Mirzə İbrahimov və xalq yaradıcılığı
93
vüqarından yaranmış obraza daha çox bənzəyir. Hürü xanımın
üstünə yeriyən nökər Səlimin, Səlim ağanın köpünü alan
Vəfadar haqqında əsərdə deyilir: “Səlim ağa yaxşı bilirdi ki,
Vəfadar yalnız dəmirçi deyil, həm də xeyrə, şərə yarayan, mərd
və cəsur adamdır. O, ədalətsizliyin yanından gözünü yumub
keçənlərdən deyildir” (104,64). Səlim ağanın göz qabağında
alçaldılması: “Səlim ağa budur səni xəbərdar edirəm, onların
başından bir tel əksik olsa, özünü də yeddi qat qohum-əqrabanı
da ölmüş bil!” (104,65)- deməsi Vəfadarın mərdliyini göstərir.
Bu hədə quduzlaşmış İlyas bəyin tayfasını lərzəyə salır.
Vəfadar təkcə gücə arxalanan folklor qəhrəmanlarına deyil,
həm də ağıl və tədbirlə iş görməyi bacaran qəhrəmanlara daha
çox oxşayır. O, bacısı Səkinə və qonşusu Reyhan vasitəsilə
Hürünün vəziyyətini, onu gözləyən təhlükəni öyrənir. İlyas bəy
tayfası ilə qabaq-qabağa gəlmək ehtimalını unutmur, dəyir-
mançı Turan baba, çoban Vəli, Cəfər kimi sədaqətli dostlara
arxalanır.
Mirzə İbrahimov folklordan bəhrələnərək daha da dərin
qatları üzə çıxarmağı bacaran böyük sənətkardır. Bədii əsərdə
folklorun yerini, əhəmiyyətini qiymətləndirir, ondan istifadə
etməyə yaradıcılıqla yanaşır. “Pərvanə” romanında bu cəhət
daha çox yadda qalır. Yazıçı Vəfadar obrazı ilə sənətdə millilik
və bəşərililik anlayışını daha dərindən dərk etdiyini sübut edir.
Əsərdə Vəfadar bir obrazdan daha çox bütöv xalqın mənəviy-
yatını, şəxsiyyətini əks etdirir, romanda “Vəfadar dastanı” oxu-
cu yaddaşında dərin iz buraxır.
Rəsul Həmzətov “nağıl və əfsanələri, şifahi xalq nümunə-
lərini”, “xalqın şəxsiyyəti haqqında vəsiqə” adlandırmışdır. Və-
fadar obrazının simasında sanki Azərbaycan xalqının şəxsiyyəti
öz ifadəsini tapmışdır. Vəfadarın Hürü xanımı Səfiqulu bəyin
əlindən alması səhnəsi dramatik təsir bağışlayır. “İgid basar
kəsməz” atalar sözü sanki əməli şəkildə həyata keçirər. Vəfa-
dar Səfiqulu bəyi məğlub edir, alçaldır, ancaq öldürmür.
Vəfadar dastan qəhrəmanları kimi saz çalır, mahnılar oxuyur.
Fazil Əliyev
94
M.İbrahimov Vəfadarın yaşadığı mahalda şerə, sözə böyük
ehtiram bəsləndiyini göstərir: “Qazax əsrlər uzunu Azərbaycan-
da aşıq sənətinə beşik olmuş mahallardan biridir” (104,75)-de-
yən müəllif “Pərvanə” romanında coğrafi məkan Qərbi Azər-
baycanda, Qazax-Borçalı mahallarında XIX əsrin sonlarında
baş verən milli canlanmadan bəhs etdiyini diqqətə çatdırır.
Dədə Qorqudun qopuzu, Koroğlunun misri qılıncına qüv-
vət verən telli saz dastanlarımızda həmişə təqdir olunmuşdur.
