3.3. Agrosanoat majmuasi uchun ishlab chiqarish vositalari ishlab
chiqaruvchi sohaning hozirgi holati va rivojlanish yo’nalishlari
O’zbekiston Respublikasi agrosanoat majmuasi 1- sohasining ayrim tarmoqlari
yaxshi rivojlangan. Jumladan, kimyo sanoati agrosanoat majmuasi 1-sohhsining
52
asosiy tarmoqlaridan bo’lib, unda jami sanoat mahsulotning 5,2 foizi ishlab
chiqariladi. Ma’danli o’g’itlar va kimyoviy dorilar, pereperatlar ishlab chiqarish
sohasi rivojlangan soha hisoblanadi. Mamlakatda azotli, fosforli ma’danli o’g’itlar
qishloq xo’jaligining talabini to’la qondiradigan miqdorda ishlab chiqariladi. Bundan
tashqari mamlakatda ishlab chiqarilayotgan azotli va fosforli ma’danli o’g’itlarning
bir qismi xorijiy davlatlarga eksport qilinadi. 2005 yilda respublika eksportida kimyo
sanoatining ulushi 5,3 foizni tashkil etdi.
O’zbekiston Respublikasi ma’danli o’g’itlarni ishlab chiqarishni ko’paytirish
borasida katta resurslarga egamiz. Mamlakatda mustaqillikning daslabki yillarida
fosforli ma’danli o’g’itlar ishlab chiqarishda katta muammolar yuzaga keldi. Chunki
fosforli ma’danli o’g’itning asosiy komponenti, xom ashyosi hisoblangan fosfor uni
asosan qo’shni Qozoqiston Respublikasidan keltirilar edi. Sobiq ittifoq davrida
o’rnatilgan iqtisodiy aloqalarning buzilishi oqibatida fosfor unini import qilish
imkoni kamaydi. Natijada 1994-1998 yillarda fosforli o’g’itlar ishlab chiqaradigan
qator zavodlar to’xtab qoldi. Bundan malakat katta iqtisodiy va ijtimoiy zarar ko’rdi.
Respublikada ma’danli o’g’itlar ishlab chiqaradigan zavodlarni xom ashyo bilan
uzuksiz ta’minlash choralari ko’rildi. Natijada Navoiy viloyatida fosfor unini
boyituvchi zavod 2002 yilda ishga tushirildi va bu borada istiqbolli rivojlanishga asos
yaratildi. 2005 yilda respublikada 100 foiz ta’sir qiluvchi modda hisobida 765 ming
tonna azotli, 101,5 ming tonna fosforli ma’danli o’g’itlar ishlab chiqarildi.
Albatta ma’danli o’g’itlarni ishlab chiqarishni rivojlantirish, uning yanada
samarali turlarini ishlab chiqarish ustida ishlar olib borilmoqda. Ayniqsa, ma’danli
o’g’itlar tarkibini boyitish (sof ta’sir qiluvchi modda salmog’ini ko’paytirish) katta
iqtisodiy samara beradi. Ma’danli o’g’itlar tarkibida azot, fosfor va kaliyning
miqdorini 1 foizga oshirish ming – ming tonnalab yukni ortiqcha tashishdan xolos
etadi. Bu esa juda katta tejamkorlikka olib keladi.
Respublikamizda asosan azotli va fosforli ma’danli o’g’itlar ishlab chiqariladi.
Kaliyli o’g’itlar ishlab chiqarish uchun maxsus zavodlarning yo’qligi tufayli bu
turdagi o’g’itlarni asosan import qilamiz. Import qilinayotgan kaliyli o’g’itlarning
53
qimmatliligi uni talab darajasida yetarlicha olib kelishga imkon bermayapdi. Albatta
bu qishloq xo’jaligi ekinlaridan yuqori hosil olishda salbiy ta’sir etmoqda. Masalan,
2004 yilda paxta hosildorligi Xitoyda 33 sentner ga, Isroilda 38 sengtner gani tashkil
etdi
.
Shu yili respublikada paxtadan gektariga o’rtacha 22 sentnerdan hosil olindi.
Masala shundaki, qishloq xo’jaligi ekinlariga solinadigan ma’danli o’g’itlar turli
omillarni hisobga olgan holda ma’lum nisbatlarda berilishi kerak. Azot, fosfor,
kaliyni ilmiy belgilangan nisbatlarda ekinlarga bermaslik ularning hosildorligini
pasayishiga sabab bo’ladi.
Respublikada mamlakat agrosanoat majmuasining 1- sohasiga kiruvchi
traktorsozlik, paxta terish mashinalari ishlab chiqarish tarmoqlari yaxshi rivojlangan.
O’zbekiston Respublikasi paxta terish mashinalarini komples holda ishlab
chiqaradigan ikki davlatning biri hisoblanadi. paxta terish mashinalarini AQSH va
O’zbekiston Respublikasi ishlab chiqaradi. Albatta Isroil davlati ham AQSHning
paxta terish mashinalari ishlab chiqaradigan korxonalari bilan birgalikda ushbu
sohani tashkil etgan. Ammo u asosan o’zi uchun ishlab chiqaradi.
