87
mübaliğə yoxdur.
Təbii ki, Heydər Əliyevlə Turan Cavidin söhbətinin
əsas mövzusu dahi Hüseyn Cavid olmuşdur və onlar söh-
bətin ayrı-ayrı məqamlarında yenə də sözü bu dahi şəxsiy-
yətin üzərinə gətirmişlər. Heydər Əliyevin cavidlər qar-
şısında ən böyük xidmətlərindən biri də Hüseyn Cavidin
cənazəsinin uzaq Sibirdən gətirilməsi olmuşdur və təbii ki,
söhbət bura çatanda hər iki müsahib qürur və minnətdarlıq
duyğularını gizləyə bilməmişdilər. Yenə də müsahibəyə
qayıdaq:
“Turan Cavid: Muzeyimizin guşələrinin birində Hü-
seyn Cavidin cənazəsinin İrkutskdan çıxarılarkən çəkilmiş
fotoşəkillər nümayiş olunur.
Heydər Əliyev: Bu qərarı biz imzalamışdıq.
Turan Cavid: Bəli. 1982-ci il oktyabrın 21-də Sibirdə
onun qəbrini tapıb, 100 yaşına görə 100 atəş açırlar və cə-
nazəni çıxarırlar. Əlbəttə, Siz də çox müdrik qərar verdiniz
ki, cənazə əvvəl Şirvanşahlara gətirilsin. Sonra da bu bina-
da qoyulub, buradan Naxçıvana aparılsın.
Heydər Əliyev: İndi 20 il vaxt keçir üstündən. Xatır-
layırıq Şirvanşahlar sarayına gətirilməsini.”
Cavidin Sibirdən gətirilməsi mövzusunda söz-sözü çə-
kir və bu iki böyük nəsil şəcərəsi arasında daha yeni, ma-
88
raqlı bağlantılar üzə çıxır. Bunlardan biri də, əlbəttə, Hü-
seyn Cavidin böyük qardaşı Şeyx Məhəmmədin vaxtilə or-
ta məktəbdə Heydər Əliyevin müəllimi olması faktıdır.
Turan xanım əmisinin adını çəkəndə Ulu Öndər bildirir ki,
Şeyx Məhəmməd ona Azərbaycan dili və ədəbiyyatdan
dərs deyib:
“Turan Cavid: Siz təsəvvür eləyin ki, biz çıxdıq aero-
portdan. Maşında Zakir Bağırov idi, Məmməd Cəfər idi,
Abbas Zamanov, bir də mən. İndi maşınla gəlirik, mən də
bilmirəm hara gedəcəyik. Gəldik-gəldik Qız Qalasını da
keçdik. Çox yaxşı bir iş gördülər ki, Qız Qalasına Bakı So-
veti tərəfdən yox, fırlandılar bu evin qarşısından keçdilər.
Onda mən başa düşdüm ki, Şirvanşahlara gedirik. Amma
yol o tərəfdən qısadır. Dedim, Zakir müəllim, bilərəkdən
bu evin qarşısından keçdiniz? Dedi hə. Qoy birinci evinin
qapısından keçsin və noyabrın 1-nə qədər Şirvanşahlarda
saxladılar. Noyabrın 2-də bura – Əlyazmalar İnstitutuna
gətirdilər. Burda da bir gecə zalda qaldı. Bir gecə də
Naxçıvanda gənclik illərində yaşadığı evində qaldı. Hansı
ki, o evdə sonralar böyük qardaşı Şeyx Məhəmməd yaşa-
mışdır.
Heydər Əliyev: Bəli, mən onu tanıyıram, müəllimim
olub.”
89
Ulu Öndərin hüzurunda sanki bir növ ürəklənən, ilham-
lanan Turan Cavid atasının həyat və yaradıcılığı haqqında
qiymətli tarixi-ədəbi informasiyanı dilə gətirmişdir. Bunun
özü də dolayısı yolla Heydər Əliyevin Hüseyn Cavid irsi-
nə və şəxsiyyətinə böyük məhəbbətinin sübutu kimi nəzərə
çarpır. Belə bir böyük məhəbbət olmasaydı, dövlət başçısı
ilə ziyalı xanım arasında da bu cür səmimi ürək söhbəti
baş tutmazdı. Heydər Əliyevlə dialoqundan necə deyərlər,
“balü pəri açılan”, çoxdan arzuladığı əziz bir adamını gör-
müş kimi qol-qanad açan Turan xanım Hüseyn Cavid haq-
qında cavidşünaslıq üçün böyük önəm daşıyan informa-
siyanı ortaya qoymuşdur:
“Turan Cavid: Bəli. Bilirəm. Babam o evdə az yaşa-
yıb, gənclik illərini yaşayıb orda. Sonra İstanbula getdi,
qayıdandan sonra isə Bakı-Tiflis-Gəncə. Mən həmişə deyi-
rəm ki, sonda həqiqət yerini alır. Başqa cür qeyri-müm-
kündür. Əgər haqlıdırsa, bir adam haqqını alacaq. Ürək ağ-
rıdan bir hal odur ki, ordan - sürgündən bizə məktub gön-
dərirdi, nə istədiyi bizə məlum olmurdu, çünki məktubun
yarısını əl ilə kəsib götürürdülər, bu vəziyyətdə bizə gəlib
çıxırdı (yarımçıq məktublardan Prezidentə göstərir), burda
yazdıqları rus dilində, ordan yazdıqları ərəb əlifbası ilə idi.
Həbs olunan gecəsində tərtib olunan axtarış protokolunda
90
yazılıb ki, bir zənbil əlyazısı aparılıb. Bir-bir yazılmayıb.
Axtarışa gələnlər azərbaycanlı deyildilər, rus idilər. Onlar
necə biləcəkdilər ki, orda yazılanlar nədir və eləcə də 115
kitab, 23 fotoşəkil. Halbuki belə olmamalıdır. O, bir-bir
yazılmalıdır. Onlar oxuya bilmirdilər. Heç olmasa hərəsin-
dən bir nüsxə saxlanılsaydı. «Atilla», «İblisin ilhamı»,
«Çingiz», «Şəhla», «Telli saz» aparılan əsərlərdəndir.
Heydər Əliyev: Onlar indi yoxdur?
Turan Cavid: Xeyr, yoxdur. Özü də hamısı tarixi əsər-
lərdir. «Xəyyam»dan sonra yazılıb. Hamısı makina çapı
şəklindəymiş.”
Deyirlər, əlyazmalar yanmır. Ancaq nə yazıq ki, Turan
xanımın adlarını çəkdiyi bu qiymətli Cavid əlyazmaları
kommunizmin KQB tonqallarında bir daha geri dönmə-
mək üçün yandırılaraq yoxa çıxıblar və maraqlıdır ki, bu
faktın özünü də böyük ürək ağrısı ilə Heydər Əliyev etiraf
etməli olur. Turan Cavid atasının həbsindən və sürgünün-
dən sonra da onun əleyhinə çıxışların olduğunu, böyük şai-
rə müxtəlif uydurma damğaların vurulduğunu deyəndə,
Heydər Əliyev özünəməxsus müdrikliklə aşağıdakı cavabı
verir:
“Heydər Əliyev: (İstehza ilə) Alman-yapon ştampını
vurublar. Onda da yapon təzə çıxmışdı.”