99
yayda bağda mənə ərəb əlifbasını öyrətmişdi. Bir azdan
məni çağırıb dedilər ki, heç bir şey qalmayıb. Bununla
qurtardı. Amma mən isə ümidimi üzmədim. «Telli saz»la
«Şəhla» evdən çıxıb. Tamaşaya qoymaq istəyirdilər. Nə
isə yarımçıq qalıb. Yeganə «Xəyyam»ı İrəvan teatrından
Şahzavallı adlı bir aktyor var idi, o mənə verib. Yoxsa
«Xəyyam» itmişdi, çap olunmamışdı. Axı «Xəyyam» əsə-
rini 1935-ci ildə Şura hökumətinin qurulmasının 15-ci il-
dönümü münasibətilə müsabiqəyə verib, əsər üçüncü mü-
kafatı alıb. Həmin o mükafat alınan əsər kimi tamaşaya
qoyulmalıydı, amma yarımçıq qaldı.”
“Xəyyam” əsərinin 35 ildən sonra tapılıb bərpa olunma-
sı xoşbəxt bir presedent kimi Cavidin başqa itmiş əsərləri-
nin də tapılmasına həm Turan Caviddə, həm də çağdaş
cavidşünaslıqda zəif də olsa, bir ümid qığılcımı doğurur.
Ancaq kommunist rejiminin alovları da bu əsərlərdən əsər-
əlamət qoymamaq üçün çox güclü idi və nə qədər ağır da
olsa, Heydər Əliyev bu acı xəbəri Turan Cavidə - Hüseyn
Cavidin kişi qızına çatdırmağı özünə borc bilir. Təsəllisi
də o olur ki, Cavidin axı başqa əsərləri qalır və doğma xal-
qına, dövlətinə xidmətini davam etdirir. Xüsusən “Xəy-
yam” pyesini yüksək qiymətləndirən Heydər Əliyev əsər
barədə bəlkə də yaxşı bildiyi bir sıra tarixi məlumatları da
100
sanki Turan xanımın öz dilindən eşitmək istəyir:
“Heydər Əliyev: Demək, «Xəyyam» o illərdə (1930-cu
illərin ortalarını nəzərdə tutur – G.B.) tamaşaya qoyulma-
yıb?
Turan Cavid: Azərbaycan teatrında yeganə əsəridir ki,
yazılması 1935-ci ildi, tamaşaya qoyulması 1970. 35 il ke-
çib arasından.
Heydər Əliyev: Bu tamaşa Mehdi Məmmədovun quru-
luşunda qoyulub.
Turan Cavid: Yeganə onun quruluşunda qoyulub. Gö-
zəl bir tamaşa idi.
Heydər Əliyev: Mən o tamaşaya baxmışam. Amma
mən elə bilirdim əvvəllər tamaşaya qoyulub. Demək, ilk
dəfə qoyulubmuş.
Turan Cavid: İlk dəfə Mehdi Məmmədov qoyub. O il-
lərdə çap da olunmamışdı. Bir nəfər üzünü köçürüb. Öz
xətti də deyildi. Sübut üçün mükafat alandan sonra qəzetdə
parçalar verilmişdi, onlar tutuşduruldu. Bir əsər bax belə
tapıldı.”
Deyirlər, ümid ən sonda ölür. Turan xanım da ilahi bir
qüvvəyə malik şəxsiyyət saydığı, yenilməz bir qüvvə kimi
güvəndiyi Ulu Öndərin hüzurunda ümidini dilə gətirməklə
sanki bir möcüzə gözləyir, yaxın adamının ölümünə inan-
101
mayan bir insan kimi inad göstərməkdə davam edir:
“Fikirləşirəm ki, bəlkə, o biri əsərlər də belə tapıla bilər.
Təhlükəsizlik Nazirliyində qapalı yerlər ola bilsin ki, var.
Heydər Əliyev: Elə bir yer yoxdur.
Turan Cavid: Amma Siz bir dəfə yadımdadır ki, çıxışı-
nızda dediniz ki, təzə gələndə işçilərdən biri deyib ki, o
həyətdə Cavidin bütün əsərlərini yandırıblar.
Heydər Əliyev: Elədir. Mən təzə gəlmişdim Moskva-
dan, işləyirdim. Və mənə məlumat verdilər ki, Cavidin
əsərlərini və Salman Mümtazın kitablarını qutulara töküb
yandırmışdılar. Bu iş ilə məşğul olanlar, əsasən, ermənilər
imiş. İndi Allaha şükür ki, qalan əsərləri də var.”
Bu da maraq doğurur ki, təxminən eyni yaşda olmaları-
na baxmayaraq, Turan Cavid Heydər Əliyevə bir ata kimi
yanaşır, ata əvəzi, Cavid əvəzi kimi baxır, istər dərdini,
istərsə də sevincini səmimi bir ərklə onunla bölüşməkdən
həzz alır, doğma bir insan kimi ona güvənir. Cavid əsərlə-
rinin ilk örnəklərinin ədibin özünün yazdığı kimi, imlasına
və üslubuna toxunmadan, əlyazmasında olduğu kimi çap
edilməsi Turan xanımı nə qədər sevindirirsə, bu məlumatı
Ulu Öndərə verməsi və həmin kitabı hədiyyə etməsi Cavid
qızının sevincini on qat artırır. Gəlin, bu sevinci onun öz
dilindən duyaq:
102
“Turan Cavid: İndi mən sizə bir kitab təqdim eləyə-
cəm. Çox sevindim, nəhayət ki, Cavidin öz qələmindən çı-
xan bir tərzdə onun əsərləri nəşr olundu, mən özüm işlə-
dim. O üç əsəri «Turan» adlı nəşriyyat buraxıb. Burada
«Bahar şəbnəmləri»ndəki şeirlər, «İblis» və «Peyğəmbər»
pyesləri necə yazmışdısa elə verilib.”
Hüseyn Cavidin de yure və de-fakto reabiltasiyası, onun
cismən vətənə dönməsi də söhbətin aparıcı motivləri sıra-
sında olmalı idi və sonrakı dialoqdan bunun elə belə də
olduğunu görürük:
“Turan Cavid: Elə şeylər var ki, danışmaq da artıqdır.
Bilirsiz, bu, çox yüksək bir işdir. Xatırlayıram rəhmətlik
Mirvari Dilbazinin şeirini: «Sağ olsun Cavidi vətənə gəti-
rən oğul» deyir. Görünür ki, Allah insanları yer üzünə
göndərəndə hər kəsi öz missiyasına görə göndərir. Kimsə
nə isə eləməlidir.
Bu adam bu işi görməlidir. Məndə, həqiqətən, bir inam
var ki, bir işi başlayan adam mütləq onu sona çatdırmalı-
dır. Məsələn, bəziləri deyirdilər ki, buranın alınması müm-
kün deyil. Deyirəm mümkün olmayan şey həyatda yoxdur.
O, bir ölümdür ki, insanlar acizdir. Qalan hər bir şey insan
iradəsindən, insan qeyrətindən asılıdır. İnsanlar hər işi gə-
rək ürəynən etsinlər. Əlbəttə, buranı mən özüm üçün elə-