Diqqətlə araşdırdıqda belə qənaətə gəlirik ki, dastanlarda bədii
obrazlarla yanaşı yaddan çıxmayan qəhrəmanlığa, vətənpərvər-
liyə çağırış ruhu ilə seçilən saz-aşıq obrazı da daim diqqət mər-
kəzində olmuşdur.
Romanda dastandan bəhrələnmə nəticəsində kamilləşən,
ən çox dastan qəhrəmanları səviyyəsində dayanan Vəfadar su-
rəti həm də aşıq kimi təsvir olunur. “Vəfadar sazın köynəyini
soyundurub qohum-qonşunun da yoldan ötənlərin də ruhunu
oxşayırdı. Gah ustadnamələrdən çalıb oxuyur, gah Koroğlu
qoşmalarından sazın simlərində oynadırdı” (104,77).
“Kitabi-Dədə Qorqud” dastanının qəhrəmanları qopuz
çalmaqla öz dərdlərini unurmuş, düşmənlərlə mübarizədə,
doğma yurdu yağılardan qorumaq uğurunda döyüşlərdə
qopuzdan ayrılmamışdır.
“Mərə, Dəli Ozan, ya məqsudun nədir”
-Beyrək aydır:
-Xanım, məqsudun odur ki, ərə varan qız qalxa oynaya,
mən qopuz çalam” (46,63).
Romanda süjetlərin çoxçeşidli olmasında da dastan
motivləri mühüm yer tutur. Vəfadar bir dastan qəhrəmanı
olaraq diqqəti cəlb etdiyi kimi, onun atası aşıq Kərəmin faciəsi
də, dastan içində yeni bir dastanı xatırladır.
Vəfadarın anası Gülgəzi Məmməd Rza bəy nəslinin
zalımlarından olan Kərim bəy də istəyirmiş. Gülgəz onun
elçilərinə “yox” cavabı verir. Sonra aşıq Kərəmlə ailə qurur.
Namərd Kərim bəy intiqam almağa məqam axtarır.
Mirzə İbrahimov və xalq yaradıcılığı
95
Aşıq Kərəmin oxuduğu “Bəylər və mollalar” həcvi xalq
arasında dildən-dilə düşür. Bunu eşidən Kərəm bəy toyların
birinə aşıq Kərəmə “Bəylər və mollalar” həcvini qəsdən oxut-
durur və aşığın ayaqları altına qızıl səpir. Bəyin “səxavətindən
yumşalan aşıq bir həftə sonra Kərim bəyin “Halım xərabdır,
gəlsin bir sazın çalsın, kefim açılsın”, sözlərinə inanıb onun
evinə gedir. Qansız Kərim bəy aşığın üstünə quduz köpəkləri
buraxdırır. İtlər aşığı parçalayırlar. Gecə isə aşığın arvadı Gül-
gəzin ağzına dəsmal basıb aparır. Xorasana ziyarətə gedən Kə-
rim bəy oradan qayıtmır”. (104,82). Aşıq Kərimin faciəsi, düş-
məni quduz itlərə parçalatmaq tədbirinə klassik ədəbiy-
yatımızda da rast gəlmək olur. Nizami Gəncəvi “Şahın
dostluğu” hekayəsində
Acıqlanan zaman şah bir nəfərə,
Atarmış yazığı quduz itlərə (96, 265).
Yazıçı əsərdə atalar sözlərinin əhəmiyyətini, rəvayətlər-
dən insanların xeyirli nəticə çıxarmalarını da sənətkarlıqla
“canlandırmış”dır.
