50
Daxili yanma mühərriklərinin soyutma sistemi
Daxili yanma mühәrriklәrinin effektiv faydalı iş әmsalı (f.i.ә.), mühәrrikin
bütün mexanizm
vә sistemlәri normal işlәdikdә, karbüratorlu mühәrriklәr üçün
0,23...0,33, dizellәr üçün isә 0,33...0,40 hüdudunda dәyişir.
Başqa sözlә, bu gün
DYM-dә yandırılan yanacağın, yaxşı halda, ancaq 23 ... 40 faizi faydalı
işә sәrf
olunur, 60...77 faizi isә müxtәlif itkilәrә, o cümlәdәn, mühәrrik hissәlәrinin (porşen,
silindr, silindrlәr başlığ vә s.) qızmasına sәrf olunur. Mühәrrikin iş tsiklindә
silindrin daxilindәki qazların orta temperaturu 1050...1150 K hüdudunda dәyişir.
Әgәr mühәrriklәrin qızmış hissәlәri normal temperatura kimi soyudulmasa yağın
yağlama keyfiyyәtini itirmәsi, qovşaq hissәlәrdә araboşluğunun azalması, işçi
qarışığın vaxtından qabaq alışması vә ya qeyri-normal yanması-detonasiyası
(karbüratorlu mühәrriklәrdә) sәbәbindәn mühәrrikin normal işi pozula bilәr.
Mühәrrikin qızmış hissәlәrinin istiliyi atmosferә verilir.
Bu istiliyin labüd itkisi
olub, onun qiymәti mühәrrikin tipindәn, konstruksiyasından, soyudulma üsulundan
vә s. asılıdır.
Mühәrrikin hәddindәn artıq soyudulmasına da yol vermәk olmaz,
çünki bu
zaman faydalı işә çevrilәn istiliyin miqdarı azalır, yanacaq pis buxarlanır vә yaxşı
yanmır, yanacaq silindrin soyuq divarına dәydikdә kondensasiya edir (buxar ha-
lından maye halına keçir) vә qovşaq hissәlәr arasından yağı yuyub, yağ çәmbәrinә
(karterinә) axıdır. Nәticәdә mühәrrikin yağlanması pislәşir,
qovşaq hissәlәrin
yeyilmәsi sürәtlәnir vә mühәrrikin gücü azalır. Bütün yuxarıda qeyd edilәnlәrdәn
belә aydın olur ki, DYM-dә soyutma sisteminim olması labüddür vә onun vәzifәsi
mühәrrikin ziyanlı istiliyini azaltmaqdan, soyutmaqdan ibarәtdir.
DYM-dә iki cür
soyutma sistemindәn istifadә edilir: mayeli vә hava ilә soyutma sistemi. Mayeli
soyutma sistemindә mühәrrikin qızmış hissәlәrinin istiliyi
maye vasitәsilә, hava ilә
soyutma sistemindә isә bilavasitә hava ilә atmosferә ötürülür.
Dostları ilə paylaş: