«Su adamları» və Simaşki dövlətinin Azərbaycan tarixində yeri
77
Digər mənbənin – Şu-Suenin canişini Arad-Nannarın silindrik möhürü üzə-
rindəki mətnin məlumatına görə ona Sabum, Qutebum, Urbilum, Hamazi, Karahar,
«Suların ölkəsi», Karda və digər yerləri əhatə edən geniş əraziyə inzibati nəzarət
həvalə olunmuşdur [37, s. 106]. Siqris və Sisirtum Madaya (=Midiya) hərbi yürüşlərlə
əlaqədar Aşşur hərb salnamələrində də qeydə alınıblar [4, c. 209, 212, 220, 270].
Şu-Suenin xatırlanan yazısında bildirilir ki, Simaşkinin ərazisi «Anşanın
hüdudlarından Yuxarı dənizə qədər» uzanırdı.
2
Tədqiqatçılar hesab edir ki, bu mətndə
Təli-Məliandan (Şirazın 43 kilometrliyində) Xəzər dənizinin cənub sahillərinə qədər
olan geniş ərazi nəzərdə tutulur [45, p. 228; 36, p. 141]. O zaman Elam və Simaşki
əslən Anşandan olan sülalə tərəfindən idarə olunduğundan rəsmi sənədlərdə «Anşan»
və «Elam» məvhumları sinonim kimi çıxış edirdilər. «Yuxarı dəniz» anlayışı heç bir
halda Xəzəri bildirmirdi. Çünki Mesopotamiya sakinlərinin Xəzərlə ilk tanışlığı e.ə.
822-ci ilə təsadüf edir və o zaman bu dəniz tamti ša nipih šamši «Gün doğan dəniz»
2
Мянбядя: LÚ.SU.Kİ. ma-da Za-ab-ša-li
ki
zag An-ša-an
ki
-ta a-ab-ba igi-nim-ma-še «Сима
šки
юлкяляри вя Забшали вилайяти Аншандан йухары дянизядяк» [40, п. 10].
Allahverdi Əlimirzəyev
78
adlanırdı [4, c. 164-165; 27, pp. 60, 196]. E.ə. III minilliyin mətnlərində «Yuxarı
dəniz» məvhumu Urmiya gölünə şamil olunurdu.
3
Göründüyü kimi, mövcud yazılı mənbələr «Su adamlarının ölkəsinin» –
Simaşkinin şimal vilayətlərinin Cənubi Azərbaycanda yerləşdiyini göstərir. Fikrimizi
Simaşki konfederasiyasına daxil olan subyektlərin adlarının yazılış variantlarının
təhlili də təsdiq edə bilər. Məsələn, e.ə. III minilliyin ikinci yarısında tərtib olunmuş
kitabələrdə -A- və -ZA- hecaları oxşar qrafikalı mixi işarələrlə yazıldıqlarından Za-
ha-ra və A-za-ha-ar formalarında qeydə alınan Simaşki şəhərinin adını A-ha-ra və
A-a-ha-ar kimi də oxumaq olar [2, s. 23]. Belə oxunuş deyilən Simaşki şəhərini indiki
Əhər ilə (Təbrizdən 100 km şimal-şərqdə) eyniləşdirməyə əsas verə bilər. Hazırda
Meşkin (və ya Meşkinşəhr; Əhərdən təxminən 150 km şimal-şərqdə) yaxınlığında
Anzan adlı kəndin mövcudluğu bölgənin vaxtı ilə elamlıların nəzarəti altında
olduğunu təsdiq edir.
3.Hərbi və diplomatik əlaqələr. Mesopotamiya sakinlərinin «Su adamları» ilə ilk
hərbi münaqişələri Akkad sülaləsinin banisi I Sarqonun zamanına (e.ə. 2316-2261)
təsadüf edir. Hakimiyyətinin son illərində onun qoşunları Kardede (=Karda), Zahara
(=Əhər), Barahşe və Qunilaha ölkələrinin hərbi blokuna qalib gəlmişdir [28, s. 47]. I
Sarqonun varisi Rimuşun (e.ə. 2260-2251) kitabələrindən məlum olub ki, Elam,
Zahara, Barahşe, Qubin və Yunilaha ölkələrinin müttəfiq qüvvələri Kablitum çayının
(indiki Kerha çayının qolu Kaşqan-rud) sahilində Akkad qoşunları tərəfindən məğlub
edilmişdir [23, s. 217-219; 19, p. 57-58; 28, s. 62-63]. Növbəti illərdə «SU
adamlarının», eləcə də kutilərin və lullubilərin hərbi fəallığının artması, ara-sıra
Şumer və Elam məskənlərinə dağıdıcı yürüşləri Akkad hökmdarı Naram-Suenlə Elam
çarı Puzur-İnşu-şinak (elamca Kutik-İnşuşinak) arasında təxminən e.ə. 2005-ci ildə
dostluq və hərbi əməkdaşlıq sahəsində tarixin ilk beynəlxalq müqaviləsinin
bağlanmasını zəruri edir. Müqavilənin şərtlərinə əməl edərək Puzur-İnşuşinak Urmiya
hövzəsində məskunlaşan tayfalara qarşı hərbi əməliyyatlara başlayır və 80-dən artıq
yaşayış məskəni dağıdılır. Onun qələbə stelasının mətnində viran qoyulan məskənlər
sırasında Simaşki toponimləri də xatırlanır.
4
Stelanın mətni belə tamamlanır: ki-ma
šarri Simašgi
ki
il-li-kam-ma DU.Puzur-
d
İnšušinak iş-ba-at «Kima – Simaşkinin
çarı Puzur-İnşuşinakın ayağını qucaqladı»
5
[38. pp. 9-12].
