Azərbaycan tolerantlıq modelinə təsir edən dini-mədəni amillər
115
ya təyin etməklə mümkündür. Şübhə yoxdur ki, dinlərarası sülh, dini tolerantlıq
ənənələri ilə zəngin olan bölgə və ölkələrin tarixi təcrübəsi din-inanc fərqliliklərinə
dayanan təzyiq, qarşıdurma və münaqişələrin həlli üçün böyük əhəmiyyət daşıyır.
Xüsusilə son bir əsrdə hikmət və əxlaqi dəyər kimi tolerantlığı dünyanın itkisi
adlandırmaq heç də mübaliğə olmaz. Dini, irqi, etnik fərqliliklərə qarşı anlayış və
hörmətin universal dəyər olaraq təşviq edilməsi istiqamətində bir çox nüfuzlu bey-
nəlxalq təşkilatın apardığı fəaliyyətlər bu boşluğun açıq göstəricisidir.
Bunu diqqətə aldıqda çoxsaylı millət, din və konfessiyaların sülh şəraitində bir-
likdə yaşamasına dair uzun tarixi təcrübəsinə əlavə olaraq hazırki siyasi-ictimai isti-
qaməti ilə özünəməxsus dini tolerantlıq modeli formalaşdırmış Azərbaycanın bu ta-
rixi mirasının araşdırılması dünyada din, etnik kimlik və irq əsaslı münaqişələrin
həllinə öz töhfəsini verə bilər. Azərbaycanın daxili və xarici
siyasətində sülhün təmi-
ni və bərpası istiqamətində atılan mühüm addımlar, bununla bağlı olaraq millətlər-
arası və dinlərarası dialoqun inkişafına verilən böyük önəm sayəsində, son dövrlərdə
beynəlxalq aləmdə Azərbaycanın dini tolerantlıq modelinin tədqiqinə, nümunə götü-
rülməsinə və yayılmasına dair artan təkliflər müşahidə olunur.
5
Azərbaycanda dini tolerantlığa dair statistik göstəricilər həm əhalinin böyük
əksəriyyətini (96%) meydana gətirən
müsəlman məzhəbləri, həm də müsəlmanlarla
digər din mənsubları arasındakı əlaqələrin qarşılıqlı hörmət üzərində qurulduğunu
bariz şəkildə göstərir. Beynəlxalq araşdırma qurumu Pew Research Center
tərəfindən 2012-ci ildə aparılan Dünya Müsəlmanları: Birlik və Fərqlilik adlı sorğu
nəticələrinə əsasən, Azərbaycan məzhəblərarası tolerantlığa görə müsəlman ölkələr
5
Məsələn, 13 Noyabr 2013-cü ildə Avropa Parlamentində “Sərhəd tanımayan insan hüquqları”
(HRWF) dərnəyinin təşkilatçılığı ilə “Azərbaycanda xristianlar, yəhudilər və digər dini azlıqlar:
İslam dini azlıq olan qeyri-müsəlmanların hüquqları ilə təzad təşkil edirmi?”
mövzulu iclasda
dərnəyin sədri Willy Fautre Azərbaycanda dini camaatlar arasında, eləcə də dini qurumlarla
dövlət orqanları arasındakı münasibətlərə dair aparılan tədqiqatların nəticəsində 95%- yaxın
əhalisi müsəlman olan Azərbaycanın dünyəvi bir ölkə olduğunu, bütün dinlərin bərabər
hüquqlara sahib olduğunu, dini liderlər arasında hər hansı bir rəqabət olmadığını, antisemitizm
olmadığını vurğulayaraq Azərbaycanın Müsəlman dünya üçün bir model olduğunu bildirmişdir
(Sözügedən hesabatla əlaqəli
ətraflı
məlumat üçün bxn.
http://www.academia.edu/5201189/Non-Muslim_Minorities_in_Azerbaijan_a_Secular_State
).
