37
bütövlükdə milli iqtisadiyyatın diversifikasiyalaşdırılması mənbələrinin əhatəsi
genişlənir. Tədqiqatçı B.Mutlu qeyd edir ki, Azərbaycan Respublikasının sosial-
iqtisadi inkişafının uzunömürlülüyü qlobal təmayüllərə adekvat olan məqsədyönlü
sistemli iqtisadi islahatların aparılmasından, onun dünya təsərrüfat sisteminə
inteqrasiyasının sürətləndirilməsinə xidmət edən səmərəli xarici iqtisadi əlaqələrin
qurulmasından, xarici ölkələr və beynəlxalq iqtisadi təşkilatlarla ölkənin milli
maraqlarına uyğun əlverişli ticarət-iqtisadi əlaqələrinin genişləndirilməsindən asılıdır.
Müəllifin haqlı bildiyi bu mülahizələr, fikrimizcə, bu günkü milli iqtisadiyyatımızın
iqtisadi inkişaf tendensiyasının xarakteristikası ilə üst-üstə düşür. Ölkəmiz qeyd
edildiyi kimi, çoxlu sayda və geniş coğrafi məkanda xarici-iqtisadi əlaqələrə
malikdir. Bununla belə, bu əlaqələrin, xüsusilə ixrac əlaqələrinin əksəriyyəti
əvvəllərdə bildirdiyimiz kimi, neft ya qazla və yaxud neft məhsulları ilə bağlıdır.
Buradan belə bir nəticəyə gəlmək mümkündür ki, ölkənin qeyri-neft sektorunun ixrac
potensialının heç də az olmayan sahələri vardır və onların dərindən araşdırılması,
obyektiv qiymətləndirilməsi, bunlara adekvat tədbirlərin müəyyənləşdirilməsi
zəruriliyi ilə xeyli aktual görünür. Bir sıra müstəqil ekspertlər də bu problemləri tez-
tez qabardırlar. Məsələn, M.Talıblı qeyd edir ki, Azərbaycanda ÜDM-in əvvəlki
illərdə nisbətdə bu səviyyədə aşağı düşməsinin çoxlu sayda səbəbləri vardır. Daha
çox neft hasilatının təsiri var. Neft sektoru ÜDM-də 53 % təşkil edir. Hasilat aşağı
düşəndə bu, ÜDM-ə də təsir edir. Qeyri-neft sektorunun zəif inkişafı hesabına ÜDM-
də artımlar müşahidə olunmuşdur . Bu fikirlər müstəqil ekspertə məxsusdur. Biz
dəfələrlə qeyd etmişdik ki, Azərbaycanda milli iqtisadi maraqlara söykənən iqtisadi
inkişaf siyasəti və modeli əsasən formalaşıb, ölkə getdikcə rəqabət qabiliyyətini
artırır və dünya ölkələri ilə əməkdaşlığı gücləndirir. Neft gəlirləri hesabına qeyri-neft
sektorunun potensialının gücləndirilməsi, ixrac strukturunun genişləndirilməsi
istiqamətində dövlət dəstəyi mexanizmləri fəaliyyət göstərir, dövlət siyasəti müasir
iqtisadi proseslərə adekvat olaraq təkmilləşdirilir, regionların qeyri-neft potensialının
reallaşdırılması üçün tarixi işlər görülür və s. Bütün bunlara baxmayaraq, tədqiqatlar
göstərir ki, hələ də ölkənin qeyri-neft sektorunun mövcud vəziyyəti, onun ayrı-ayrı
sahələrinin inkişaf tempi reallıqları əks etdirmir və bu istiqamətlərdə görülən
38
tədbirlərin tənzimlənməsi, təkmilləşdirilməsi, daha optimal həlli yollarının
axtarılmasına ehtiyac vardır. Bu amilləri nəzərə alaraq, növbəti paraqrafda qeyri-neft
sektorunun ümumi vəziyyətinin araşdırılmasını, onun ayrı-ayrı sahələrinin, xüsusilə,
ixrac potensialı ilə bağlı mövcud imkanların təhlilini vacib saymışıq.
39
2.2. Qeyri-neft sektorunun mövcud vəziyyəti və əsas göstəricilərinin təhlili
Azərbaycanda qeyri-neft sektorunun ölkənin iqtisadi siyasətində əsas prioritet
istiqamət olması proseslərinə ölkədə neft strategiyasının reallaşdırıldığı ilk illərdən
başlanılmışdır. Ulu öndərimiz Heydər Əliyev 1990-cı ilərin əvvəlində bildirmişdir ki,
Azərbaycanın neft hasil etdiyini unutmaq lazımdır, onun böyük ehtiyatları, böyük
perspektivləri var-bunu bir tərəfə qoyun. Bəli, bunu bizə təbiət vermişdir, amma biz
gələcəyimizi bunun əsasında qura bilmərik, ciddi sənaye yaratmadan biz
Azərbaycanın inkişafını təmin edə bilmərik. Bəli, Xəzərin sərvətləri hesabına 30 il
ehtiyac hiss etmədən yaşaya bilərik, bu mümükündür, bizdə hər şey nəzərə alınıbdır.
Bəs sonra nə olacaqdır? qtisadiyyatın digər sahələrinin inkişaf etdirilməsi indi ön
sıraya məhz bu çıxır.
XX əsrin əvvəllərinə kimi, Azərbaycanda iqtisadi inkişaf modelinin fəal
formalaşdırıldığı dövrdə, iqtisadi islahatların dərinləşdiyi proseslərdə qeyri-neft
sektorunun prioritet istiqamətə çevrilməsinin baza elementləri yaradıldı. Artıq
ölkənin neft və qazla bağlı olmayan iqtisadiyyat sahələrinin reabilitasiyası və
modernizasiyası proseslərinə ciddi önəm verilirdi. Bu isə təsadüfi bir amil ola
bilməzdi. Azərbaycan zəngin ehtiyatlara, əlverişli coğrafi məkana, ənənəvi
rəqabətqabiliyyətli qeyri-neft iqtisadiyyat sektorlarına, güclü elmi-texniki potensiala
malik bir ölkədir. Görkəmli akademik A. Nadirov və bir qrup azərbaycanlı iqtisadçı-
alimlər yazırlar: “Azərbaycan özünün güclü milli iqtisadiyyatını yüksək səviyyədə
hərtərəfli inkişaf etdirmək üçün başqa təbii sərvətlərə və imkanlara da malikdir.
Müstəqil Azərbaycan Respublikasının tələb olunan səviyyədə hərtərəfli kompleks
iqtisadi inkişafı üçün ölkənin həm çoxlu təbii sərvətləri, həm də onlardan səmərəli
istifadə etmək məqsədilə əvvəlki inkişaf mərhələlərində yaranmış böyük istehsal
potensialı var. Bu potensialı təmsil edən yüzlərlə müəssisə və təsərrüfat obyektləri
müasir tələblər səviyyəsində yeni texnika və texnologiyalar əsasında beynəlxalq
ölçülərə uyğun şəkildə yenidən dirçəldilməyə möhtacdır . Bu fikirlərin davamı
olaraq, qeyd etmək mümkündür ki, 2000-ci illərin əvvəllərindən başlayaraq,
Azərbaycanda emal sənayesinin kompleks inkişafı, qeyri-neft sektoru sahələrinin