1
Lissabon Sazişinə
əsasən milli parlamentlərin Avropa İttifaqında movqeyi
1.
Giriş
2.
Maastrixtdən Lissabona
3.
Lissabon Sazişində
yer alan ümumi qaydalar
4.
Məlumatların və qanunvericilik aktları layihələrinin birbaşa Aİ qurumlarından əldə
edilməsi
5.
Qanunvericilik aktları layihələrinin subsidiarlıq prinsipi ilə uyğun gəlməsinin
yoxlanılması
6.
Azadlıq, təhlükəsizlik və ədalət sahəsində səlahiyyətlər
7.
Sazişlərin dəyişdirilməsi prosesində iştirak
8.
Aİ-nin milli parlamentləri və Avropa Parlamenti ilə parlamentlərarası əməkdaşlıqda
iştirak
9.
Xülasə
1.
Giriş
Milli parlamentlər lap əvvəldən Avropaya inteqrasiya prosesində əsasən dolayısı ilə üzv
dövlətlərin (öz hökümətləri vasitəsilə Birliklər, sonra isə beynəlxalq ictimai hüququn köməyi
ilə İttifaq yaradan ölkələrin) daxili konstitusiya qaydalarının elementi kimi iştirak edirdilər.
Milli parlamentlər təsis, qoşulma sazişlərini, sonra isə III sütunlu konvensiyanı ratifikasiya
edir, Avropa ikinci hüququnu daxili hüquq qaydalarına uyğunlaşdırılmasını həyata keçirirdilər
və öz hökümətlərinin Avropa arenasında fəaliyyətlərinə nəzarət edirdilər.
Qeyd etmək gərəkdir ki, 1979-cu ildə keçirilən Avropa Parlamentinə ilk birbaşa seçkilərdən
əvvəl, milli parlamentlər öz nümayəndəliklərinə Birlik səviyyəsində malik idilər, lakin
Parlamentin məsləhət-nəzarət xarakterli orqan qismində səlahiyyətləri o zaman xeyli
məhdudlaşmışdı.
İlk növbədə legislatura səlahiyyətlərini itirmələrinin (bu səlahiyyətlər Avropa qurumlarına
verilib) və icraedici rəhbərlik üzərində nəzarətin ləğv edilməsinin nəticəsi olaraq milli
parlamentlərə, ümumiyyətlə, Avropaya inteqrasiya prosesinin əsas “uduzmuş tərəfi” kimi
yanaşılırdı.
Parlamentlər digər vasitələrlə yanaşı Aİ-də legislatura prosedurları zamanı öz hökümətlərinin
tutduğu mövqelərə nəzarət edərək bu problemi həll etməyə cəhd edirdilər. Burada əsas rolu,
adətən, Avropa məsələləri üzrə komissiyalar oynayırdı. Bununla belə, tədqiqat işləri spektoru,
komissiyaların iş metodları, öz nazirlərinə dair onların səlahiyyətləri, sahə komissiyaları ilə
əməkdaşlıq çox fərqli olmaqda davam edirdi.
Bu sahədə milli parlamentlərin vəzifələri, faktiki olaraq, hökümətin parlament məsuluyyətinin
funksiyası hesab olur və hər bir ölkənin daxili səlahiyyətinə aiddir. Buna baxmayaraq, 90-cı
illərin əvvəlində üzv ölkələrin parlamentləri Avropa məsələlərində öz mövqelərini fəal şəkildə
bildirmək imkanını əldə etdilər.
2. Maastrixtdən Lissabona
İttifaq səviyyəsində milli parlamentlər barədə ilk qeydlər 1992-ci il Maastrixt Sazişinə
əlavə edilən iki bəyannamədə (Ölkə parlamentlərinin Avropa İttifaqında rolu barədə
Bəyannamə (№ 13) və Parlamentlərin Konfransı barədə Bəyannamə (№ 14)) yer almışdı.
Həmin qeydlər parlamentləri Avropa İttifaqına dair məsələlər barədə tam məlumatlandırmaq
cəhdi idi. Daha sonra Avropa İttifaqı barədə Sazişə (TEU) və Amsterdam Sazişinə uyğun
olaraq, Avropa Birliklərini müəyyən edən sazişlərə əlavə olunan Avropa İttifaqında milli
parlamentlərin rolu haqqında Protokolda (№ 9) parlamentlərin məlumatlandırmasına və
2
legislatura layihələrinin subsidiarlıq prinsipinə uyğun olub-olmamasının yoxlanılmasında
parlamentlərin müəyyən rol oynamasına aid müddəalar mövcuddur. Protokolun ikinci hissəsi
Avropa milli parlamentləri üzrə komissiyanın nümayəndəsi olan COSAC-ın, yəni Birlik
Məsələləri üzrə İxtisaslaşdırılmış Orqanların Konfransının resmi şəkildə sazişin hüququna
daxil edildi.