Lakin Puzur-İnşuşinakın və Naram-Suenin ölümündən sonra Urmiya bölgəsinin
sakinləri yeni hərbi ittifaq yaradaraq itirilmiş mövqelərini geri qaytarmaqla yanaşı,
3
Мясялян, Луллуби юлкясинин чары Анубанининин Сарипули-Зющабдакы гайацстц китабясиндя: тамтум
šа елиатум [17, с. 74]
4
Стеланын мятниндяки Зи-ит-ща топоними Зитану иля, [….]-ща-ра сонлуглу топоним Защара иля
ейниляшдириля биляр [23, с. 323-324]. Пузур-Иншушинакын щярби йцрцшц кути (мятндя Ку-ту ки) вя луллуби
тайфаларынын мяскунлашдыьы району да ящатя етмишдир. Мятндяки Щу-ту-ун
ки
топоними ЫЫ
Ашшурназирапалын заманында (е.я. 881-859) луллубилярин Замуа юлкясиндя йерляшян Щудун
шящяринин ады иля ейниляшдирилир [9, ъ. 27].
5
Бязи тядгигатчылар ки-ма ишаряляр групуну исим дейил, заман зярфи (аккад дилиндян тяръцмядя «о
вахт») щесаб едирляр [23, с. 324; 39, п. 201, нот. 31].
«Su adamları» və Simaşki dövlətinin Azərbaycan tarixində yeri
79
Elamın şimal torpaqlarını da zəbt edirlər. Akkad çarı Şarkalişarri (e.ə. 2200-2175)
elamlı müttəfiqlərinə yardım məqsədi ilə Elama və Zaharaya (Əhərə) hərbi yürüş
təşkil edir, hətta döyüşlərin birində kuti dəstələrinin başçısı Sarlaqı əsir alır [23, s. 54,
D-27; 19, p. 183]. Lakin bu müvəqqəti qələbə Şumer və Elam şəhərlərinin şimal
tayfaları tərəfindən işğalının qarşısını ala bilmir. Təxminən 60 illik kuti işğalı dövrün-
də Elamda və Simaşkidə baş verən hadisələr haqqında mətnlərdə məlumat verilmir.
E.ə. 2109-cu ildə Uruk şəhərinin çarı Utuheqalın başçılığı ilə Şumerdə kutilərin
işğalına
qarşı qələbə ilə nəticələnən azadlıq hərəkatı baş verir. Təxminən eyni vaxtda
urukluların müttəfiqi, Ur şəhərinin III sülaləsinin banisi Ur-Nammu qonşuluqdakı
Suziananı kutilərin hakimiyyətindən azad edərək siyasi təsir dairəsinə salır. Suziana
itirildiyindən Elamın hakim elitası Anşanı və Simaşkini özlərinin yeni siyasi fəaliyyət
mərkəzlərinə çevirirlər. Ur-Şumer dövlətinin hökmdarları Şulgi və Şu-Suen Anşandakı
hakim sülaləni nəzarətdə saxlamaq üçün onlarla diplomatik nikahlar qursalar da, ara-
sıra itaətdən çıxan Anşana qarşı hərbi əməliyyatlardan çəkinmirdilər. Simaşkini idarə
edən elamlı elita isə Suzun kuti işğalından azad olunmasından ötən 80 il ərzində Ur
hökmdarlarına xərac verməklə şəhərlərini dağıntı və talandan qorumağa çalışırdılar.
6
Ur-Şumer dövlətinin rəsmi təsərrüfat sənədlərində Simaşkidən gələn elçilərin
xatırlanması və ezamiyyət müddəti ərzində onların ərzaqla təchizatına dair qeydlər adi
hal almışdı. Şu-Suenin hakimiyyətinin altıncı ili ilə tarixlənən (e.ə. 2030) belə
sənədlərin birində Kirname adlı şəxsin elçisinə Ur şəhərində ezamiyyət müddəti
ərzində ərzaq məhsulları, o cümlədən qoyun ayrılmasına dair rəsmi qeydiyyat aparılıb
[36, p. 147]. Bu ad Suzdan tapılan və e.ə. XVII əsrdə yazıldığı güman olunan hökmdar
siyahısında Simaşkinin birinci çarı Ki-ir-na-am-me ilə eyniləşdirilir. Ehtimal ki,
elçinin missiyası uğursuzluqla nəticələndiyindən növbəti il Ur-Şumer qoşunları
Simaşkiyə iri miqyaslı hərbi yürüş təşkil edərək vilayətləri viran qoyur və zəngin
qənimətlə geri dönürlər. Bu yürüşdən daha çox Zabşali vilayəti ziyan çəkdiyindən Şu-
Suenin hakimiyyətinin yeddinci ili rəsmi təsərrüfat sənədlərində «Zabşalinin dağıdıldığı
il» kimi tarixlənir [44, texts №№ 17, 33, 34, 37, 51, 57, 66, 80, 85, 90].
Suzdan tapılan akkaddilli hökmdar siyahısında hakimiyyət müddəti
göstərilmədən 12 Simaşki çarı xatırlanır:
1. Ki-ir-na-am-me
2. I Ta-zi-it-ta
3. I E-ba-ar-ti
4. II Ta-zi-it-ta
5. Lu-[…]-ak?-lu-uh-ha-an
6. Ki-in-da-ad-da
7. I İ-da-ad-du
8. Tan-Ru-hu-ra-te-er
9. II E-[ba]-ar-ti
6
Мясялян, Ур щюкмдары Шулэинин щакимиййятинин 47-ъи или (е.я. 2046) му нам-ра-ак ЛÚ.СУ:
«Симашкидян хяраъ алындыьы ил» адланыр [36, пп. 138, 142].
Dostları ilə paylaş: |