_____________Milli Kitabxana________________
22
T ə h m a s b ə y
Kəndli tayfası
Qudurar döyməsə onu ağası.
S ə f ə r k i ş i
Təhmas bəy, camaat ölür acından,
Yandı taxılımız, gəlmədi ələ.
T ə h m a s b ə y
Sus, yoxsa asdırram dar ağacından.
S ə f ə r k i ş i
Günahımız nədir?
T ə h m a s b ə y
Rədd ol, çıx çölə!
Vergiləri verin, o doğru deyir.
S ə f ə r k i ş i
Acından camaat çöldə ot yeyir.
Özün bilirsən ki, bu il bu yerde
Yağınlıq olmadı, el düşdü dərdə.
Olan-olmazı da məhv etdi dolu,
Elinsə ürəyi qəzəblə dolu...
T ə h m a s b ə y
Qəzəbə bir baxın, kəs, qoca köpək!
Burnundan tökülsün verdiyim çörək.
Səfəri yenə döyürlər.
_____________Milli Kitabxana________________
23
C ü m ş ü d b ə y
Vergilər bir yana, bunlar hələ bir,
Vallah, biyara da getmək istəmir.
Mən yazıq dedikcə: çıxsın biyara,
Elə bil deyirsən daşa-divara.
T ə h m a s b ə y
A Cümşüd, deyəsən xərifləyirsən,
Sənə ki, min dəfə tapşırmışam mən:
Bu qanmaz tayfayla danışma yumşaq,
Allaha çox şükür, deyilsən uşaq.
Aldanma kəndlinin sən göz yaşına,
Üzünə güldünmü, çıxar başına.
Biyara getməyən, vergi verməyən,
Bəylərə hörməti lazım görməyən,
Bilsin ki, nə qədər bu canım sağdır.
Əlimdən salamat çıxmayacaqdır!
(Otağa keçir.)
Koxa Memmed iki strajniklə qurd Kərimi çəkə-çəkə gətirirlər. Strajniklərdən
birinin üz-gözü qana bulanmışdır.
K o x a
Bəyin nökərinə əl qaldırmağı
Sizə kim öyrətdi? Köpək uşağı!
Q u r d K ə r i m
Vay, öldüm, vurmayın, yazığam.
K o x a
Kiri!
Bax, gör, nə etmisən, axmağın biri.
_____________Milli Kitabxana________________
24
(Strajniki göstərir.)
Qanadıb fağırın ağız-burnunu.
T ə h m a s b ə y
(gələrək)
Bu nədir? Kim salıb bu hala bunu?
K o x a
Yol kəsən, baş kəsən, zəncirsiz dəli,
Şübhəniz olmasın, belədir, bəli.
Lotunun, əclafın, alçağın biri,
Oğrunun, quldurun, qaçağın biri
Kəndirbaz, hoqqabaz, meymun oynadan,
Hər yerə baş vurub qazan qaynadan,
Bizləri saymayan, dələduz, lovğa...
T ə h m a s b ə y
Müxtəsər et görüm, uzatma, Koxa!
K o x a
Bu qurd Kərim ki var, köpək oğludur,
Fağır strajnik buyruq quludur.
Sizin omrinizə elərkən əməl
Bax, bu zatıqırıq, yaramaz, əfəl
Vurub baş-gözünü bulayıb qana,
Demək, əl qaldırıb sizə, divana.
T ə h m a s b ə y
Sən atayın goru, uzatma ancaq.
_____________Milli Kitabxana________________
25
K o x a
Xırmanda taxıllar yığılıb dağ-dağ,
Durur qalaq-qalaq odun meşədə,
Qorxuram, hamısı zay olub gedə.
Bunlardan bir kimsə yetmir haraya,
Vurmur öz əlini ağdan-qaraya.
Tutmağa çalışdım bunları dilə,
Yola gəlmədilər pişim-pişimlə.
Cin vurdu başıma, çıxdım özümdən,
Hamsını doyunca kötəklədim mən.
Bunun əti gərək çəkilə şişə,
Zorla camaatı qovmuşdum işə
Bu gəlib qoymadı, qarışdı ara.
Budur, döyə-döyə gətirdim bura.
T ə h m a s b ə y
Yaxşı, hammıza deyirəm təkrar,
Tez at-arabanı qoşun hər nə var.
T a p d ı q
Bizdə at-araba nə gəzir?
T ə h m a s b ə y
Belə?
Ağlınız yerinə gəlməyib hələ?
Öküzləri qoşun!
T a p d ı q
Öküz varmı ki?
T ə h m a s b ə y
Mənim bir sozümü etməyin iki,
Atanı, ananı, arvadını qoş,
Cəddi-əqrəbanı, övladını qoş!..
_____________Milli Kitabxana________________
26
(Cümşüd bəyə)
Baxma sən bunlarm ağlamağına,
Arvadlı, kişili qat qabağına,
Yumruqla, təpiklə çıxart bayıra,
Hökmümə əməl et, yox başqa çara.
(Qurd Kərimi göstərir.)
Bunu da saxlayın qoduqluqda ac,
Vurun kürəyinə yüz yağlı qırmac!
N ə b i
A bəy, rəhmə gəlin, insafa gəlin,
Onsuz da xoş günü yoxdur bu elin.
T ə h m a s b ə y
Nəbi, neçə kərə demişəm sənə,
Qapımda nökərsən, ağ olma mənə!
N ə b i
Bəy!.. Axı...
T ə h m a s b ə y
Canımı yığmısan bura.
(Boğazım göstərir.)
Sonra danışaram, səninlə sonra!
M a h m u d b ə y
(Otaqdan çıxır.)
Təhmas bəy, pozmayın heç nəşənizi,
Gedəyin, qonaqlar gözləyir sizi.
Dostları ilə paylaş: |