Nitsa Sazişinə (2001-ci il) əlavə edilmiş Avropa İttifaqının gələcəyi barədə
Bəyannamədə (№ 23) Aİ-nin genişləndirilməsi ilə əlaqədar planlaşdırılmış müzakirənin
mühüm mövzularından biri olan milli parlamentlərin Avropa memarlığında rolu aydın qeyd
olunmuşdur. Bu müzakirə Avropanın gələcəyi məsələsi üzrə Konvent adlandırılan xüsusi
çağrılmış kollegiya çərçivəsində keçirildi (müq. Laeken deklarasiyası, 2001-ci il).
Milli parlamentlərin rolu mövzusunda ilk dəfə onların birbaşa iştirakları ilə Avropa
Konventi forumunda (2002-2003-cü illər) keçirilən böyük müzakirənin nəticəsi Aİ-də
parlamentlərin əhəmiyyət kəsb etmələri fikrinin güclənməsi və Avropa üçün Konstitusiyada
(2004-cü il) təklif olunan dəyişikliklər oldu. Bu isə, Konstitusiya qüvvəyə minməsə də,
Lissabon Sazişinə (2007-ci il) uyğun olunan düzəlişlər üçün əsasını təşkil edirdi. Bununla
bərabər Konvent fəaliyyətinin mənfi tərəfi birlik məsələləri üzrə milli parlamentlər və
hökümətlər arasında əlaqələrə dair “Kopenhagen rəhbər prinsiplərinin” (2003-cü il) COSAC
tərəfindən qəbul edilməsi idi. Büraya öz hökümətlərinin birlik siyasətinə təsir göstərə
bilmələri üçün milli parlamentlərə imkan yaradan müəyyən minimum standartlar aid idi.
Sazişlər islahatı adlandırılan Lissabon düzəlişləri üzərində aparılan işlər zamanı milli
parlamentlərin Avropa İttifaqında rolu məsələsi daimi olaraq müzakirə edilirdi. Bu, həmçinin,
Komissiyanın işlərində də öz əksini tapmışdı. Komisssiya Avropa Zirvəsinin 2006-cı il iyun
nəticələrində qeyd olunan „Vətəndaş naminə Avropa üçün nəticələr əldə olunması planı”
(COM (2006)211) adlı Avropa Parlamentinə və Avropa Zirvəsinə ünvanlanmış müraciətdə
milli parlamentlərə daha sıx əməkdaşlıq (Barrozo təşəbbüsü adlanan) təklifi etmişdir ki, bu da
parlamentlər tərəfindən müsbət qarşılanmışdı.
Nəticədə, 2006-cı ilin 1 sentyabırından parlamentlər həm hüquqi aktlar layihələrini,
həm də Komissiyanın konsultasiya sənədlərini birbaşa Komissiyadan əldə etməyə başladılar.
Bu isə öz növbəsində onların nəinki yalnız subsidiarlıq və proporsionallıqla əlaqədar, eləcə də
layihənin mahiyyətinə dair fikirlərini və qeydlərini ötürməyə imkan yaratdı. Komissiya isə
fərdi cavablandırma prinsipini qəbul etdi. Bu qaydada aparılan dialoq siyasi dialoq
adlandrıldı.
3.
Lissabon Sazişində yer alan ümumi qaydalar
Lissabon Sazişi milli parlamentlərin səlahiyyətinə verilmiş instrumentləri
genişləndirdi və möhkəmləndirdi. Əsasən, müqavilə hüququnun mətnində ilk dəfə olaraq milli
parlamentlər nəzərə alındı:
- subsidiarlıq və proporsionallıq prinsiplərinin istifadə edilməsi məsələsi barədə
Protokolda (№ 2) nəzərdə tutulan prosedura uyğun olaraq subsidiarlıq prinsipinə riayət
olunması üzərində milli parlamentlərin nəzarətini vurğulayan Avropa İttifaqı barədə Sazişin
TEU-nun 5-ci maddəsinin 3-cü bəndində,
- Avropa İttifaqının yaxşı fəaliyyət göstərməsində milli parlamentlərin təsirini
vurğulayan və buna xidmət edən (sonra müzakirə ediləcək) bütün səlahiyyətləri sadalayan
TEU-nun 12-ci maddəsində, və
- hökümətlərin öz milli parlamentləri qarşısında demokratik məsuliyyətini vurğulayan
TEU-nun 10-cu maddəsinin 2-ci bəndində (bu ilk növbədə üzv ölkələrin suverenliyi və
muxtariyyəti nöqtei-nəzərindən simvolik xarakter daşıyır).
Milli parlamentlərin səlahiyyətləri barədə ətraflı qaydalar Avropa İttifaqı barədə
Sazişdə (Treaty on European Union - TEU), Avropa İttifaqının fəaliyyəti haqqında Sazişdə
(Treaty on the functioning of the European Union - TfEU) və Lissabon Sazişinə əsasən TEU-
3
ya, TfEU-ya, Avropa Atom Enerji Birliyinin yaradılması barədə Sazişə (Treaty establishing
the European Atomic Energy Community – TEAEC) əlavə edilmiş iki protokolda – milli
parlamentlərin Aİ-də rolu haqqında Protokolda (№ 1) və subsidiarlıq və proporsionallıq
prinsiplərinin istifadə edilməsi məsələsi barədə Protokolda (№ 2) göstərilir.
