— 11 —
karlıqla dolu həyatının da bir örnək olaraq öyrənilməsinə ehti-
yac vardır.
Artıq dünyasını dəyişmiş bu böyük sənətkarın, ədəbi irsini
təşkil edən 2000-dən çox şeir və 20-yə yaxın dastan müstəqil
tədqiqat mövzusu olmayıb, demək olar ki, əksəriyyət etibarilə
elmi dövriyyədən kənarda qalıb. Bu səbəbdən də kamil sənət
nümunələri kimi sevilib seçilən, Şirvan, Dağıstan və Güney
Azərbaycan aşıqlarının repertuarının aktiv hissəsinə daxil olan
Aşıq Əhməd poeziyasının növ, janr, mövzu və sair poetik xüsu-
siyyətlərinin çağdaş elmi-nəzəri tələblər səviyyəsində, sistemli
şəkildə araşdırılması folklorşünaslıq elmi üçün zəruri və aktual
problemdir.
Araşdırma Aşıq Əhmədin mətbu əsərləri (nəşr olunmuş 5
kitabı) ilə yanaşı, nəşr olunmamış şeir və dastan mətnləri əsa-
sında aparılmışdır. Tədqiqatın əsasını Aşıq Əhmədin bioqrafı-
yası və sənət yolu, poeziyasının mövzu-janr xüsusiyyətləri və
sənətkarın dastan yaradıcılığının poetik xüsusiyyətləri təşkil
edir.
Tədqiqat işində başlıca məqsədimiz Aşıq Əhmədin yaradı-
cılığının səciyyəvi cəhətlərini müəyyənləşdirməklə konkret sə-
nətkarın timsalında Şirvan aşıqlığının gerçək təbiətini aşkarla-
maq, onun ədəbi-estetik məzmununu, funksiyasını və fıloloji-
nəzəri dəyərini üzə çıxarmaq olmuşdur.
Bu məqsəddən irəli gəlməklə aşağıdakı işlərin görülməsi
nəzərdə tutulmuşdur:
– Sənətkarın ədəbi irsi və sənətkar şəxsiyyəti haqqında mə-
lumatları təhlil etməklə aşağın sənətkar statusunu müəyyənləş-
dirmək;
– Aşığın sənət irsi haqqında elmi təsəvvür yaratmaq;
– Aşığın poeziyasının mövzu əhatəsini və janr səciyyəsini
müəyyənləşdirmək;
– Dastan yaradıcılığını təhlil etməklə XX yüzil aşıq das-
— 12 —
tançılığının ənənəvi və özəl xüsusiyyətlərini aşkarlamaq.
– Aşıq Əhmədin söz və musiqi repertuarı, şairliyi və aşıqlı-
ğının səciyyəvi cəhətlərini müəyyənləşdirməklə Şirvan aşıq
mühitinin regional özəllikləri və Azərbaycan aşıq poeziyası
haqqında elmi təsəvvürləri genişləndirmək.
Tədqiqat tarixi-müqayisəli metod əsasında işlənmişdir. İş
hazırlanarkən müasir folklorşünaslığın elmi-nəzəri müddəala-
rına, türkologiyanın və Azərbaycan filologiyasının aşıq sənə-
tinə dair mülahizələrinə əsaslanılmışdır.
Ustad sənətkar Aşıq Əhmədin yaradıcılığının tədqiqi möv-
zusu Azərbaycan folklorşünaslığında ilk dəfə qoyulur. Sənətka-
rın yaradıcılığının təhlilindən əldə edilən qənaətlər yenidir:
– Aşıqlıq fəaliyyəti və ədəbi irsi əsasında sənətkarın sta-
tusu müəyyənləşdirilmiş;
– Ustad aşığın sənətkarlığının özəllikləri aydınlaşdırılmış;
– El sənətkarının epik və lirik yaradıclığının mövzu əhatəsi
və janr səciyyəsi müəyyənləşdirilmiş;
– Aşığın yaradıcılığında arxaik türk dastançılığı və orta çağ
Azərbaycan klassik dastan tiplərinin mövcudluğu aşkarlanmış;
– Azərbaycan aşıq sənətinin Şirvan mühiti üçün xarakterik
xüsusiyyətləri açıqlanmış;
– Sənətkarın yaradıcılığının dini, əxlaqi dəyərləri, dövlətçi-
lik və vətəndaşlıq şüurunu gücləndirən ədəbi-estetik və sosial-
mədəni mahiyyəti, sənət özəllikləri aşkarlanmışdır.
Qeyd etmək istərdik ki, bu tədqiqatdan folklorşünaslığın
aşıq yaradıcılığı ilə bağlı nəzəri problemlərinin həlli ali məktəb-
lərin folklor, orta məktəblərin ədəbiyyat dərsliklərinin aşıq sə-
nəti ilə bağlı bölmələrinin hazırlanması üçün istifadə etmək
olar. Ali məktəblərin fılologiya fakültələrində aşıq sənətinə dair
xüsusi kursların tədrisi zamanı elmi vəsait kimi tədqiqatdan is-
tifadə oluna bilər.
