55
İmpuls formalaşdırıcısının içәrisindә elektromaqnit klapanların
böyük
cәrәyan şiddәtini (bir neçә amper) tәmin edәn güclü tranzistorlar yerlәşir. Belәliklә
püskürülәn yanacağın tsikllik miqdarı incektorun klapanının açıq qalma müddәtini
dәyişdirmәklә tәnzimlәnir.
Sistemin ilk inkişaf mәrhәlәlәrindә mikroprosessor
sisteminin işini
asanlaşdırmaq mәqsәdilә bütün incektorlar üçün impuls formalaşdırıcısının bir
çıxışı nәzәrdә tutulmuşdu. Bunun üçün dә bütün incektorların klapanları eyni
zamanda açılıb-bağlanırdı. Nәticәdә mühәrrikin iş qaydasından asılı olaraq
silindrlәrdәn biri üçün
püskürmә daha әlverişli vaxtda, yәni sorma taktında,
digәrlәri üçün isә әlverişsiz vaxtda baş verirdi. Buna görә dә silindrlәrdәn biri daha
optimal parametrlәrlә, digәrlәri isә әlverişsiz parametrlәrlә işlәyirdi.
Müasir
yanacaq püskürmә sistemlәrindә isә paylanmış püskürmәnin fazalanmış növü tәtbiq
olunur. Belә sistemlәrdә hәr bir silindrin sorma borusuna yanacaq mühәrrikin iş
qaydasından asılı olaraq öz fazasında, yәni sorma taktının ortalarında püskürülür.
Bu zaman hava axınının sorulma sürәti maksimum
olduğundan yanacaq hava ilә
daha yaxşı qarışır. Әn müasir sistemlәrdә isә mühәrrikin göstәricilәrini yüksәltmәk
üçün fazalanmış püskürmә tәtbiq olunmaqla bәrabәr bir tsikldә püskürülәcәk
yanacaq miqdarı hissәlәrә bölünәrәk sorma taktı әrzindә 3-4 dәfәyә püskürülür.
Soyuq mühәrrikin işә salınması zamanı püskürülәn yanacağın miqdarını
xeyli
artırmaq lazımdır. İncektorların normal keçid sahәsi isә hәmin miqdar yanacağı
püskürmәk üçün kifayәt etmir. Buna görә dә paylanmış püskürmә sistemlәrindә
işәsalma zamanı böyük miqdarda yanacaq püskürmәk
üçün işәsalma incektoru da
mövcuddur. Hәmin incektor sorma borusunun ümumi girişindә, yәni
budaqlanmamış hissәsindә yerlәşdirilir. Hәmin incektor yalnız işәsalma rejimindә
işlәyir vә mühәrrik işә düşdükdәn sonra öz işini dayandırır. Bu isә, tәbii ki, yenә dә
mikroprosessorun müvafiq siqnalı әsasında yerinә yetirilir.
Dostları ilə paylaş: