İNSAN ALVERİNƏ QARŞI MÜBARİZƏ - DƏRS VƏSAİTİ
122
qurbanlarını müəyyənləşdirmək məqsədilə sorğu zamanı görülməli tədbirlərin siyahısı
və ehtimal
edilən qurbanla müsahibə apararkən riayət edilməli metod da verilir.
202
6.6. Azərbaycan Respublikasında qurbanlara yardım
“2014 – 2018-ci illər üçün Azərbaycan Respublikasında insan alverinə qarşı mübarizə haqqında MFP-
nin məqsədləri və həyata keçirilmə prinsipləri”ndən biri “
2.1.5. insan alveri qurbanlarının müdafiəsi,
hüquqlarının bərpası və sosial reabilitasiyasının təmin edilməsi”dir. Bu, “
insan alveri qurbanlarını
müdafiə etmək” məqsədini daşımış 2008 – 2013-cü illər üçün MFP-də də təsbit edilmişdir.
İnsan alveri ilə mübarizə haqqında Azərbaycan Respublikasının Qanununun 1.0.10-cu maddəsi
əməkçi miqrantları əhatə etmir. Onlar, insan alverinin qurbanı olduqları təqdirdə, beynəlxalq hüquqi
sənədlərə əsasən, yalnız müdafiə və yardım almaq hüququna malikdirlər.
6.6.1 Milli İstiqamətləndirmə Mexanizmi
Azərbaycan Respublikası “İnsan alveri qurbanları ilə bağlı Milli İstiqamətləndirmə Mexanizmi
Qaydaları”nın təsdiq edilməsi barədə Azərbaycan Respublikasının Nazirlər Kabinetinin 123 nömrəli
11 avqust 2009-cu qərarı ilə, Milli Əlaqələndiricinin nəzarəti altında həyata keçirilməsi üçün MİM-i
formal olaraq təsis etmişdir. Bu qərar “İnsan alverinə qarşı mübarizə üzrə 2009 – 2013-cü illər üçün
Azərbaycan Respublikasının Milli Fəaliyyət Planı”na uyğun olaraq hazırlanmış qaydaları müəyyən
etmişdir və o, insan alveri qurbanları ilə bağlı milli istiqamətləndirmə mexanizminin həyata
keçirilməsi üçün qaydaları təyin edir.
Ümumi müddəaların 1-ci bəndində deyilir:
“1.2. İnsan alveri qurbanları ilə bağlı Milli İstiqamətləndirmə Mexanizminin əsas məqsədləri
qurbanların hüquqlarının qorunmasını və onların aidiyyəti quruma təhvil verilməsini,
təhlükəsizliyini, repatriasiyasını, sosial reabilitasiyasını təmin edəcək səmərəli sistemin
yaradılması və bu sahədə qaydaların formalaşdırılmasıdır.
1.3. İnsan alveri qurbanları ilə bağlı Milli İstiqamətləndirmə Mexanizmi aşağıdakı prinsiplər
rəhbər tutulmaqla həyata keçirilir:
1.3.1. qurbanların hüquq və azadlıqlarının təmin edilməsi;
1.3.2. qurbanlar haqqında məlumatların konfidensiallığının təmin edilməsi;
1.3.3. müdafiə və sosial reabilitasiya tədbirlərinin tətbiqində qurbanların bərabərliyinin təmin
edilməsi;
1.3.4. qurbanların ehtiyaclarına uyğun müdafiə və sosial reabilitasiya tədbirlərinin fərdiliyinin
təmin edilməsi;
1.3.5. dövlət orqanları və qeyri-hökumət təşkilatlarının qarşılıqlı əməkdaşlığının təmin edilməsi;
202
GRETA 2014-cü il
Avropa Şurasının İnsan alverinə qarşı mübarizə üzrə Konvensiyasının Azərbaycan tərəfindən
yerinə yetirilməsinə dair hesabat, səh.30.
İNSAN ALVERİNƏ QARŞI MÜBARİZƏ- DƏRS VƏSAİTİ
123
1.3.6. regional və beynəlxalq əməkdaşlığın səmərəliliyinin təmin edilməsi”.
İnsan alveri ilə mübarizə haqqında Azərbaycan Respublikasının Qanununun IV Fəsli “
İnsan alveri
qurbanlarının sosial reabilitasiyası və müdafiəsi”ni müəyyən edir. 2013-cü ildə tətbiq edilən 14-1-ci
maddə insan alveri qurbanlarına “bərpa və fikirləşmə müddətindən” yararlanmaq imkanını verir.