“Səfiqulu bəyin zorla qaçırdığı Hürü xanımı Vəfadarın
gecə ikən geri qaytarması, İlyas bəy tayfasına vurduğu ağır
zərbə Vəfadarı düşündürür. O, atasından eşitdiyi “İgidin
igiddən ehtiyatı artıq olar!” sözlərini yada salır. Atası Aşıq
Kərəmin bu sözlərə əməl etməyib məhv olduğunu xatırlayır,
sanki “Başına gələn başmaqçı olar” atalar sözlərindən nəticə
çıxarır. Atası kimi ehtiyatsız hərəkət etmir. Atasını “Kəlilə və
Dimnə” əsərindən söylədiyi bir rəvayəti Cəfərə danışır. Pişiklə
Göyərçin dost olurlar. Bir gün göyərçinin balası dimdiyi ilə
pişik balasının gözünü çıxarır. Pişik də acıqlanıb göyərçinin
balasını yeyir. Dostluq ədavətə çevrilir. Bir gün pişik göyərçini
aşağı enib dostluq etməyə çağırır. Göyərçin deyir ki, bundan
sonra bizim dostluğumuz tutmaz. Çünki ikimizin də sinəmizdə
övlad dağı var” (104, 204).
Vəfadar Səfiqulu bəyi sındırıb Hürünü onun əlindən
aldığını: “Ayağım altına alıb sinəsinə qonduğum dəqiqəni
Fazil Əliyev
96
Səfiqulu bəy qiyamətəcən unutmayacaq” deyir (104,204).
Atalar sözləri və rəvayətlərdən nəticə çıxaran Vəfadarın ağıllı,
uzaqgörən bir adam olduğunu göstərir. Beləliklə, xalq yaradıcı-
lığı nümunələri obrazın milli düşüncə tərzini açıqlamaqda
sənətkara geniş imkan vermişdir.
Maksim Qorki yazırdı : “... Qısqanc Otello, iradəsiz
Hamlet, əyyaş Don – Juan kimi tipləri Şekspir və Bayrondan
çox-çox əvvəl xalq yaratmışdır” (32,43).
Xalq yaratdığı bədii surətlərdə öz düşüncə tərzini,
mərdlik və namərdlik haqqında duyumunu yaşadır. “Pərvanə”
romanında bu cəhət diqqəti daha çox cəlb edir. Vəfadar tüfəng
götürüb Səfiqulu bəyi öldürmək istəyir. Lakin bunu namərdlik
sayır: “Yox mən bunu bacarmayacağam! – deyib Vəfadar öz-
özünə danışırdı, - Mən heç kəsə daldan güllə ata bilmərəm!
Oğru kimi, yol kəsən quldur kimi gizlənmək, daldan gülləni
təpəsinə sıxmaq kişilikdən deyil. Yəqin elə bunu nəzərə alaraq
tüfəng icad olunanda Koroğlu deyib: “İgidlik dövrü qurtardı”.
Mən heç vaxt belə namərdlik etməyəcəyəm! Vuruşmalı olsam,
üzbəüz mərdi-mərdanə!” (104,240).
Dastan qəhrəmanlarının yazılı ədəbiyyatda ən mükəmməl
olan Vəfadar surəti ilə müəllif Azərbaycan türkünün Kamil
obrazını yaratmışdır. O, Hürünü ürəkdən sevir, lakin ədəb-
ərkan gözləyir, Hürü haqqında hər söz danışacağından çəkinir,
bacısı Səkinə və İdrisin arvadı Reyhan vasitəsilə onunla əlaqə
saxlayır. Hürünün ərə getməyəcəyini yəqin etdikdən sonra da
ona qəmxar, himayadar bir insan kimi kömək etməyə çalışır.
Vəfadar doğma yurdu, torpağımızı ürəkdən sevir:
“Deyirlər ki, yer üzündə dörd fəslin dördü də bahar olan ölkələr
var, olsun! Onun üstündə yaşayan adamlara xoşbəxtlik arzu
edirəm. Bizə də öz yurdumuz xoşdur. Onu dünyada heç nəyə
dəyişmərəm. Yazını da sevirəm, qışını da” (104,242).
Bu yurdsevərlik ulularımızın qan və gen yaddaşından
doğmuşdur. Milli özünüdərketmə, doğma torpağa bağlılıq
“Kitabi-Dədə Qorqud” ünvanlı dastanlar yaradan ərənlərə