21
uzun müddət aşağı düşməsi başa düşülür. 12 valyutanın birgə üzməsinə əsaslanan
Avropa valyuta sistemində ( 2,25%, 1993-cü ilin avqustundan 1,5% hədlərində) vaxtaşırı
olaraq rəsmi devalvasiya və revalvasiya (1979-1993-cü illərdə 16 dəfə) keçirilirdi.
Beynəlxalq Valyuta Fondunun (BVF) üzv ölkələri 10%-dən az ölçüdə öz valyutalarının
planlaşdırılan devalvasiya haqqında Fondu xəbərdar etməli və 10%-dən yuxarı
devalvasiya zamanı onun (Fondun) ilkin icazəsini almalıdır. Devalvasiya çox zaman pul
islahatının aparılması metodu kimi istifadə olunur. Belə ki, 1924-cü ildə Almaniyada
markanın devalvasiyası və 1 yeni marka = 1 trln. köhnə marka nisbətində köhnə pul
vahidlərinin yeni pul vahidlərinə mübadiləsi həyata keçirildi. Devalvasiya tədiyyə
balansının əsas tənzimlənmə metodlarından biridir, lakin onun səmərəliliyi konkret
şə
raitdən asılıdır. Devalvasiyanın nəticələri milli idxalatçılar və ixracatçılar üçün
müxtəlifdir. Bir tərəfdən, devalvasiya milli ixracatçılara əlverişlidir, belə ki, onlar öz
qiymətdən düşmüş valyutasına daha sabit xarici valyutanın mübadiləsi zamanı
devalvasiya (ixrac) mükafatını alır və qiymətdən düşmüş valyuta ilə öz öhdəliklərini
ödəyən borclulara əlverişlidir. Digər tərəfdən, devalvasiya nəticəsində idxalatçılar
(hesablaşmalar) üçün zəruri xarici valyutanın alınması onlara baha başa gəlir); öz
tələblərinə görə devalvasiya olunan valyutanı alan kreditorlar, eləcə də avuarların
sahibləri ziyana düşürlər. xracın stimullaşması üçün devalvasiyanın səmərəliliyi ixrac
potensialının mövcudluğundan və dünya bazarında rəqabət şərtlərindən asılıdır. Əgər
ölkə beynəlxalq ixtisaslaşma ilə əlaqədar xarici malların idxalından nisbi azaddırsa və
idxalı əvəzləyən siyasəti uğurla həyata keçirirsə, idxalı ləngidə bilər. Devalvasiyanın
nəticələri müəyyən dövrdən sonra təzahür edir. Az ölçüdə devalvasiya (məsələn, 1967-ci
ildə funt sterlinqin 14,3%, 1971-ci ildə dolların 7,89%) valyuta möhtəkirliyinə təsir
göstərərək, valyuta məzənənsinin təkrar azalması təhlükəsini saxlayır (adı çəkilən
valyutalarla bu hal baş vermişdir). Devalvasiyanın ölçüsü adətən digər valyutaların
azaldılmasında zəncirvari reaksiyaya səbəb olur və bu zaman təşəbbüskarda rəqabət
üstünlükləri yox olur. Devalvasiyanın səmərəliliyinin yüksəldilməsi üçün ölkələr,
xüsusən inkişaf etməkdə olan ölkələr ixrac və idxal üzrə diferensiallaşmış rüsumlar və
subsidiyalar tətbiq edirlər.
22
Valyuta siyasəti əslində ölkənin öz milli valyutasının məzənnəsinin və onun
vasitəsi ilə xarici sövdələşmələrin idarə olunmasından ibarətdir. Valyuta məzənnəsinin
devalvasiya və revalvasiya nəticəsində dəyişməsi milli gəlirin dinamikasına əhəmiyyətli
tə’sir edir. darəetmə baxımından təcrübədə daha çox istifadə olunan metod valyutanın
devalvasiyası yoludur. Çünki devalvasiya ixracın real həcminin artmasına və idxalın
azalmasına gətirir, ona görə də ixrac yönlü və idxala rəqabətli sahələrdə yeni iş yerləri
açılır və gəlir artır. Lakin ilk baxışdan yuxarıdakı məntiq doğru olsa da, bu həmişə
müsbət nəticə vermir.
1.Devalvasiya beynəlxalq ticarət şəraitini pisləşdirərək, ölkəni hər idxal vahidi üçün
daha çox ixraca məcbur edə bilər. Çünki ticarət şəraiti (R/Rm) pisləşirsə ölkənin real
alıcılıq qabiliyyəti aşağı düşür. Digər tərəfdən bunu dərk edərək əhali öz xərclərini azalda
bilər, bu isə neqativ prosesləri daha da gücləndirir. Ona görə də devalvasiya ancaq ticarət
şə
raitini yaxşılaşdırdığı və ya ən azı ona tə’sir etmədiyi halda milli gəliri artıra bilər.
2.Devalvasiya tədiyyə balansını tənzimləməyə xidmət etdikdə müsbət nəticəyə
gətirir. Çünki devalvasiya yaranmış kəsiri aradan qaldırmaqla Milli bankı valyutanın
məzənnəsini sün’i surətdə stabil saxlamaq üçün daha çox valyuta ehtiyatı xərcləməkdən
xilas edir.