14-1-ci maddədə deyilir:
“14-1.1. İnsan alverinin qurbanına öz vəziyyətini bərpa etmək, cinayətkarların təsirindən
yayınmaq və cinayət təqibi orqanları ilə əməkdaşlıq etmək barədə düşünülmüş qərar qəbul
etmək üçün 30 gün bərpa və fikirləşmə müddəti verilir.
14-1.2. Bərpa və fikirləşmə müddətində insan alverinin qurbanı təhlükəsizlik və müdafiə
ehtiyaclarının təmin edilməsi, fiziki, psixoloji və sosial vəziyyətinin bərpası üçün bu Qanunun
12-ci maddəsində nəzərdə tutulmuş xüsusi müəssisələrin xidmətlərindən istifadə edə bilər.
14-1.3. Bərpa və fikirləşmə müddətində insan alverinin qurbanına Azərbaycan Respublikasının
hüdudlarından kənara inzibati qaydada çıxartma tətbiq edilmir.
14-1.4. Şəxsin insan alverinin qurbanı olmadığı müəyyənləşdirildikdə, bərpa və fikirləşmə
müddəti verilmir, bu müddət başlandıqda isə dayandırılır.”.
14-1-ci maddədə dəqiq şəkildə müəyyən edilmir ki,
“şəxsin insan alveri qurbanı olduğunu güman
etmək üçün məntiqli əsaslar mövcud olduqda” bərpa və fikirləşmə müddəti verilməlidir. Azərbaycan
qanununda “
insan alveri qurbanı”nın anlayışına
“insan alverinə məruz qaldığı güman edilən şəxs”
aiddir. Buna görə də, AŞ Konvensiyasına uyğun olmaq üçün Azərbaycan qanununun 14-1-ci maddəsi
“insan alverinin qurbanı olduqlarını güman etmək üçün məntiqli əsasların mövcud olduğu” mümkün
qurbanları əhatə edəcək şəkildə təfsir olunmalıdır”.
203
İnsan alveri qurbanları ilə bağlı Milli İstiqamətləndirmə Mexanizmi Qaydalarının “Qurbanların
aidiyyəti quruma təhvil verilməsi” başlıqlı 4-cü maddəsində riayət edilməli aşağıdakı prosedurlar
nəzərdə tutulur:
4.1. Şəxsin insan alverindən zərər çəkməsi ehtimal olunduqda, yaxud insan alveri cinayətinin
hazırlanması və ya törədilməsi digər qurumlar tərəfindən aşkar edildikdə, qurbanların
təhlükəsizliyinin təmin edilməsi, onlara peşəkar yardımın göstərilməsi, insan alverinə qarşı
mübarizə sahəsində məlumatların vahid mərkəzdə cəmlənməsi və qorunması məqsədi ilə bu
barədə xüsusi polis qurumuna dərhal məlumat verilməlidir.
4.2. İnsan alveri cinayətinin qurbanları və ehtimal olunan qurbanları müəyyən edildikdən sonra
onların müraciətləri qanunvericilikdə nəzərdə tutulmuş qaydada rəsmiləşdirilərək, 24 saatdan
gec olmayaraq, şəxsin xüsusi polis qurumuna təhvil verilməsi üçün təxirəsalınmaz tədbirlər
görülməklə, onun müvafiq sənədləri həmin quruma təqdim edilir və lazımi köməklik göstərilir.
4.3. İnsan alveri cinayəti qurbanlarının və ehtimal olunan qurbanların müəyyən edilməsi və
xüsusi polis qurumuna təhvil verilməsi prosesində onların hüquq və azadlıqları pozulmamalı,
şərəf və ləyaqətinə toxunan hərəkətlərə yol verilməməli, hər biri ilə nəzakətlə davranılmalıdır.
4.4. İnsan alveri cinayətinin qurbanları, ehtimal olunan qurbanlar və onlar barədə müvafiq
sənədlər yalnız xüsusi polis qurumunun növbətçisinə təhvil verilir.
203
GRETA 2014-cü il
Avropa Şurasının İnsan alverinə qarşı mübarizə üzrə Konvensiyasının Azərbaycan
tərəfindən yerinə yetirilməsinə dair hesabat, səh.36.