66
sıra mühüm tədbirlərin icrası baş tutmuşdur. Belə ki, qeyri neft ixracının
stimullaşdırılması və təkmilləşdirilməsi prosesləri davam etdirilmiş, sahibkarlıq
subyektlərinin fəaliyyətinin gücləndirilməsi məqsədilə qanunvericilik bazası
yenilənmişdir. Bunlarla bərabər, Tədbirlər planında bir sıra strateji vəzifələrin
icrasına başlamaq mümkün olmamışdır. Bunlara sənaye klasterlərinin və azad
zonaların yaradılmasını misal göstərmək olar. Hazırda bir neçə sənaye
texnoparkları fəaliyyət göstərirlər, amma bu texnoparklar azad zona statusu
elementlərinə malik olsalar da (məsələn, mənfəət vergisindən azad, digər
göstərişlər və s.), tam mənada azad zona meyarlarına cavab vermirlər.
Ixracatçılara dövlət dəstəyinin gücləndirilməsi və onların beynəlxalq bazarlarda
ixrac əməliyyatlarına stimullaşdırılması üçün "AZPROMO" tərəfindən
" xracatçılar üçün təlimat kitabı" hazırlanmışdır. Burada marketinq
əməliyyatlarının düzgün planlaşdırılması, marketinqin əsas prinsipləri, beynəlxalq
marketinqin mahiyyəti, regional imkanlar və perspektivlər, mövcud bazar və yeni
bazar strategiyaları, marketinq strategiyası və SWOT təhlili, xarici amillər, xarici
bazarlara giriş formaları və sairlər barədə mühüm tövsiyyələr və təlimatlar
verilmişdir.
Əvvəlki paraqraflarda dövlət investisiya proqramları çərçivəsində qeyri-neft
sektorunun ixrac potensialının artırılmasından və xüsusilə real infrastruktur
obyektlərinin, müxtəlif iqtisadiyyat sahələri üzrə müasir müəssisələr şəbəkəsinin
yaradılmasının hüquqi və qanunvericilik əsaslarının tənzimlənməsində bu
proqramların əhəmiyyətindən bəhs etmişdik. Qeyd etmək lazım gəlir ki, dövlət
investisiya proqramalrı üzrə nəzərdə tutulan tədbirlərə müvafiq mərkəzi icra orqanları
maliyyələşdirmə, kreditləşdirmə və digər resursların bölüşdürülməsi, investisiyaların
istiqamətləndirilməsi üzrə müvafiq tənzimlənmə mexanizmlərini hazırlayırlar. Bu
mexanizmlər müxtəlif formalarda əvvəldə bildirdiyimiz kimi, Qanunlar, Prezident
Fərmanları və Sərəncamları, müxtəlif mərkəzi icra orqanlarının Qərarları və
Qaydaları, sair formalarda təzahür edilirlər. Biz iki dövlət proqramının icrası
barəsində qısa olsa da tədqiqat materialları vermişdik və bildirmişdik ki, hazırda
regionların 2014-2018-ci illərdə sosial iqtisadi inkişafı üzrə Dövlət Proqramı icra
67
olunmaqdadır. Proqramın təsdiq edilməsi barəsində ölkə Prezidentinin Fərmanında
qeyd olunur ki, bu kimi dövlət proqramlarının reallaşdırılması regionların sosial
iqtisadi inkişafının sürətləndirilməsi ilə yanaşı, ölkədə qeyri-neft sektorunun davamlı
inkişafına, sahibkarlıq mühitinin daha da yaxşılaşdırılmasında, investisiya
qoyuluşunun artmasına, iqtisadiyyatın diversifikasiyasının sürətləndirilməsinə qeyri-
neft sektorunun və regionların inkişafının təmin edilməsinə imkan verir . Qeyd edək
ki, bu Dövlət Proqramında qeyri-neft sektorunun inkişafının sürətləndirilməsi
tədbirləri nəticəsində əsas hədəflərdən biri kimi yüksək texnologiyalar əsasında
sənaye istehsalının və ölkənin ixrac qabiliyyətinin daha da genişləndirilməsi
mexanizmlərinin icrası nəzərdə tutulmuşdur. Ixracyönümlü sənaye məhsulları
istehsalı sahələrinin yaradılması prioritetinin reallaşdırılmasının tənzimlənməsi və
təkmilləşdirilməsi tədbirləri də bu Dövlət Proqramında yer almışdır.
