3-kazus
Oʻzbekiston Respublikasi Sogʻliqni saqlash vazirligi huzuridagi Farmatsevtika
tarmogʻini rivojlantirish agentligi tomonidan 2021-yil 7-yanvarda
javobgar
“ARSHAN” MChJga dori vositalari va tibbiy buyumlarni chakana realizatsiya qilish
huquqini beruvchi litsenziya berilgan.
Ish jarayonidan ma`lum boʻlishicha, Farmatsevtika tarmogʻini rivojlantirish
agentlikka “ARSHAN” MChJ tomonidan noqonuniy dori vositalari bilan savdoni
amalga oshirayotganligi, yaʼni muvofiqlik sertifikati mavjud boʻlmagan “Sellsept”
tab 500 mg №50 dori vositasini sotib kelayotganligi yuzasidan, 2023-yilning 24-iyul
kuni fuqaro Ravshanov Dilshoddan murojaat kelib tushgan.
Shunga ko‘ra, dorixonada dori vositalarini saqlash va
realizatsiya qilish holati
boʻyicha 1 kunlik tekshiruv oʻtkazilgan. Tekshiruvda dorixona savdo zalidan 8
turdagi sifati kafolatlanganligiga shubha uygʻotgan dori vositalari korxona rahbari
bilan birgalikda sifat nazorati uchun oʻrtacha namunasi tanlab olingan. Bu haqida
2023-yilning 10-avgust kuni sifat nazorati uchun dori vositalarining oʻrtacha
namunasini tanlab olish toʻgʻrisida dalolatnomalar rasmiylashtirilgan. MChJ rahbari
ushbu tekshiruv qonunchilik talablariga rioya etmagan holda amalga oshirilganligi
uchun javobgarlikka tortilishi mumkin emasligini aytib,
dalolatnomalarga imzo
chekishdan bosh tortgan.
Bundan tashqari, Tibbiy mahsulotlarni sertifikatlashtirish
markaziy organining
2023-yil 14-avgustdagi 04/1438-sonli va 2023-yil 17-avgustdagi 1529-sonli
xatlariga asosan, tanlab olingan 8 turdagi dori vositalaridan 4 turdagi dori vositalari
muvofiqlik sertifikatlari rasmiylashtirilmaganligi hamda 7 turdagi dori vositalari
amaldagi tibbiyot amaliyotida qoʻllanilishiga
ruxsat etilgan dori vositalari, tibbiy
buyumlar va tibbiy texnika Davlat roʻyxatidan oʻtmaganligi aniqlangan.
Keltirilgan asoslarni vaj qilgan holda Sogʻliqni saqlash
vazirligi huzuridagi
Farmatsevtika tarmogʻini rivojlantirish agentligi “ARSHAN” MChJga berilgan
litsenziyani bekor qilinishini ma’lum qildi. MChJ bunday qaror qabul qilish agentlik
vakolatiga kirmasligini aytdi.
(1) “ARSHAN” MChJ faoliyati bo‘yicha tekshiruv to‘g‘ri tartibda amalga
oshirilganmi? Kazusda keltirilgan holat bo‘yicha tekshiruvni amalga oshirish
tartibini yoriting.
(2) Tekshiruv boʻyicha davlat organi yuqoridagi vaziyatga asoslanib
tadbirkorning litsenziyasini bekor qilishi mumkinmi?
(3) Litsenziyani bekor qilish oqibatlarini tahlil qiling.
