Azərbaycan Tarixi
149
edir, Gəncəni, Anini, Dvini qarət edib qayıdırdı. Şəmsəddin
Eldəgəz Gürcüstana qoşun göndərib onu vassal asılılığına saldı.
Beləliklə, Şəmsəddin Eldəgəzin
fəaliyyəti nəticəsində
İraq sultanlığında mərkəzi dövlət hakimiyyəti möhkəmləndi.
Şəmsəddin Eldəgəz özünə Qafqaz dağlarından İran körfəzinə
qədər böyük bir ərazini tabe edə bildi. O, Azərbaycan, Aran,
Şirvan, Cibal, Həmədan, Gilan, Mazandaran, İsfahan, Rey,
Mosul, Kirman, Fars, Xuzıstan, Xilat, Marağa və s. torpaqların
sahibi idi. Arslanşah nominal hökmdar idi. O, yalnız rəsmi
sultan vəzifələrini yerinə yetirirdi. Dövlətin taktik başçısı isə
böyük atabəy Şəmsəddin Eldəgəz idi.
1157-ci ildə böyük atabəy Şəmsəddin Eldəgəzin arvadı,
Sultan Arslanşahın anası Möminə xatun vəfat etdi. O, Naxçı-
vanda dəfn edildi. Şəmsəddin Eldəgəz onun qəbri üzərində
məqbərə (türbə) tikdirməyə başladı. Lakin məqbərənin tikintisi
onun oğlu Cahan Pəhləvan dövründə 1186-cı ilin aprelində ba-
şa çatdırıldı. Məqbərəni məşhur memar Əcəmi ibn Əbubəkr tik-
mişdir.
Möminəxatundan bir ay sonra Şəmsəddin Eldəgəz vəfat
etdi. Atasının vəfatı xəbəri Cahan Pəhləvana çatan kimi o, Hə-
mədandan Naxçıvana yola düşdü. Burada dövlətin xəzinəsini
və taxt-tacın əmlakını nəzarəti altına götürdü. O,
bütün qoşunu
toplayıb qardaşının ona münasibətinin necə olacağını gözləmə-
yə başladı.
İraqın Şəmsəddin Eldəgəzdən narazı olan əmirləri Cahan
Pəhləvanın paytaxtda olmamasından istifadə edərək Sultan
Arslanşahı Azərbaycana yürüş edib ona sahib olmağa, sonra isə
Bağdada yürüş edib xəlifəni sultan hakimiyyətini tanımağa razı
salmağa təhrik etdilər. Arslanşah atabəy Şəmsəddinin düşməni
olan əmirlərlə böyük bir ordunun başında Azərbaycana yürüşə
başladı. Zəncanda o, xəstələndi və Həmədana qayıtdı. Arslan-
şah təcili olaraq Cahan Pəhləvanı yanına dəvət etdi,
onunla ba-
rışıb dövlətin idarə olunmasını ona verdi və atalığından təxmi-
nən bir ay sonra vəfat etdi.
Qəzənfər Rəcəbli
150
Məhəmməd Cahan Pəhləvan Aslansahın 7 yaşlı oğlu III
Toğrulu sultan taxtına oturtdu və özü onun atabəyi oldu.
Atabəy Cahan Pəhləvan dövründə sultan taxtı üçün ən təhlükəli
adam Xuzistanın hakimi Aytoqdı Şimlə idi. Vaxtilə Şimləyə
qoşunla Şəmsəddin Eldəgəz kömək edərdi, çünki onun
simasında xəlifəni istilaçılıq cəhdlərindən çəkindirə bilən güclü
bir vassallını görürdü.
Şimlə atabəy Məhəmmədin Azərbaycanda olmasından
istifadə edib xəlifənin hakimiyyəti altında olan Nihəbənd
şəhərinə hücum etdi. Şəhərin əhalisi kömək üçün atabəy Mə-
həmmədə müraciət etdi. Atabəyin qoşunu kömək üçün gecikdi.