Hesabatın ardından Avropa Parlamentinin macarıstanlı vitse-prezidenti
Laszlo Surjan
Azərbaycan modelinin Ərəb Baharını yaşayan münaqişə ölkələri üçün, həmçinin
İslamafobiya ilə mübarizədə Qərb ölkələri üçün faydalı nümunə olacağına olan təmənni-
sini ifadə etmişdir. (bxn.
http://fidesz-eu.hu/news_display/azerbaijana
_model_of_peaceful_co_existence_of_islam_ and_minority_religions/
), Mövzu ilə əlaqəli
ayrıca baxın: İsmayılov, Tolerantlıq: Bildiklərimiz və bilmədiklərimiz, s. 40-46.
Elnurə Əzizova
116
arasında birinci yerdədir. Sorğunun nəticələrinə görə Azərbaycan cəmiyyətində
şiələri müsəlman hesab edənlərlə etməyənlərin nisbəti 97/2%, sünniləri müsəlman
hesab edənlərlə etməyənlərin nisbəti isə 91/7%-dir ki,
bu göstərici sorğuda iştirak
etmiş digər 22 müsəlman ölkə ilə müqayisədə məzhəblərarası münasibəti göstərən
ən yüksək müsbət göstəricidir.
6
Azərbaycanda müsəlman əhalinin digər din mənsublarına qarşı münasibətininin
göstəriciləri də, ölkənin dini tolerantlıq modeli kimi qəbul edilməsinə əsas verəcək
səviyyədədir. Belə ki, Dini Araşdırmalar Mərkəzinin 2014-cü ildə apardığı “Azər-
baycanda İslam” adlı sorğu nəticələrinə əsasən, ölkə əhalisinin ənənəvi olaraq Azər-
baycanda yaşamış yəhudi və xristianlara qarşı münasibəti müsbətdir. Bu statistikaya
görə, respondentlərin ümumilikdə 89.9%-inin xristianlara, 88.5%-nin
isə yəhudilərə
qarşı müsbət fikirdədir.
7
Dövlət-din münasibətlərinin tənzimlənməsi
Hüquq və bərabərliyin təmini çərçivəsində dini tolerantlıq heç bir etnik, dini, etiqadi,
mədəni və sosial fərq qoyulmadan bütün insanların anadangəlmə sahib olduqları
xüsusiyyətləri qəbul etmək, onlara bu sahələrin inkişafında mane olmamaq, müdaxilə
etməmək və inkişaflarına bərabər səviyyədə imkan vermək hüququnu ehtiva edir. İnsanın
əsas hüquqları çərçivəsində sayılan mühüm sahələrdən biri kimi inanc/din azadlığının
təmin olunması istiqamətində Azərbaycan qanunvericilik tarixi mühüm mərhələlərdən
keçib. Azərbaycan Respublikasının Konstitusiyasının “Bərabərlik hüququna”
həsr olun-
muş 25-ci maddəsində irqindən, dinindən, dilindən, cinsindən, mənşəyindən, əqidəsindən,
siyasi və ictimai görüşlərindən asılı olmayaraq bütün vətəndaşların hüquq və azadlığının
dövlət tərəfindən təminat altına alındığı bildirilir. İnsan
və vətəndaş hüquq və
azadlıqlarının irqi, milli, dini, cinsi, əqidəvi, siyasi və sosial mənsubiyyətə görə məhdud-
laşdırılması qadağan olunur. Konstitusiyanın “Vicdan azadlığına” həsr olunmuş 48-ci
maddəsində isə hər kəsin dinə münasibətini müstəqil müəyyənləşdirmək, tək və ya toplu
şəkildə bir dinə etiqad etmək və yaxud etməmək, dinə münasibəti ilə bağlı əqidəsini ifadə
etmək və yaymaq hüququ, ictimai qaydanı pozmayan və ictimai əxlaqa
zidd olmayan dini
mərasimlərini yerinə yetirmək hüququnun təmin olunduğu bildirilir. Konstitusiyanın hər
iki bəndi Azərbaycan vətəndaşlarının dinindən və etiqadından asılı olmayaraq inanc, dini
düşüncə və ibadətlərinin bərabər şəkildə təmin olunmasına zəmanət verir.
8
6
World’s Muslims: The Unity and Diversity, s. 132.
7
Azərbaycanda İslam, s. 17, Bakı 2014.
8
Azərbaycan Respublikasının Konstitusiyası, Qanun, 2005, s. 10, 16-17.