3.Devalvasiya ticarət balansını yaxşılaşdırmaya bilər, çünki real məzənnə alıcılıq
qabiliyyəti pariteti səviyyəsinədək artdıqda ixrac artır. Bu səviyyədən sonra ixracın
artımı baş vermir. Əksinə daxili xərclər artdığı üçün ticarət balansı pisləşir.
Beləliklə aydın olur ki, valyuta siyasətini ancaq onun məzənnəsinin idarə olunması
kimi qəbul etmək düz deyil. Valyuta strategiyasının ölkədə makroiqtisadi stabilliyin
tə’min olunmasına istiqamətləndirilməsinin beş üsulu vardır. Həmin üsulların fərqlərini
aydın görmək üçün onların həm tədiyyə balansının kəsiri, həm də valyuta məzənnəsinin
düşməsi – devalvasiyaya təsirini araşdıraq.
1.Milli iqtisadiyyatda mövcud şəraiti və ya valyuta məzənnəsini dəyişmədən tədiyyə
balansı kəsirinin müvəqqəti maliyyələşdirilməsi. Kəsir yaranmasının müvəqqəti olduğu
mə’lumdursa, ölkə sadəcə olaraq öz ehtiyatlarını istifadə edir, lakin dövriyyədə pul
təklifinin çoxalmamasını gözləyir. Ümumi balans və müsbət saldo yarandıqda
ehtiyatların bərpasına çalışır.
23
2.Valyuta nəzarətinin tətbiqi. Hökumət ölkə ilə qalan dünya arasında bütün
ə
laqələrə ciddi nəzarəti həyata keçirir. Məsələn, rəsmi valyuta məzənnəsini dəyişmədən
rezidentlərə xaricə aparılmaq üçün valyutanın dəyişdirilməsinə məhdudiyyət qoyulması
mümkündür.
3. Üzən valyuta məzənnələrinin tətbiqi. Valyuta bazarında məzənnənin müstəqil
müəyyənləşdirilməsi üçün şərait yaradılması. Bu zaman məzənnə valyuta tarazlığı
yarananadək düşə bilər.
4.Təsbit olunmuş daimi məzənnələrin tətbiqi. Rəsmi dövlət orqanları iqtisadiyyatda
dəyişikliklər aparmaqla onu formalaşmış valyuta məzənnəsinə uyğunlaşdıra bilərlər. Bu
ə
sasən, o halda baş verir ki, ölkə uzun müddət ərzində xarici ödəmə kəsirinə malik olur
və ona görə də xaricilər onun valyutasını almaq istəmirlər. Belə olduqda ölkə valyuta
ehtiyatlarının axırına çıxmaqla pul təklifini azalda bilər, devalvasiya etməklə qiymət və
gəlirləri azalda bilər. Bu o vaxta qədər davam edəcəkdir ki, xarici valyutaya tələb və
onun təklifi müəyyən qeyd olunmuş paritetdə tarazlaşacaqdır. Bu üsul tədiyyə balansının
qeyri – stabilliyinin aradan qaldırılması üçün «klassik üsul» hesab olunur.
5.Valyuta məzənnələrinin kombinasiyası üsulu. Yə’ni hökumət «üzən valyuta» və
«təsbit olunmuş valyuta» üsullarının kombinasiyasını tətbiq edə bilər. Bu halda iki
variant mümkündür. Birinci variant Bretton – Vuds sistemi olan «dəyişən valyuta
paritetləri» üsuludur. Yə’ni təsbit olunmuş məzənnə siyasəti aparılması üçün
iqtisadiyyatda cüzi dəyişikliklər həyata keçirilir. Lakin bu tədbirlər kifayət etmədikdə
devalvasiya edilir və yeni qeyd olunmuş səviyyədə məzənnə müəyyənləşdirilir. Bu üsul
1944-1971-ci illərdə aparıcı üsul olmuşdur. kinci variantda isə valyutaların tənzimlənən
üzməsi tətbiq edilir. Yə’ni hökumət valyuta məzənnəsini yeni paritet əldə olunanadək
tədricən dəyişir. Yeni paritetə doğru isə valyuta gündəlik, əvvəlcədən müəyyənləşən və
e’lan olunan ölçüdə («sürüşkən bağlılıq»), əvvəlcədən e’lan olunan dövrülüklə, böyük
addımlarla (sürünən bağlılıq) və ya hər gün əvvəlcədən e’lan edilmədən (çirkli üzmə)
devalvasiya edilə bilər. Lakin hər üç halda hökumət iqtisadiyyatın yeni şəraitə
uyğunlaşdırılması üçün tədbirlər görür və valyuta bazarında əməliyyatları asanlaşdırmaq
üçün maliyyə mənbələri axtarır. Dünya təcrübəsini və iqtisadi mahiyyətini təhlil etdikdə
yuxarıdakı beş üsulun yalnız son üçünün seçim üçün əlverişliliyi aydınlaşar.
Dostları ilə paylaş: |