Şimlə hiyləyə əl atıb, qardaşı oğlunun
ordusunu köməyə gələn
atabəy Məhəmmədin qoşunu kimi qələmə verib, şəhərə girdi,
şəhərin qazısını və rəisini tutub öldürtdü, şəhəri talan edib
getdi. Sonra Şimlə Azərbaycan atabəylərinin vassalı olan əfşar
türkmənlərinə basqın etdi. Atabəy Məhəmməd köməyə qoşun
göndərdi. Döyüşdə yaralanan Şimlə, oğlu və qardaşı oğlu ilə
birlikdə əsir düşdü və o, bir gündən sonra əsirlikdə öldü.
Sultan taxtına göz tikənlərdən biri III Toğrulun əmisi
şahzadə Məhəmməd idi. Şahzadə Məhəmməd İsfahana gəlib
burada Sultan III Toğrula qarşı kiçik bir ordu yığa bildi. Atabəy
Məhəmməd Həmədandan İsfahana qədər olan məsafəni 5 günə
qət edib onun ordusunu məğlub etdi. Şahzadə Məhəmməd
Şiraza qaçdı, burada Farsın atabəyi Zəngi
onu tutub atabəy
Məhəmməd Cahan Pəhləvana təslim etdi. O, da onu Sarcahan
qəsrinə saldı.
Sultan taxtına ciddi namizəd olan şahzadə Məhəmmədi
aradan götürdükdən sonra Məhəmməd Cahan Pəhləvan az yaşlı
Sultan III Toğrulun adından dövləti sərbəst idarə etməyə
başladı. Atabəy Məhəmmədin fəaliyyəti nəticəsində Sultan III
Toğrul qayğısız həyat sürürdü. Atabəy Məhəmmədin
inzibatçılıq qabiliyyəti, tələbkarlığı və şərtliyi sayəsində dövlət
idarəsinin bütün bölmələrində möhkəm qayda-qanun yarandı.
On il ərzində dövlətə xaricdən heç bir basqın olmadı.
Azərbaycan Tarixi
151
Atabəy Məhəmməd ilə Xarəzmşah Tekiş arasında dostluq
münasibəti yarandı. O, Xəlifə əl-Məsud
və onun oğlu Xəlifə əl-
Nasir ilə normal münasibət yaratmışdı. Atabəy Məhəmməd
ruhani başçısına ehtiram bəsləməklə, özünün Bağdaddan asılı
olmayan müstəqil siyasətini yeridirdi.
Məhəmməd Cahan Pəhləvanın mühüm müvəffəqiyyətlə-
rindən biri də Təbrizin öz mülkiyyətlərinə qatılmasıdır. 1175-ci
ildə şəhərin qazısı Sədrəddin ilə bağlanan müqaviləyə görə ata-
bəy Məhəmməd Təbrizə sahib oldu və onu iqta kimi qardaşına
verdi.
1186-cı ildə atabəy Məhəmməd Cahan Pəhləvan qəflətən
xəstələndi və vəfat etdi. Məhəmməd Cahan Pəhləvanın 4 oğlu
və bir neçə qızı vardı. Rey vilayətinin hakimi İnancın qızı İnanc
xatundan iki oğlu vardı – Qutluq İnanc Mahmud və Əmir Əm-
ran Ömər. Türk qızı Qutayba xatundan Əbubəkir adlı oğlu var-
dı. Oğlu Özbəyin anası kəniz idi. Zahidə xatundan olan qızı Cə-
laliyə sonralar Naxçıvan şəhərinin və vilayətinin sahibi olur.