Sözügedən qaydalar, milli parlamentlərin səlahiyyətlərinin ənənəvi sahəsi olan iki
məsələ istisna olmaqla, aşağıda müzakirə olunacaq. Bunlardan birincisi saziş tərəfindən
müvafiq daxili konstitusiya prosedurlarına istinad hallarıdır, ikincisi isə - sazişlərdə ilk dəfə
qeyd olunan (TfEU, 291-ci maddəsinin 1-ci bəndində) Aİ hüququnun üzv ölkə
qanunvericiliyinda istifadə edilməsidir.
4. Məlumatların və qanunvericilik aktları layihələrinin birbaşa Aİ
qurumlarından əldə edilməsi – TEU, 12 A maddəsi
4.1. Birbaşa milli parlamentlərə ötürülən məlumatlar
Avropa İttifaqında milli parlamentlərin rolu barədə hazırkı Protokol (№ 1) obyektiv və
subyektiv baxımdan əvvəlkindən daha genişdir. Bundan əvvəl birbaşa milli parlamentlərə öz
məsləhət sənədlərini təqdim etmək məsuliyyəti yalnız Komissiya üzərində idi. Hal-hazırda isə
milli parlamentlərə/palatalara birbaşa göndərilən sənədlərə (iki protokola), əsasən,
aşağıdakılar daxil edilir:
◦ qanunvericilik aktlarının layihələri və qanunvericilik aktlarının dəyişdirilmiş
layihələri, müəlliflərin kim olmasından asılı olmayaraq,
◦ Avropa Parlamentinin və Şura mövqeyinin legislatura nəticələri,
◦ Komissiyanın məsləhət sənədləri (yaşıl, ağ kitablar, rəsmi məlumatlar),
◦ legislatura işlərinin illik proqramı və legislatura planlaşdırılmasına və ya siyasi
strategiyaya aid digər sənədlər,
◦ toplantıların cədvəli və Şura iclaslarının nəticələri (qanunvericilik aktları layihələri
ilə məşğul olan Şura iclaslarının protokolları daxil olmaqla),
◦ Avropa Ali Maliyyə Məhkəməsinin illik hesabatı,
◦ TEU-nun 5-ci maddəsinin (subsidiarlıq prinsipi) istifadə edilməsi məsələsi barədə
Avropa Komissiyasının hesabatı.
Bundan əlavə, sazişlərdə aşağıdakılar qeyd olunur:
– TEU-nun 49-cu maddəsinə əsasən, İttifaqa daxil olma ərizəsi mövzusunda
məlumatların əldə edilməsi (TEU, 12 E maddəsi),
– Azadlıq, təhlükəsizlik və ədalət sahələrində məlumatların əldə edilməsi (aşağıda 6.1
bənddə göstəriləcək).
4.2. Qanunvericilik aktı layihəsinin tərifi
Parlamentlər bütün qanunvericilik aktları layihələrini əvvəlki kimi öz
hökümətlərindən deyil, birbaşa Aİ qurumlarından əldə edirlər. Həmin layihələr 1 və 2 nömrəli
Protokollarda eyni cür müəyyən edilib. Buraya bunlar aiddir: „Qanunvericilik aktının qəbul
edilməsi məqsədi ilə Komissiya təklifləri, üzv dövlətlər qrupunun təşəbbüsləri, Avropa
Parlamentinin təşəbbüsləri, Ədalət Məhkəməsinin (CoJ) nəticələri, Avropa Mərkəzi Bankının
tapşırıqları (ECB) və Avropa İnvestisiya Bankının tələbləri (EİB)”.
Qeyd etmək lazımdır ki, Protokol № 2-yə əsasən, legislatura prosesinin təşəbbüskarı
olan subyektlər (bəzən Şura adlandırılır) nəinki yalnız qanunvericilik aktları layihələrini, hətta
dəyişdirilmiş qanunvericilik aktları layihələrini də parlamentlərə göndərmək məsuləyyəti
daşıyırlar. Avropa Parlamenti, həmçinin, öz legislatura nəticələrini, Şura isə qəbul olunmuş
mövqeləri göndərir.
Ikipalatalı parlamentlərdə həm məlumatların, həm də legislatura layihələrinin əldə
edilməsi hüququ palataların hər birinə aiddir.
