182
ayrı qurşaqlarında eroziya kəmiyyətinin fərqi qabarıq yamaclara nisbətən
çox azdır.
Mürəkkəb yamaclar yuxarıda adlarını çəkdiyimiz yamacların
müxtəlif kombinasiyasından təşkil olunur. Ona görə də bu yamacların
ayrı-ayrı qabarıq, batıq və düz hissələrində torpaq eroziyası özünə xas
tərzdə inkişaf edir.
Eroziya və torpağın yuyulmasına yamacların səmti də çox təsir
göstərir. Səmtdən asılı olaraq yamacların istilik və işıqlanma rejimi
dəyişir. Bu da öz növbəsində torpağın temperaturunu, rütubətliyini,
küləklərin istiqamət və rejimini tənzimləyir. Bütün bunlar da yamacların
quraqlıq dərəcəsinə, qışda qar toplanmasına və torpağın donması və
donunun açılması proseslərinə təsir göstərir.
Kənd təsərrüfatı istehsalatı üçün mikrorelyef formalarının öyrə-
nilməsi də zəruridir. Mikrorelyef formaları tutduqları sahədə rütubət və
istiliyi tənzimləyir, torpaqəmələgətirmə proseslərinə təsir göstərir.
Bununla belə, mikrorelyef kənd təsərrüfatı bitkiləri üçün əlverişli və ya
qeyri-əlverişli şərait yaradır.
Mikrorelyefin kənd təsərrüfatı bitkilərinə təsiri günəş radiasiyasının
və rütubətin çatışmadığı düzənliklərdə daha qabarıq gözə çarpır. Səthin
quruluşunda az da olsa qeyri-bərabərlik mülayim və rütubətli ekvatorial
qurşaqlarda bataqlıqlaşmaya, səhra, yarım səhra və quru çöllərdə
şoranlaşmaya səbəb olur. Təsadüfi deyildir ki, düzənlik ərazidə kənd
təsərrüfatı ilə əlaqədar olaraq bütün planlaşdırma, meliorasiya və
irriqasiya tədbirləri əvvəlcədən aparılmış mühəndis-geoloji, geomorfoloji,
landşaft tədqiqatları və tərtib olunmuş irimiqyaslı müvafiq xəritələrin
əsasında aparılır.
Relyef, yerli iqlim şəraiti, torpaq-bitki örtüyü və insanın kənd
təsərrüfatı fəaliyyəti qarşılıqlı əlaqədə olaraq ekzogen proseslərin
xarakterini, dinamikasını və intensivliyini müəyyən edir. Həmin
proseslərin bir qismi (eol, eroziya) özünü fəal büruzə verir ki, bu da
relyefin, torpaq və bitki örtüyünün, tarla, bağ və pplantasiyaların normal
inkişafına mənfi təsir göstərir. Relyefəmələgətirici proseslərin başqa bir
qismi (bataqlıqlaşma, şoranlaşma, və s.) passiv inkişaf etsə də torpaq
ehtiyatlarının sıradan çıxmasına, torpaqların keyfiyyətinin dəyişməsinə və
məhsuldarlığın aşağı düşməsinə səbəb olur.
Bu göstərilən proseslərin kənd təsərrüfatına vurduğu ziyanın qarşısını
183
almaq üçün eroziya və eol proseslərinin inkişaf etdiyi sahələrdə relyefin
dinamikasını stabil vəziyyətdə saxlayan tədbirlər görülməli, təbii bitki
örtüyünü zənginləşdirməli, eroziyanın inkişaf etdiyi sahələrdə yarğan və
qobuların kənarlarında, yamaclarda ağac və kol bitkiləri əkilməli,
yamaclar terraslaşdırılmalı və hərəkətdə olan qum tirələrini və təpələri
bərkitmək üçün tədbirlər görülməlidir.
Bataqlıqlaşma və şoranlaşma proseslərinin qarşısını almaq və ya
onların inkişafını məhdudlaşdırmaq üçün ən səmərəli tədbir drenaj
şəbəkəsinin çəkilməsidir.
Yuxarıda qeyd edildiyi kimi, ərazinin kənd təsərrüfatına yararlığı
cəhətdən qiymətləndirilməsində və ayrı-ayrı kənd təsərrüfatı sahələrinin
yerləşdirilməsində relyef mühüm rol oynayır. Məsələn, dəmyə dənli
bitkilərinin yerləşdirilməsi üçün relyefin parçalanma xüsusiyyətini və
parçalanma dərəcəsini, meylliyi nəzərə almaq lazım gəlir. Bu, taxıl
zəmilərinin böyüklüyünü müəyyənləşdirir, kənd təsərrüfatı maşınlarından
səmərəli istifadə edilməsini təmin edir. Suvarılan taxılçılıq
təsərrüfatlarında relyefin meylliyinin və səthin hamarlıq dərəcəsinin
nəzərə alınması zəruri şərtlərdəndir. Tarlalar üçün elə sahələr seçilməlidir
ki, orada relyef eroziya və şoranlaşma proseslərinin inkişaf etməsinə
imkan verməsin. Meylliyin çox olduğu və səthin hamar olmadığı sahələr
biçənəklər və otlaqlar kimi istifadə edilməlidir. Bu cür sahələr bağçılıq və
üzümçülükdə də istifadə edilə bilər. Belə yanaşmalarla eroziyanın
qarşısını xeyli almaq olar.
