədə fəaliyyət göstərdiyi bir tarixi dönəmdə tarixə müraciətlə müasir cəmiyyət
haqqında fikirlərini üstüörtülü şəkildə çatdırması ədəbi tənqidin diqqətindən yayınmamışdır.
Cahandar ağa – Əşrəf, Cahandar ağa – Kipiyani, Rus Əhməd mükalimələrində, eləcə də apa-
rıcı qəhrəmanın monoloqlarında bunu dönə-dönə müşahidə etmək mümkündür.
Fərman Kərimzadənin “Qarlı aşırım” povesti də “Dəli Kür” kimi ilk növbədə tarixə mü-
asirlik mövqeyindən yanaşma aspekti ilə ədəbi-nəzəri fikrin təhlil obyektinə çevrilmişdir. 1967-
ci ildə çap olunmuş "Qarlı aşırım" gələcəkdə dəyərli tarixi romanlar müəllifi kimi tanınacaq
qüdrətli bir sənətkarın istedadından xəbər verirdi. Yazıçı "Qarlı aşırım"da son dərəcə
mürəkkəb bir tarixi dönəmin – 1930-cu illərin sosial-siyasi ziddiyyətlərini, kollektivləşmə
dövrünün çətinliklərini fərqli tərzdə, özünəməxsus yaradıcılıq ruhu ilə əks etdirmişdi. 30-cu
illərə 60-cı illər Azərbaycanının gözü ilə baxış, hadisələrin yeni məcrada dəyərləndirilməsi
əsərin böyük rəğbət qazanmasını şərtləndirdi. Xalq qəhrəmanı Abbasqulu bəy Şadlinskinin
ömrünün son üç günü, xalqının rifahı yolunda ürəyini məşələ çevirməsi, cəsarəti və
qorxmazlığı, yüksək ağıl və idrak sahibi kimi tədbirli hərəkətləri, Kərbəlayı İsmayılla dədə-
baba dostluğuna, duz-çörəyə inamı və s. yazıçının tarixi fakt və hadisələrə böyük duyum və
həssaslıqla yanaşdığını isbatlayır. Lakin onu da qeyd etmək lazımdır ki, əsərdə heç də bütün
bolşevik obrazları müsbət göstərilmir, Talıbov bolşevik olsa da ənənəvi bolşevik surətlərindən
fərqli olaraq qorxaq təsvir edilir. Yaxud, Kərbəlayı İsmayıl obrazı ənənəvi bəy, mülkədar
obrazından fərqli olaraq cəsur, igid, el adət-ənənəsinə hörmətlə yanaşan, patriarxal qanunlara
sədaqət hissi ilə seçilən əzəmətli ağa kimi dərin təsir bağışlayır. "Ə, nə hökumət, hansı höku-
mət? Mən belə hökumət tanımıram!" – sözləri ilə yaşadığı dövrun siyasi çevrilişini qəbul
etməyən, sovet hökumətinə meydan oxuyan Kərbəlayi İsmayıl məhz hər cür istilanı lənət-
lədiyini, öz dədə-baba torpaqlarında azad yaşamaq uğrunda mübarizliyini təsdiq edir. "Qarlı
aşırım"ın aparıcı qəhrəmanının bu sözləri sovet hökumətinin “qılıncının tiyəsinin də, qəbzə-
sinin də kəsdiyi” illərdə, siaysi təzyiqlərin ən güclü vaxtında – 1967-ci ildə Fərman Kərimza-
dənin cəsarətli yazıçı mövqeyinin ifadəsi idi. F.Kərimzadə “qırmızı ilğım”ın puç və əfsanə
olduğunu, işğalçı hökumətin saxtakarlığını yazıçı fəhmi ilə bir çox müasirlərindən əvvəl
duymuş, Kərbəlayı İsmayılın timsalında onun qondarma bir hökumət olduğunu dilə gətir-
mişdi. "Qarlı aşırım" romanı milləti böyüklükdən cılızlığa, ağalıqdan, bəylikdən köləliyə sü-
rükləmək missiyasını həyata keçirən sovet cəmiyyətinin iç üzünü açır, aşırımın o biri üzün-
dəki həqiqətləri açıb göstərirdi. Milli şüurun yetkinliyi, milli varlıq üğrunda mübarizə əsərdə
əsas ideya kimi tənqidin diqqətini cəlb etmişdir.
1970-ci illər tənqidi bədii tarixiliyin estetik kateqoriya kimi spesifikasını aydınlaşdırma-
ğa səy göstərir, onu insan taleyini tarixi dövrlə, tarixi gerçəkliklə dialektik əlaqədə təqdim
edən yazıçının bədii təsvir imkanları ilə izah edirdi. Bu illərdə tənqid ədəbiyyatda bədii
tarixiliyin təzahür özünəməxsusluğuna diqqət yetirir, müşahidə edir ki, «sənətkar hadisə və ya
şəxsiyyətin müraciət etdiyi epoxanın obyektiv qanunauyğunluğuna muvafiq bədii şərhini ver-
məklə yanaşı, konkret insanın davranışında, əməl və fəaliyyətində, psixologiyasında cəmləşdirir.»