4
5. Qanunvericilik aktları layihələrinin subsidiarlıq prinsipi ilə uyğun gəlməsinin
yoxlanılması – TEU, 12 B maddəsi
Avropa İttifaqının əsaslandığı əsas prinsiplərdən biri kimi tanınan subsidiarlıq prinsipi
Maastrixt Sazişi ilə yaradıldı. Birlik öz səlahiyyətində olmayan sahələrdə yalnız o zaman
iştirak edir ki, təklif olunmuş addımlar üçün məqsədlərə üzv ölkələr tərəfindən lazımi şəkildə
nail olunmur, və təklif olunmuş addımların miqyası və ya nəticələri baxımından onlara Birlik
səviyyəsində daha asan nail olunması mümkündür. Bu subsidiarlıq prinsipin əsasını təşkil
edir.
Amsterdam Sazişinə əsasən, Avropa Birliyini yaradan Sazişə (Treaty establishing the
European Community - TEC) subsidiarlıq və proporsionallıq prinsiplərinin tətbiqi haqqında, o
cümlədən bu qaydaları istifadə etmək üçun xüsusi meyarları əhatə edən Protokol ( № 30)
əlavə edilib. Bundan əlavə, subsidiarlıq və proporsionallıq prinsiplərinin milli parlamentlər
tərəfindən baxılmasına möhkəm zəmin yaradılıb. Hüquq aktı layihəsinin və yaxud cinayət
məsələlərində hüquq-mühafizə orqanlarının əməkdaşlığı ilə bağlı VI TEU çərçivəsində qəbul
edilmiş vasitə layihəsinin yoxlanılması üçün milli parlamentlərə 6 həftə vaxt verilib
(Amsterdam Sazişinə əsasən, layihənin bütün dillərdə AP-yə və Avropa Zirvəsinə təqdim
edildiyi gündən Zirvə görüşləri çədvəlinə, həmçinin TEU-ya, TEC-ə və TEAEC-ə (Avropa
Atom Enerji Birliyinin yaradılması barədə sazişə) əlavə olunmuş Protokol № 9, maddə 3-ə
daxil edilməsi üçün 6 həftə keçməli idi).
5.1. Subsidiarlıq prinsipinin Lissabon Sazişinə uyğun olaraq yoxlanılması
aşağıdakılara əsasən həyata keçirilir:
– TEU-nun 5-ci maddəsinə əsasən - milli parlamentlər subsidiarlıq və proporsionallıq
prinsiplərinin istifadə edilməsi barədə Protololun (nr 2) nəzərdə tutduğu prosedura uyğun
olaraq milli parlamentlər subsidiarlıq prinsipinə riayət olunmasına nəzarət edirlər,
– TfEU-nun 69-cu maddəsinə əsasən - milli parlamentlər cinayət məsələlərində hüquq-
mühafizə orqanlarının əməkdaşlığı çərçivəsində təqdim edilən qanunvericilik təşəbbüslərinin
və ərizələrin, Protokol № 2-yə əsasən, subsidiarlıq prinsipinə uyğun olmasını təmin edirlər,
– Subsidiarlıq və proporsionallıq prinsiplərinin istifadə edilməsi məsələsi barədə
Protokola (nr 2) əsasən.
Qeyd etmək lazımdır ki, Protokol № 2-yə hər iki prinsipin istifadə olunmasını
nizamlasa da, milli parlamentlərin yeni səlahiyyətləri yalnız subsidiarlıq prinsipinə dair
nəzarət mexanizmindən irəli gəlir.
Hal-hazırda subsidiarlıq prinsipinin yoxlanılması aşağıda göstərilən yeni amillərdən
ibarətdir:
- subsidiarlıq prinsipinin genişləndirilmiş tərifi – bu prinsip üzv ölkələrə dair yalnız
mərkəz səviyyəsində deyil, eləcə də bölgə və region səviyyəsində qüvvədədir: Avropa İttifaqı
yalnız o zaman və yalnız elə sahədə addımlar atır ki, təklif olunmuş həllər üçün məqsədlərə
üzv ölkələr tərəfindən nə mərkəzi, nə regional, nə də ki bölgə səviyyədə lazımi şəkildə nail
olunmur; milli parlamentlər qanunverici səlahiyyətlərə malik olan regional parlamentlərlə
məsləhətləşməlidirlər (TEU, maddə 5, bənd 3, Protokol № 2, maddə 6),
– qanunvericilik aktları layihələrinin və dəyişdirilmiş qanunvericilik aktları
layihələrinin birbaşa milli parlamentlərə göndərilməsi öhdəliyi (Protokol № 1, Ad I),
– yoxlama müddətinin 6 həftədən 8 həftəyə artırılması. Bu müddət Aİ-nin rəsmi
dillərində layihənin parlamentlərə təqdim edilməsi ilə onun Şuranın ilkin iclas cədvəlinə daxil
edilməsi arasındakı müddətdir. Sözügedən 8 həftə ərzində, hər hansı təcili hallar istisna
olmaqla, verilən layihə barədə heç bir razılıq əldə edilmir. Bundan əlavə, yenə də təcili hallar
istisna olmaqla, qanunvericilik aktı layihəsinin Şura iclaslarının cədvəlinə daxil edilməsi ilə
mövqe əldə edilməsi arasında müddət 10 həftə təşkil edir (Protokol № 1, maddə 4),
5
– ilkin xəbərdarlıq mexanizminin yaradılması (EWM – establishment of the
early-warning mechanism). Bu mexanizm parlamentlərə Aİ-nin legislatura prosesinə birbaşa
müdaxilə etmələrinə imkan yaradır. İlkin xəbərdarlıq mexanizmi sarı və narıncı vərəqələri
əhatə edir (Protokol № 2, maddə 6 və 7),
– subsidiarlıq prinsipini pozan qanunvericilik aktı məsələsi ilə bağlı milli parlament
tərəfindən öz höküməti vasitəsilə Avropa Ədalət Məhkəməsinə şikayət verilməsi imkanı.
