Microsoft Word Avtomobil muhazira
Yüklə 8,07 Mb. Pdf görüntüsü
|
| Mayeli soyutma sistemi.
Mayeli soyutma sisteminin iş prinsipi aşağıdakı kimidir. Mühәrrikin silindrlәr blokunda vә silindrlәr başlığında yerlәşәn su köynәklәrinә daxil olmuş soyuducu maye silindrlәrin vә yanma kamerasının qızmış divarlarını yuyaraq onların istiliyini öz üzәrinә götürür vә mühәrrikin qızmış hissәlәrini soyudur. Qızmış maye, soyutma sisteminә daxil olan xüsusi soyuducuya–radiatora daxil olaraq, öz istiliyini atmosferә ötürür. Soyudulmuş maye yenidәn mühәrrikin su köynәyinә daxil olaraq, tәkrar mühәrrikin soyudulmasını tәmin edir. Belәliklә, mühәrrikin soyutma sistemindә suyun müntәzәm dövriyyәsi baş verir. İşlәyәn mühәrrikdә soyuducu mayenin normal temperaturu 80... 95 °C hüdudunda olnalıdır. Soyutma sistemindә mayenin dövr etdirilmә üsuluna görә mayeli soyutma sistemi iki növdә-termosifonlu vә mәcburi tipli ola bilәr. Termosifonlu soyutma sistemindә suyun dövr etmәsi isti vә soyuq suyun sıxlıqları (xüsusi çәkilәri) arasındakı fәrq nәticәsindә baş verir. Su köynәklәrindә qızmış mayenin sıxlığı azaldığından o, boru vasitәsilә radiatorun yuxarı bakına daxil olur (qalxır). Radiatorda qızmış su soyudulur, onun sıxlığı artdığından aşağı düşәrәk radiatorun aşağı bakından boru vasitәsilә yenidәn su köynәyinә daxil olur vә sıxlığı az olan qızmış mayeni yuxarı sıxışdırır. Radiatorda suyun soyudulmasını 51 sürәtlәndirmәk mәqsәdilә onun arxa tәrәfindә ventilyator yerlәşdirilir. Termosifonlu soyutma sisteminin әsas üstünlüyü onun quruluşunun sadә olmasıdır. Mәnfi cәhәti isә sistemdә suyun dövretmә sürәtinin aşağı olması vә sistemdәn suyun cox buxarlanmasıdır. Buna görә dә belә soyutma sistemlәri müasir mühәrriklәri tәmin edә bilmәdiklәri üçün hal- hazırda demәk olar ki, tәtbiq olunmur. Әksәr avtomobil mühәrriklәrindә mәcburi soyutma sistemindәn istifadә edilir. Mәcburi soyutma sistemindә suyun dövr etmә sürәtini tәnzimlәmәk üçün mәrkәzdәnqaçma tipli su nasosundan istifadә edilir. Su nasosu suyu (soyuducu mayeni) mәcburi surәtdә silindrlәr blokunun su köynәyinә qovaraq, qızmış suyu radiatora tәrәf sıxışdırır. Qızmış su radiatorda soyudulduqdan sonra boru vasitәsilә yenidәn su nasosuna qayıdır. Mәcburi soyutma sistemindә qızmış vә souydulmuş suyun temperaturlar fәrqi 10°-dәn artıq olmur. Yüklə 8,07 Mb. Dostları ilə paylaş:
|