Atabəy Məhəmməd Azərbaycan və Aranın idarəsini Əbu-
bəkirə verib, onun tərbiyəsini qardaşı Müzəffərəddin Qızıl Ars-
lana tapşırmışdı. Rey, İsfahan və şərqi İraqın qalan hissələrini
Qutluq İnanc
Mahmuda və Əmir Əmran Ömərə, Həmədanı isə
Özbəyə vermişdi. Ölüm qabağı o, uşaqlarına vəsiyyət edir ki,
əmiləri Qızıl Arslana tabe olsunlar, sultan III Toğrula xidmət
göstərsinlər. O, həmçinin vəsiyyət etdi ki, uşaqları Sultanın
tabeliyindən çıxmasınlar, onu müdafiə etsinlər, köməksiz qoy-
masınlar, onunla əlaqəni kəsməsinlər və xəlifənin tabeliyindən
çıxmaqdan çəkinsinlər, onun
xeyirxah əmrlərini yerinə
yetirməkdən imtina etməsinlər.
Atabəy Məhəmmədin vəfatından sonra İnanc xatun və
onun tərəfdarları çox məşvərətdən sonra qərara gəldilər ki, III
Toğrulun yanına gedib Qızıl Arslanı böyük atabəy təyin etməyə
razı salsınlar. Sultan III Toğrul Qızıl Arslanın ordu ilə hücum
edərsə sultan taxtına II Toğrulun oğlu Məhəmmədi, yaxud
Qəzənfər Rəcəbli
152
şahzadə Səncəri oturda biləcəyini nəzərə alıb onu həmin
vəzifəyə təyin etməsi haqqında fərman verdi.
Qızıl Arslan Həmədana gəldi. Onlar görüşdülər. Bu görüş
zamanı III Toğrulun məmlükü Qaragözün Qızıl Arslanı
öldürmək imkanı vardı. Sultan işarəsi ilə buna icazə vermədi.
Sonra Qızıl Arslan bu qəsd cəhdindən
xəbər tutub Qaragözün
gözlərini çıxartdırdı.
Qızıl Arslan həm də qoşunların ali baş komandanı
vəzifəsində qaldı. Ordu onun tərəfində idi. Ona görə də Qızıl
Arslanın mövqeyi möhkəmləndi. III Toğrulun isə mövqeyi
möhkəm deyildi. Qızıl Arslanın mövqeyinin möhkəmlənməsin-
dən İnanc xatun razı deyildi. Öz oğlanları Qutluq İnanc Mah-
mud və Əmir Əmran Ömərin yüksəlməsini arzu edən İnanc xa-
tun Əbubəkirin öz əmisi ilə eyni səviyyəyə yüksəlməsi və onun
oğlanlarından yuxarıda durması ilə barışa bilmirdi. O, ərinin
keçmiş məmlükləri, qoşun sərkərdələri əmir Cəmaləddin Ayapa
və əmir Seyfəddin Rus ilə gizli əlaqəyə girdi. Onlar III Toğ-
rulun tərəfinə keçdilər. Ayapa və Rus III Toğruldan iltizamna-
mə aldılar ki, sultanlığın baş atabəyi vəzifəsinə Qutluq inancı
təyin edəcəkdi.
III Toğrul müttəfiqlərinin qoşunları ilə birlikdə
1187/1188-ci ilin martında Həmədan üzərinə yeridi. Şəhərin
yaxınlığında Qızıl Arslanın ordusu onlarla qarşılaşdı. Döyüş bir
neçə gün davam etdi, Qızıl Arslanın ordusu geri çəkildi. Bir
müddət sonra Cəmaləddin Ayapa ilə Seyfəddin Rus arasında
komandanlıq üstündə münaqişə yarandı. Ayapa sultanın
yanında Rusu ləkələdi və Rus öldürüldü. Lakin III Toğrul yaxşı
bilirdi ki, əmirlər Qızıl Arslana xəyanət etdikləri kimi, bəd
ayaqda ona da xəyanət edə bilərlər. Odur ki, o, Ayapaya Qızıl
Arslan üzərinə hücum etməyi əmir etdi.
Ayapa əmiri yerin
yetirməkdən imtina etdi və öldürüldü. Bundan sonra Sultanın
əmri ilə Qızıl Arslanla əlaqəsi olanların hamısı, o cümlədən,
sultanın vəziri İzzəddin, Həmədanın rəisi Fəxrəddin, əmir
Siracəddin Kaymaz, əmir Bəyrəddin Qaragöz və başqaları