Buna bəzən qırmızı vərəqə də deyilir (Protokol № 2, maddə 8),
– Komissiyanın milli parlamentlərin əsasını TfEU-nun 352-ci maddəsi təşkil edən
layihələrə diqqətini cəlb etmə məsuliyyətinin yaradılması – subsidiarlıq prinsipinin istifadə
edilməsinə nəzarət prosesi çərçivəsində. Həmin maddədə “çeviklik müddəası” var ki, bu da
sazişlərin nəzərə almadığı, lakin qarşıya qoyulan məqsədlərə nail olmaq üçün (ortaq xarici
siyasət və təhlükəsizlik yürüdülməsi ilə bağlı məqsədlər istisna olmaqla) vacib olan addımlar
atmağa imkan yaradır.
Həmçinin qeyd etməyə dəyər ki, Aİ sütun strukturunun ləğv edilməsi nəticəsində
subsidiarlıq prinsipinin istifadə edilməsinin mövzu sahəsi genişləndi, çünki bura aid olan
qanunvericilik aktları, ortaq xarici siyasət və təhlükəsizlik istisna olmaqla, bütün sahələri
əhatə edir,
5.2. İlkin xəbərdarlıq mexanizmi hər bir milli parlamentin və ya palatanın Avropa
Parlamentinə, Şurasına və Komissiyasına subsidiarlıq prinsipi ilə onların uyğun olmaması
barədə əsaslandırılmış rəy göndərə biləcəyini (qanunvericilik aktı layihəsinin rəsmi dillərdə
parlamentlərə verildiyi gündən sonra 8 həftə ərzində) nəzərdə tutur.
Parlamentlərin hər birinə 2 səs düşür (ikipalatalı parlamentlərin hər bir palatasına 1
səs). Protokol № 2, maddə 7-yə əsasən, qanunvericilik aktı layihəsinin müəllifi
əsaslandırılmış rəyləri nəzərə alır. Əgər əsaslandırılmış rəylər milli parlmentlər üçün ayrılan
səslərin üçdə bir hissəsini, TfEU-nun 76-cı maddəsinə əsasən rəylər olduqda isə dörddə bir
hissəsini təşkil edirsə, o zaman layihə yenidən yoxlanılmadan keçirilməlidir (sarı vərəqə). Bu
yoxlanılma nəticəsində layihənin müəllifi (Komissiya, üzv dövlətlər qrupu, AP, Ədalət
Məhkəməsi, Avropa Mərkəzi Bankı, Avropa İnvestisiya Bankı) layihənin olduğu kimi
saxlanılması, dəyişdirilməsi və ya geri götürülməsi barədə qərar qəbul edə bilər. Qərar əsaslı
olmalıdır.
Narıncı vərəqə yalnız adi qanunvericilik proseduru çərçivəsində və yalnız
Komissiyanın müəllifliyi olan layihələr üçün verilə bilər. Əgər qanunvericilik aktı layihəsinin
subsidiarlıq prinsipinə uyğun olmaması barədə verilən əsaslandırılmış rəylər milli
parlamentlər üçün nəzərdə tutulan səslərin adi çoxluğunu təşkil edərsə (təcrübədə bu 50% +
bir deməkdir, yəni mütləq əksəriyyət), Komissiya yenidən yoxlanılma apardıqdan sonra
layihəni olduğu kimi saxlaya, dəyişdirə və ya ləğv edə bilər.
Layihə dəyişdirilmədiyi halda Komissiya layihənin subsidiarlıq prinsipinə uyğun
gəlməsi barədə əsaslandırılmış rəy təqdim edir, Avropa Parlamenti və ya Şura isə milli
parlamentlərin və Komissiyanın əsaslandırılmış rəyləri ilə tanış olduqdan sonra ilk oxunuş
qurtarmadan layihəni rədd edə bilərlər. Bunun üçün Şura üzvlərinin 55 faiz səs çoxluğu
(demoqrafik test tələb olunmur) və ya Avropa Parlamentində adi səs çoxluğu lazımdır.
Milli parlamentlər qanunvericilik aktı layihəsini sərbəst olaraq dayandırılması imkanına malik
deyillər.