Respublikada qishloq xo’jaligi mashinasozligi mamlakat sanoatining asosiy
tarmoqlaridan biri hisoblanadi. Mamlakatda 300 dan ortiq qishloq xo’jaligi
mashinalar va ularning butlovchi qismlarini ishlab chiqaruvchi sanoat korxonalari
bor. Ayniqsa, paxta terish mashinalari va agregatlari ishlab chiqarish tizimi yaxshi
rivojlangan. paxta terish mashinalari bilan bog’liq barcha mexanizmlar
O’zbekistonda ishlab chiqariladi. Mamlakatda ishchi mashinalar – pluglar, ekish
agregatlari, chizellar, boronalar va ko’plab turdagi ish qurollari ishlab chiqarish ham
yo’lga qo’yilgan. Albatta, ularning sifatini yaxshilash talab qilinadi.
Respublikada don o’rish kambaynlari, maxsus avtomobillar kabi juda zarur
vositalar ishlab chiqarish tarmoqlari hali tashkil etilmagan. Ular boshqa davlatlardan
import qilinadi. Qishloq xo’jaligi mahsulotlarini qayta ishlash va saqlash sohasi
uchun ishlab chiqarish vositalarini ishlab chiqarish ham respublikada yaxshi
rivojlamagan. Bu mamlakat agrosanoati majmuasida yetishtirilayotgan mahsulotlarni
qayta ishlash tarmoqlari texnik jihozlanishini importga bog’lab qo’ymoqda. Natijada,
54
mamlakatda ishlab chiqarilayotgan qishloq xo’jaligi mahsulotlarini sifatli qayta
ishlash jarayonida ayrim qiyinchiliklar yuzaga kelmoqda.
2004 yil ma’lumotlariga ko’ra qishloq xo’jaligida 205 dona “Magnum-8930” va
“MX-40” rusumli haydov traktorlari, 1728 dona “Keys”, 608 ta “Klaas” va
“Nyuxoland” rusumli g’alla o’rish kombaynlari hamda ko’plab MDH davlatlarida
ishlab chiqarilgan texnikalar ishlatilmoqda. “O’z Keys mash” qo’shma korxonasida
“Keys-2022” rusumli paxta terish mashinasini yig’ish yo’lga qo’yildi. Keyingi 3 yil
ichida Rossiyadan 1483 dona zanjirli traktorlar olib kelindi. Bular T-4A-01, VT-100,
VT-150 haydov traktorlaridan iborat. Toshkent traktor zavodi va “BMKB-
Agromash” konstruktorlik byurosi tajriba sexlarida yaratilgan va yig’ilgan 0,6 tortish
sinfiga mansub “VU-30402” kichik traktor, pN-2-30 ikki korpusli osma plug, NO-3
osma chizel kultivator, NO-3,2 osma borona, NR-30-01 universal kultivator, NR-30-
02 osma universal urug’ ekish seyalkasi, MO’S-0,18 ma’danli o’g’it sepgichlar ishlab
chiqarish yo’lga qo’yilmoqda. 2005 yilda respublikada 57 ta yuk avtomobili, 1211 ta
traktor pritseplari (yuk tashuvchi tirkamalari), 2868 ta traktorlar, 401 ta traktor
pluglari, 1219 ta traktor kultivatorlari, 975 ta traktor seyalkalari (ekish agregatlari)
ishlab chiqarildi.
Hozircha qishloq xo’jaligi mahsulotlarini qayta ishlash va saqlash tarmoqlariga
asosiy vositalar va texnalogiyalar asosan chetdan olib kelinmoqda. Mamlakatda
faqatgina yengil to’qmachilik tarmog’i uchun zarur ayrim texnikalar ishlab chiqarish
yo’lga qo’yilgan. Agrosanoat majmuasi tarmoqlarida mavjud texnikalarga butlovchi
qismlar ishlab chiqarish asta – sekinlik bilan yo’lga qo’yilmoqda.
Respublika agrosanoat majmuasining birinchi sohasini rivojlantirish juda
murakkab bo’lib, bu katta mablag’ va vaqtni talab qiladi. SHu sababli qisqa
muddatdagi qishloq xo’jaligi texnikalariga bo’lgan talabni qondirish maqsadida
dunyoning yirik kompaniyalari bilan O’zbekiston Respublikasi turli shartnomalar
imzoladi. “Keys-Nyu-Xolland” korporatsiyasi 1996 yildan o’z faoliyatini boshladi.
O’tgan davrda 5000dan ortiq texnika respublikaga olib kelindi. “Keys-Nyu-Xolland”
korporatsiyasi va “O’zqishloqxo’jalikmashxolding” kompaniyasi tomonidan bir
55
nechta model xo’jaliklari tashkil etildi. SHulardan biri paxta va g’allaga
ixtisoslashgan Toshkent viloyati Quyichirchiq tumanida joylashgan bo’lib, ushbu
texnikalardan ishlab chiqarishda foydalanish yuqori natijalar berishini ko’rsatdi.
Jumladan, model xo’jalikda 2003-2004 yillarda paxta hosildorligi 60 sentnerni g’alla
esa 80 sentnerni tashkil etdi.
Respublikada mavjud holatni chuqur o’rganib hamda agrosanoat majmuasi
tarmoqlarining talablaridan kelib chiqib, asosiy vositalar lizingi rivojlantirilmoqda.
Lizing yo’li bilan chetdan eng zarur asosiy vositalar keltirilmoqda. Masalaning bu
tariqa hal etilishi ham malakat iqtisodiyoti ayniqsa, qishloq xo’jaligi uchun muhim
ahamiyatga ega.
Xulosa qilib aytganda, respublikada agrosanoat majmuasi 1-sohasining
rivojlanish darajasi yuqori emas. Shu sababli, bu sohani rivojlantirish mamlakat
hukumati iqtisodiy siyosatining ustuvor yo’nalishlaridan biri sifatida belgilangan.
Dostları ilə paylaş: |