Microsoft Word S?M?D vurgun doc
Yüklə 2,81 Mb. Pdf görüntüsü
|
- Bu səhifədəki naviqasiya:
- ________________________Milli Kitabxana________________________ 232 SAB R N ŞƏR ƏF N Ə
- ________________________Milli Kitabxana________________________
- ________________________Milli Kitabxana________________________ 234 GÖZÜM YOLLARDA QALMI ŞDIR
- ________________________Milli Kitabxana________________________ 235 L ƏNK ƏRAN ŞE RL ƏR
________________________Milli Kitabxana________________________ 232 SAB R N ŞƏRƏF NƏ Xəyalım bu gecə varaq-varaqdır. Dilsiz əsrləri o yaracaqdır. Gözümə bir qara keçmiş görünür, Bir qara keçmış ki, bizdən uzaqdır. O keçmiş – gecədir, buludu lay-lay, Yaslı gəlin kimi pərişandır ay; Orda təbiət də qara geyinmiş, Sonalar dərdlidir, yorğun axır çay. Orda parçalanır, didilir vətən, Tez düşür insanın saçlarına dən... Orda haqq bağıran qəhrəmanların Bir qılıncla gedir başı bədəndən. Boy atır sünbülün, gülün möhnəti, Sönür baxışların ilk məhəbbəti. Hər kiçik laylada "dərdim var" deyir Elin şirin dili, şirin söhbəti. Solğun dodaqları ah, aman gəzir, Ölümlər qapını çox yaman gəzir... Böyük bir şairin dalğın xəyalı Vətən çölrini pərişan gəzir... Sabir, o günləri gətirmə yada. Dünya unutmamış səni dünyada... Sinənə çarpdıqca kinli dalğalar Bir qoca dağ kimi durdun dəryada. Sən ey azadlığın səhər ruzgarı, Sınmadı qəlbinin tərlan vüqarı. Ə srlər dolaşıq gəlib keçsə də, Tarix, unutmayır mərd oğulları. ________________________Milli Kitabxana________________________ 233 Uzalı getdisə dünyadan əlin, Artıq çiçəkləndi arzun, əməlin, nsanın haqqını özünə verdik, Hər duyan ürəkdə qalxdı heykəlin. Oyanmış bu günəş, bu yer, bu insan, Artıq nə qamçı var, nə qara zindan, Nə matəm hıçqırır bülbülün səsi, O da ilham alır insan ağzından, Azaddır ellərin çiçəkli yazı, Bu yaz danışdırır Kürü, Arazı; Bu böyük günlərə min dastan deyir Ş airin lirası, aşiqin sazı. Bəzəkli yurdumuz çiçək-çiçəkdir, Hər keçən ömrümüz bir gələcəkdir, Sənin də varlığın bir günəş kimi Ə srlər boyunca sönməyəcəkdir! 1936, 27 dekabr ________________________Milli Kitabxana________________________ 234 GÖZÜM YOLLARDA QALMIŞDIR Gözüm yollarda qalmışdır, xəbər yox Kür qırağından, Usanmaq bilməyir könlüm yaşılbaşlar sorağından. O yerlər min xəyal eylər, təbiət şerə layiqdir, Öpər bülbül səhər tezdən gülün yaqut dodağından. Çəmənlər, yasəmənlər göz vurub bir cilvə göstərsə, Durar könlüm çıxar seyrə həyatın qəm otağından... Qarayazı meşəsində Anadil adlı bir quş var, Mənim sevdalı qəlbim tək asılmışdır ayağından. Yolum düşsün Səlahluyə, o qəbrə diz çöküm bir də, Anam Məhbubi yad ilə, öpüm solğun yanağından. Aman tale! Nə möhnətmiş onun dərdi, mənim dərdim... Bahar fəslində ayrıldı qızılgül üz budağından. Keçər aylar, keçər illər, yaz ey Vurğun, ömür azdır, Düşər bir gün laçın könlün şeir, sənət marağından. 1936 ________________________Milli Kitabxana________________________ 235 LƏNKƏRAN ŞE RLƏR Taleyimdir ilham almaq, Söhbət açıb, qələm çalmaq Bizim dünya gözəlindən; Şə rbət içdim öz əlindən Bizim yurdun - ana yurdun Şair! Sənmi oxuyurdun Dünən bizə hicran dərdi?.. Yeni tarix nə göstərdi? Aç gözünü, yaxşı bir bax! Bu mən, bu sətı gəl yarışaq Ellər bizə "gəlin!" deyir; Doğma sənət, doğma şeir Göstərəcək ölkəmizi Qoy tanısın dünya bizi! Mən aşiqəm gözəlliyə, Muradıma yetəm deyə Dolaşıram bu torpağı; Hər budağın bir yarpağı Hər çiçəyin bir adı var, nsan adlı ustadı var Gözəlliyin bu dünyada. Gah havada, gah dəryada Mən sürürəm öz gəmimi, Tapıb könül həmdəmimi, Durub onunla üz-üzə, Dənizlərdə üzə-üzə, Nə yorulur, nə doyuram, Sahillərə üz qoyuram. Lənkəran da sahildədir; Gördüyümü deyim bir-bir Bu torpağın öz dilində: Bizim Xəzər sahilində Uzanmış bir gözəl şəhər, Yaşıl çalır səhər-səhər. ________________________Milli Kitabxana________________________ 236 Hər qapıda kiçik bir bağ, Evcikləri boydan alçaq, Fəqət sadə, fəqət təmiz; Yorulmayır gözlərimiz Ortüyü ağ pəncərədən; Çox sevirəm doğrusu mən, Bu naxışlı örtüləri. Səhərlərin şehli təri Aynalardan töküləndə, Ağlayıram baxıb mən də Bu yerlərə sevincimdən; Bir səs gəlir öz içimdən: Yelkənin dəyməsin daşa, Sən də yaşa, sən də yaşa! Ə tirlidir burda bağlar, Güzgü kimi yolları var. Xəyallara dalan çinar, Sıx kölgələr salan çinar Düşündürür burda məni. Xəyalırnın ağ yelkəni Uzaqlara qanad çalır Gah ucalır, gah alçalır, Qara qışdan dərs alalı Mən də şair tək olalı. Qoca çinar, qoca çinar! Kötüyündə nə sirlər var... Gah Turandan, gah randan Gah o yandan, gah bu yandan Ordu çəkib gələnlərin Bir "dost" kimi gülənlərin Üstünə sən kölgə saldın, Sonra yazıq günə qaldın. Külək vurdu çinarlığı ... Ə sib coşan rus çarlığı Üzərinə ordu çəkdi, O, başında bostan əkdi... Yüklə 2,81 Mb. Dostları ilə paylaş:
|