6. Azadlıq, təhlükəsizlik və ədalət sahələrində (AFSJ – The area of freedom,
security and justice) səlahiyyətlər (TEU, maddə 12 C, TfEU, maddə 70, 71, 88, 85 və 81,
bənd 3
6
6.1. Azadlıq, təhlükəsizlik və ədalət sahələrində siyasət yürüdülməsinin
qiymətləndirilməsi mexanizmlərində iştirak:
– üzv dövlətlər tərəfindən azadlıq, təhlükəsizlik və ədalət sahələrində siyasət
yürüdülməsinin qiymətləndirilməsi mövzusunda məlumatların əldə edilməsi (TfEU, maddə
70),
–
vəzifəsi daxili təhlükəsizlik sahəsində üzv dövlətlərin orqanları tərəfindən qəbul edilmiş
əməliyyat hərəkətlərinin koordinasiyasına dəstək verməkdən ibarət olan Əməliyyat Əməkdaşlığı
Daimi Komitəsinin Daxili Təhlükəsizlik sahəsində (Şura strukturunda müəyyən edilmiş) işləri
barədə məlumat əldə edilməsi hüququ (TfEU, maddə 71, 25 fevral 2010-cu il tarixli Şura qərarı
(2010/131/UE)).
6.2. Europol (Avropa Polis Bürosu) siyasətinə nəzarətdə və Eurojust (Avropa
İttifaqının hüquqi əməkdaşlıq orqanı) fəaliyyətinin qiymətləndirilməsində iştirak (TfEU,
maddə 88,85).
Aİ-nin fəaliyyəti barədə sazişdə (TfEU) nəzərdə tutulur ki, Avropa Parlamenti və Şura həm
Eurojust, həm də Europol təşkilatlarının strukturunu, mövcudluğunu və vəzifə sahələrini,
eləcə də aşağıdakıları müəyyən edən qərarlar qəbul edəcək:
– „Avropa Parlamentinin və milli parlamentlərin Eurojust fəaliyyətində iştirak etməsi
şərtlərini”, (TfEU, maddə 85).
– „Europol fəaliyyətinə Avropa Parlamenti tərəfindən (milli parlamentlərin də iştirakı ilə)
nəzarət edilməsi prosesini”, (TfEU, maddə 88).
Parlamentlərarası forumlarda aparılan müzakirələr zamanı parlamentlər yeni nəzarət
və qiymətləndirmə prosedurunun təyin edilməsi ilə bağlı şübhələrini bildiriblər. Bu isə həm
„nəzarət” və „qiymətləndirmə” sözlərinin mənalarının aydın olmamasından, həm də nəzarət
etmə üsulunun Europol və Eurojust təşkilatlarının strukturundan, vəzifələrindən və
missiyasından (qaydaları təsbit olunur) asılı olması faktından irəli gəlir. Bu səbəbdən də
parlamentlər yuxarıda sözügedən orqanlar üzərində parlamentar nəzarətlə bağlı sərəncamlar
layihələrinin həmin sərəncamların layihələrinin sona yetirilməsindən əvvəl onlarla məsləhət
edilməsini tələb edirdilər (COSAC görüşü XLI, Praqa 10-12 may 2009-cu il, bənd 3.5, Aİ-nin
Rəsmi Jurnalı 2009 il C 230, s. 5)
6.3. Transsərhəd nəticələri barədə ailə hüquqları sahəsində akt qəbul edilməsi
prosedurunun dəyişdirilməsi prosesində iştirak (TfEU, maddə 81, bənd 3, abzas 3)
Hər bir parlament ailə hüququnun tramssərhəd nəticələri barədə aspektlərini
müəyyənləşdirən Komissiya ərizəsinə öz etirazını bildirmək hüququna malikdir. Həmin
nəticələr xüsusi qanunvericilik proseduru (körpü sektor proseduru) əvəzinə adi yolla qəbul
olunan aktlar predmeti ola bilər. Bu barədə qərarı Şura qəbul edir. Komissiyanın ərizəsinin
əldə edilməsindən sonra 6 ay ərzində arzində hətta yalnız bir parlamentin etirazı Şuranın bu
cür qərar qəbul edə bilməməsinə səbəb olur.
7. Sazişlərdə dəyişiklilər edilməsi prosesində iştirak (TEU, maddə 12 D, TEU,
maddə 48).
Parlamentlər sazişlərdə Lissabon Sazişinin nəzərdə tutduğu hər iki dəyişiklik
prosedurunda iştirak edirlər:
– adi prosedurda:
◦ sazişlərin dəyişdirilməsi barədə təkliflərin milli parlamentlərə təqdim
edilməsi
7
◦ milli parlamentlərin nümayəndələri dəyişiklik təkliflərini nəzərdən keçirən və
hökümətlər arası konfrans üçün tapşırıqlar qəbul edən Konvensiyanın tərkibinə daxil
olurlar
– sadələşdirilmiş prosedurda:
◦ milli parlamentlər xüsusi prosedurdan adi prosedura və eynifikirlikdən
çoxluğa (TEU-nun 48-ci maddəsinin 7-ci bəndində qeyd olunan körpü proseduru
çərçivəsində) keçilmə ilə bağlı Avropa Zirvəsinin təşəbbüsləri barədə
məlumatlandırılırlar. Sadələşdirilmiş prosedura dair Avropa Zirvəsinin təşəbbüsünün
əldə edilməsindən sonra 6 ay ərzində yalnız bir parlamentin etirazı proseduru
dayandırır, yəni Avropa Zirvəsinin qərarının qəbul edilməməsinə səbəb olur.