Qoyunçuluğun intensiv inkişaf etdiyi ərazilərdə təsərrüfatların
yerləşdirilməsində də başlıca olaraq relyefin xüsusiyyəti nəzərə alınır. Bu,
ilk növbədə otlaqların keyfiyyətini, təbii bitki örtüyünün zənginliyini
müəyyən edir. İqlimi quru keçən vilayətlərdə isə relyef sürüləri suvarmaq
üçün istifadə edilən su mənbələrinin kəmiyyət və keyfiyyətini, günün
qızmar saatlarında qoyunların dincəlmə yerlərini və suvarma mənbələri
ətrafında örüşlərin böyüklüyünü müəyyənləşdirir.
Azərbaycan şəraitində dəmyə əkinçilik relyef və rütubətlənmə şəraiti
ilə əlaqədar olaraq, əsasən 350-500 m-dən 1000-1200 m-ə qədər
yüksəklik qurşağında yerləşmişdir. Lakin relyefin oroqrafik
xüsusiyyətləri, onun parçalanma dərəcəsi və yamacların səmti ilə əlaqədar
olaraq dəmyə əkinçilik qurşağı bəzən 1500-1600 m. yüksəkliklərə qədər
qalxır. Bəzi kənd təsərrüfatı bitkiləri (kartof, çovdar və s.) daha
184
yüksəkliklərdə, bu bitkilər üçün əlverişli istilik rejimi (başlıca olaraq
vegetasiya dövründə) mövcud olan cənub səmtli yamaclarda, geniş dərə
və çökəkliklərdə də əkilə bilər.
Yüksəkliyə və yamacların səmtinə görə temperatur və rütubətlənmə
rejiminin, ekzogen proseslərin xarakter və dinamikasının dəyişməsi əkin
sahələrinin yerləşdirilməsində
nəzərə alınmalıdır. Tarlaların
formalaşdırılması zamanı çalışmaq lazımdır ki, onların əkin sahəsi
eynisəmtli yamacda, müəyyən yüksəklik hüdudlarında yerləşdirilsin ki,
bitkinin vegetasiyası və yetişməsi bərabər şəraitdə getsin.
Sahələrin şumlanması yamacların meylliyinə köndələn istiqamətdə
elə aparılmalıdır ki, torpağın yuyulması özünün minimum həddinə ensin
və vaxt keçdikcə yamaclar terraslaşdırılsın. Terraslaşdırılmış səviyyələr
arasında dar zolaqlar saxlanmalı və orada ağac və kol bitkiləri əkilməlidir.
Bu, yamacların uzunluğunu azaldır və səthi eroziyanı zəiflədir.
Azərbaycanın Kiçik Qafqaz hissəsində əkinçiliyin ən qədim dövrlərindən
yadigar qalmış terraslaşmış yamaclara tez-tez rast gəlmək olur.
Aparılan müşahidələr göstərmişdir ki, yamacların bu cür əkilməsi
torpağın yuyulmasını 4-6 və hətta 12 dəfə azaldır.
Göründüyü kimi, kənd təsərrüfatı sahələrini planlaşdırmaq və
yerləşdirmək üçün relyefi bilmək çox vacibdir. Lakin onu da nəzərə
almaq lazımdır ki, relyefin bu və ya digər xüsusiyyətləri, onun kənd
təsərrüfatına təsiri ərazinin yerləşdiyi iqlim qurşaqlarından, dağlıq
ölkələrdə isə yüksəklikdən və relyefin xarakterindən asılı olaraq müəyyən
edilir.
Kənd təsərrüfatı üçün tərtib edilən geomorfoloji xəritələrdə relyefin
kənd təsərrüfatı sahələrinin yerləşdirilməsi üçün vacib xüsusiyyətlərinin
əks etdirilməsi ilə yanaşı, relyefin iqlim, səth suları, torpaq və bitki örtüyü
ilə əlaqəsi də göstərilməlidir. Xəritələrdə relyefin o elementləri əks
etdirilməlidir ki, onların öyrənilməsi və təhlili əsasında torpaqların
yerləşməsi qanunauyğunluqları, qar örtüyü, torpaqların rütubət rejimi,
səthi axım, torpaqların yuyulması, mikroiqlim və s. haqqında fikir
yürütmək mümkün olsun.
Suyun çatışmadığı arid iqlimli vilayətlərdə kənd təsərrüfatında birinci
dərəcəli məsələ irriqasiya və meliorasiya tədbirləridir. Su anbarlarının
tikilməsi, suvarma kanalları şəbəkəsinin, yerüstü və yeraltı kollektorların
çəkilməsi, tarlaların suvarılması, şoran torpaqarın yuyulması relyefin və
Dostları ilə paylaş: |