Qeyri-neft sektorunun ixrac potensialının artırılmasında sənaye sektorunun ixrac
potensialının gücləndirilməsi ilə bağlı tənzimləyici qanunvericilik bazasının, müxtəlif
təkmilləşdirmə mexanizmlərinin də əhəmiyyəti mühüm əhəmiyyət kəsb edir. Dünya
ölkələrinin iqtisadi inkişaf proseslərində və ixrac potensialının əhəmiyyətli səviyyədə
yüksəldilməsində sənayenin ixracyönümlü məhsullarının rolu böyükdür. Bu sektorun
rəqabətqabiliyyətli məhsulları dünyanın əmtəə bazarlarında öz mövqeyini gücləndirə
bilərsə, mənsub olduğu ölkənin ixrac potensialının əsaslı şəkildə artımına gətirib
çıxara bilər. Bu kimi amillərin Azərbaycan hökümətinin iqtisadi siyasətində yer
aldığının əyani nümunəsi sənayenin inkişafı və onun ixrac potensialının artırılması ilə
bağlı sənədlərdə öz əksini tapmışdır. Biz əvvəlki tədqiqat materiallarımızda bir sıra
ənənəvi rəqabətqabiliyyətli sənaye sahələrinin ixrac potensialına toxunmuşduq
(kimya və neftkimya, metallurgiya kompleksləri). Təsadüfi deyildir ki, ölkə
rəhbərliyi və hökümət də bu sahələrin inkişaf etdirilməsi, ixrac potensialının
tənzimlənməsi üçün strateji vəzifələri hədəf seçiblər. Məsələn, 2013-2014-cü il
ərzində ölkə Prezidenti tərəfindən Azərbaycanda metallurgiya kompleksinin inkişafı,
sahənin modernizasiyası, idarə edilməsinin təkmilləşdirilməsi və nəticədə istehsal-
ixrac potensialının yüksəldilməsinə gətirib çıxaracaq tənzimləmələri, hüquqi bazanın
gücləndirilməsi tədbirləri üzrə iki Sərəncamı verilmişdir. 23 aprel 2013-cü il tarixli
68
Sərəncamda “Azərbaycan Polad stehsalı Kompleksi” Qapalı Səhmdər Cəmiyyətinin
yaradılması, nizamnamə kapitalı və inkişaf istiqamətləri müəyyənləşdirilmişdir . Elə
növbəti ildə 15.04.2014-cü il tarixdə ölkə Prezidentinin digər Sərəncamı ilə
Cəmiyyətin strukturunun təsdiq edilməsi, idarəetməsinin təkmilləşdirilməsi və digər
tənzimləyici hüquqi baza elementlərinin formalaşdırılması üçün tapşırıqlar
verilmişdir . Fikrimizcə, bu tədbirlər metallurgiya sənayesinin qeyri neft sektoru kimi
kompleks inkişafı ilə yanaşı, onun ixrac potensialının yüksəldilməsinə imkan
verəcəkdir. Bundan əlavə, ölkə Prezidentinin neft-kimya sənayesində idarəetmə
mexanizmlərinin təkmilləşdirilməsi haqqında 2 aprel 2010-cu il tarixli Sərəncamı
verilmişdir. Həmin Sərəncamla “Azərkimya” Dövlət Şirkəti Azərbaycan
Respublikasının Dövlət Neft Şirkətinin tabeliyinə verilmiş və Şirkətin təşkilati hüquqi
formasının qanunvericiliyə uyğunlaşdırılması tapşırılmışdır. Sərəncamın əsas
məqsədləri sırasında neft kimya sənayesinin səmərəliliyinin artırılması, müasir
kompleksin təşkili üçün investisiyaların cəlb edilməsi prioritetləri də yer almışdır .
Kimya və neftkimya kompleksinin müasir texnologiyalar əsasında inkişafının təmin
edilməsi və bu sahədə ixrac potensialının artırılması məqsədilə, ölkə Prezidentinin
Fərmanı əsasında Sumqayıt Kimya Sənaye Parkı yaradılmış və Əsasnaməsi təsdiq
edilmişdir. Prezident Fərmanında sənaye istehsalının inkişafına münbit şəraitin
yaradılması, qeyri-neft sektorunun davamlı inkişafının təmin edilməsi, müasir
texnologiyaların tətbiqi yolu ilə rəqabətqabiliyyətli istehsal sahələrinin təşkili,
sahibkarlığın inkişafına əlavə dəstək verilməsi, neft kimya və digər prioritet sənaye
sahələri üzrə istehsal və emal müəssisələrinin yaradılması, infrastrukturun qurulması,
güzəştli kreditlərin verilməsi, torpaq sahəsinin ayrılması (167,66 hektar), sənaye
parkında vergi və gömrük sahəsində stimullaşdırıcı tədbirlərin tətbiqi barədə
tapşırıqlar verilmiş, mexanizmlərin hazırlanması üzrə istiqamətlər və prioritetlər
müəyyənləşdirilmişdir . Sənaye parkları haqqında Nümunəvi Əsasnamədə göstərilir
ki, sənaye parkının rezidentinin fəaliyyətində mühüm prioritetlərdən biri kimi, yəni
9.6.3-cü bənddə məhsul (iş, xidmət) istehsalı (emalı) üzrə müasir texnologiyaların
tətbiqi, 9.6.4-cü bənddə investisiya layihəsi üzrə istahsalı nəzərdə tutulan məhsulların
(işin, xidmətin) innovasiya və ixracyönlü, habelə rəqabətə davamlı olması öz əksini
Dostları ilə paylaş: |