8.
Aİ-nin milli parlamentləri və Avropa Parlamenti ilə parlamentlərarası
əməkdaşlıqda iştirak (TEU, maddə 12 F, Protokol № 1, başlıq II „Parlamentlərarası
əməkdaşlıq”
Lissabon Sazişində parlamentlərarası əməkdaşlıq ilk dəfə olaraq saziş əsaslı xarakter
qəbul etdi. TEU-nun 12 F maddəsində qeyd edilir ki, milli parlamentlər digər milli
parlamentlərlə və Avropa Parlamenti ilə əməkdaşlıqda iştirak edərək Avropa İttifaqının
düzgün fəaliyyət göstərə bilməsinə imkan yaradır. Protokol № 1, maddə 9-da isə Avropa
Parlamenti və milli parlamentlər Avropa İttifaqında parlamentlərarası sistematik və effektiv
əməkdaşlığın təşkil olunmasını birgə olaraq müəyyənləşdirdiyi qeyd olunur. Milli
parlamentlərin ilkin xəbərdarlıq mexanizmi kimi yeni səlahiyyətləri çərçivəsində bu çox
önəmlidir. Bu səlahiyyətlərin yalnız sıx əməkdaşlıq vasitəsilə həyata keçirilməsinə nail olmaq
mümkündür.
Effektiv əməkdaşlığın təşkil olunması digərləri ilə yanaşı parlamentlərarası görüşlərin
planlaşdırılması və koordinasiya edilməsi məsələsini də müəyyən etməyi nəzərdə tutur. Bu
məsələ həm AP, həm də EUSC (Avropa Ittifaqı Ölkələri Parlament Sədrlərinin Konfransı) və
ya COSAC forumlarında gündəmə qaldırılır. Bəzi ümumi qaydalar EUSC tərəfindən Haaqada
2004-cü ildə qəbul edilən və 2008-ci ildə Lissabonda dəyişdirilən „Avropa İttifaqında
parlamentlərarası əməkdaşlıq üzrə rəhbər prinsiplərdə” göstərilmişdir.
Parlamentləri bu sahədə dəstəkləyən parlamentlərarası əməkdaşlıq orqanlarından biri
məhz COSACdır. Onun hal-hazırda daha çevik müəyyən edilən səlahiyyətlərinə digərləri ilə
yanaşı aşağıdakılar da daxildir:
–
Amsterdam
Sazişinə əsasən, Avropa Birliklərini müəyyən edən sazişlərə və TEU-ya
əlavə edilən milli parlamentlərin rolu barədə əvvəlki Protokoldakı (№ 9) məhdudiyyətlər
olmadan bütün qeydlərin AP-yə, Komissiyaya və Şuraya təqdim edilməsi. Həmin Protokola
əsasən, COSAC azadlıq, təhlükəsizlik və ədalət sahələrinin təyin edilməsi ilə bağlı hüquq
aktının hər bir layihəsi (fərdlərin hüququna və azadlığına birbaşa təsir göstərə biləcək və Aİ-
nin legislatura hərəkətləri ilə bağlı, xüsusən də, subsidiarlıq prinsipi, azadlıq, təhlükəsizlik və
ədalət sahələri ilə bağlı məsələlərdə öz qeydlərini AP-yə, Şuraya və Komissiyaya göndərə
biləcək layihəsi) üzərində düşünmə hüququna malik idi. Bununla yanaşı, COSAC-ın Aİ
qurumlarına „üzv dövlətlərin hökümət nümayəndələrinin birgə qərarı əsasında ona təqdim
olunmuş akt layihələri əsasında” öz qeydlərini göndərdiyi yeni protokolda artıq vurğulanmır;
– milli parlamentlərlə Avropa Parlamenti arasında (eləcə də onların ixtisaslaşdırılmış
komissiyaları arasında) informasiya və ən yaxşı təcrübə mübadiləsinin dəstəklənməsi;
–
parlamentlərarası konfransların təşkil olunması, xüsusilə ortaq xarici siyasət və
təhlükəsizlik sahəsində (ortaq təhlükəsizlik və müdafiə siyasəti daxil olmaqla).
Son iki bənd COSAC səlahiyyətlərinə dair bir növ novum (yenilik) təşkil edir. Lakin qeyd
etmək lazımdır ki, informasiya və ən yaxşı təcrübə mübadiləsi COSAC görüşlərinin uzun
zamandır ki daimi elementini təşkil edir.