Monoqrafiya Azərbaycan Milli Elmlər Akademiyası Folk-
lor İnstitutunda namizədlik dissertasiyası şəklində işlənib hazır-
— 13 —
lanmışdır. Tədqiqatın nəticələri müəllifin konfrans və seminar-
lardakı məruzələrində və müxtəlif elmi məcmuələrdə çap olun-
muş məqalələrində öz əksini tapmışdır. Qeyd etməliyik ki, təd-
qiqatın bir hissəsi bundan əvvəl də ayrıca kitab şəklində hör-
mətli oxuculara təqdim olunmuşdur.
Oxucularda tədqiqatın əsas tematik-analitik təhlil istiqamət-
ləri haqqında təsəvvür yaratmaq üçün bildirməliyik ki, əsərin
birinci fəsli «Aşıq Əhmədin həyat və yaradıcılıq yolu» adlanır.
Tədqiqatın bu hissəsində öncə «aşığın həyatı və sənət yolu»
haqqında dolğun təsəvvür yaradılır. Çünki aşığın sənətkar statu-
sunun müəyyənləşdirilməsində onun bioqrafiyası və sənət şə-
cərəsi, eləcə də onun haqqında elm və mədəniyyət nümayəndə-
lərinin fikir və mülahizələri və başqa bu tipli məlumatlar olma-
dan keçinmək mümkün deyil. Ona görə də aşığın sənətkar kimi
yetişməsində ciddi rolu olan sosial-mədəni mühit, tarixi gerçək-
lik qiymətləndirilir, aşıq Əhmədin sənət yolu işıqlandırılır.
Tədqiqatın «Aşıq Əhmədin poeziyası» adlanan ikinci fəs-
lində sənətkarın nəşr olunmuş və olunmamış şeirləri üzərində
aparılan müşahidələr onun sənətkar kimi formalaşmasında folk-
lor və yazılı ədəbiyyat qaynaqlarının rolunu təsdiqlədiyindən
Nəsimi, Xətai, Vaqif, Sabir, Seyid Əzim ənənələrinin, Qurbani,
Abbas Tufarqanlı, Xəstə Qasım, Aşıq Alı, Aşıq Ələsgər, Aşıq
Mirzə Bilal örnəklərinin təsir dairəsi və imkanları da təhlil kon-
tekstinə cəlb olunmuşdur. Aşıq öz dövrünün ədəbi-mədəni çev-
rəsində fəaliyyət göstərdiyindən onun müasiri olmuş aşıqlarla
sənət əlaqələri də araşdırmada öz əksini tapmışdır. Aşıq Əhmə-
din lirik və epik yaradıcılığının şeir fondu araşdırlaraq ictimai-
siyasi və etik-estetik motivlərin aktiv məqamları müəyyənləşdi-
rilir, sənətkar və zaman problemi diqqətdə saxlanaraq «şeirlərin
mövzu əhatəsi» dəqiqləşdirilir. Aşığın mövzu əhatəsinə görə
zəngin poetik sənət nümunələri ideya-estetik keyfıyyətləri, əx-
— 14 —
laqi-etik xüsusiyyətləri, yüksək arzu və amalları təbliğ etməsi
baxımından sənət təravətini əbədi olaraq itirməyən milli-mə-
nəvi irs kimi dəyərləndirilir. Sənətkarın şeirlərinin janr səciy-
yəsi geniş təhlil olunur; xalq şeiri və divan şeirinin çeşidli qə-
liblərindən istifadə edən sənətkarın irsinin janr spesifikası və
poetik özünəməxsusluğu müəyyənləşdirilir.
Monoqrafiyanın «Aşıq Əhmədin dastan yaradıcılığı» adla-
nan üçüncü fəslində isə aşığın arxivində saxlanan dastan mətn-
ləri təhlil olunmuşdur. Burada sənətkarın özündən alınan məlu-
matlara əsasən onun dastan repertuarı müəyyənləşdirilir, klas-
sik dastanların ifa özəllikləri və dastan yaradıcılığı məsələləri
şərh olunur. Aşıq Əhmədin Şirvan mühitindən məşhur olan
başqa aşıqların da repertuarında aktiv şəkildə işlənən dastanları,
«Kitabi-Dədə Qorqud», «Oğuz Xaqan», «Koroğlu» kimi qəhrə-
manlıq dastanları və orta çağ Azərbaycan xalq dastanları (tə-
səvvüfi dastanlar) ilə müqayisə olunur, oğuz-türk epik ənənəsi-
nin XX əsr dastan reallığı aydınlaşdırılır. El sənətkarının das-
tanları tipinə, strukturuna, məzmununa və mövzusuna görə çe-
şidli aspektlərdən elmi prinsiplərə əsasən təsnif edilir.
Əsərdə eyni zamanda aşığın klassik saz havalarının ifa
özəllikləri və Şirvan aşıq mühiti üçün xarakterik cəhətləri fərdi
sənətkarlıq xüsusiyyətlərinə, toy mərasimində aşığın iştirakının
bəzi spesifık məqamlarına aydınlıq gətirilir. Bununla Şirvan
aşıq fenomeni haqqında elmi təsəvvürlər genişləndirilir.