8
İndiyədək olduğu kimi, COSAC tərəfindən irəli sürülən qeydlər milli parlamentlərə
aid edilmir, nə də „onların mövqelərini qabaqcadan müəyyən etmir”.
9. Xülasə
Yuxarıda verilən məlumatda milli parlamentlərin Lissabon Sazişinə əsasən əldə
etdikləri yeni səlahiyyətlərin göstərilməsinə cəhd edilib. Bu səlahiyyətləri qısa və
sadələşdirilmiş şəkildə aşağıdakı kimi qruplaşdırmaq olar:
– məlumat əldə edilməsi hüququnun möhkəmləndirilməsi: – birbaşa parlamentlərə
göndərilən informasiya və sənəd kataloqları (məs., qanunvericilik aktları layihələri, legislatura
planlaşdırılması üzrə sənədlər, Aİ-yə daxil olma ərizələri, sazişlərdə dəyişiklik edilməsi
barədə təkliflər, üzv ölkələrin azadlıq, təhlükəsizlik və ədalət sahələrdə yürütdükləri siyasətin
qiymətləndirilməsi barədə məlumatlar), eləcə də məlumat və sənəd göndərməkdə bilavasitə
məsuliyyət daşıyan Aİ qurumlarının siyahısı genişləndirilərək (əvvəl bununla yalnız
Komissiya məşğul olurdu) məlumatlandırma mexanizmi təkmilləşdirildi;
– mühüm elementi ilkin xəbərdarlıq mexanizmindən ibarət olan subsidiarlıq
prinsipinə riayət olunması üzərində nəzarət hüququ. Həmin mexanizm parlamentləri
bilavasitə olaraq bu prinsipin həyata keçirilməsinə cəlb edir: sarı vərəqə, parlamentlərin
fikrincə, subsidiarlıq prinsipinə zidd olan qanunvericilik aktı layihəsinin dəyişdirilməsinə və
ya ləğv edilməsinə gətirib çıxara bilər, narıncı vərəqə isə ya Avropa Parlamenti, ya da Şura
tərəfindən adi qanunvericilik prosedurunun yarımçıq qoyulmasına səbəb ola bilər. Indiyədək
parlamentlər ümumi prinsiplərə əsaslanaraq subsidiarlıq prinsipini yoxlamaq, qeydlərini öz
hökümətlərinə, eləcə də COSAC forumunda təqdim etmək (məs., subsidiarlıq prinsipinə
koordinasiya olunmuş nəzarət çərçivəsində) imkanına malik idilər; COSAC mövqeyi nə birlik
qurumlarına dair, nə də parlamentlərə dair qanuni xarakter daşımırdı;
– veto hüququ: hətta bir parlamentin etirazı növbəti prosedurlardan birinin, TEU-nun
48-ci maddəsinin 7-ci bəndindən əsas körpü prosedurunun (sazişlərdə dəyişikliklər
edilməsinin sadələşdirilmiş rejimi) və TfEU-nun 81-ci maddəsinin 3-cü bəndindən sektor
körpü prosedurunun (transsərhəd nəticələri barədə ailə hüququ sahəsində akt qəbul edilməsi
prosedurunun dəyişdirilməsi) dayandırılmasına səbəb olur; bundan əvvəl milli parlamentlər
bu cür alətə instrumentə malik deyildilər.
– azadlıq, təhlükəsizlik və ədalət sahələrinin monitorinqi: bu, Avropa İttifaqının
azadlıq, təhlükəsizlik və ədalət sahələrində yürütdüyü siyasəti qiymətləndirən mexanizmlərdə,
Europolun siyasətinin nəzarətində və Eurojust fəaliyyətinin qiymətləndirilməsində
parlamentlərin iştirak etməsi deməkdir; bundan əvvəl Avropa İttifaqının azadlıq, təhlükəsizlik
və ədalət sahələrinə dair legislatura hərəkətləri ilə bağlı öz qeydlərini təqdim etmə
səlahiyyətinə COSAC malik idi,
– genişləndirilmiş parlamentlərarası əməkdaşlıqda iştirak – əməkdaşlığın yeni
mexanizmləri ortaq xarici siyasət və təhlükəsizliklə bağlı (ortaq təhlükəsizlik və müdafiə
siyasəti daxil olmaqla) müzakirə təşkil etməyi əhatə edə bilər; COSAC nəinki yalnız Avropa
komissiyalarının, eləcə də ixtisaslaşdırılmış komissiyaların əməkdaşlıq forumu da ola bilər;
Aİ-də effektiv və sistematik parlamentlərarası əməkdaşlığın təşkil olunması çərçivəsinin
müəyyən edilməsi mandatını milli parlamentlər və Avropa Parlamenti alıb.
Lissabon Sazişinə əsasən milli parlamentlərin Aİ-də mövqeyi
– seçilmiş sənədlər və nəşrlər
Lissabon Sazişinə əsasən milli parlamentlərin Aİ-də rolu barədə müzakirə
– OIDE məlumatı
Dostları ilə paylaş: |