188
komponentlərindən maddələrin ayrılması heç
də o demək deyildir ki,
ümumiyyətlə planetdən maddə yoxa çıxır. Burada söhbət yalnız konkret
landşaftda maddə itkisindən söhbət gedir. Maddələrin çıxarılması burada
bir sıra səbəblərdən baş verir. Maddənin müəyyən miqdarı vegetasiya
dövründə meyvələrdə, toxumlarda, yaşıl kütlədə toplanır. Meyvələrin,
giləmeyvələrin, toxumların yığımı yem tədarükündə, oduncaq
tədarükündə, ov, balıqtutma zamanı maddə istehlak yerinə daşındığından,
bu landşaftdan yoxa çıxır. Və yaxud da digər bir misal: torpaq
eroziyasının inkişaf etdiyi yerlərdə torpağın münbit qatındakı maddələrin
bir qismi yerini dəyişir və landşaft maddələr itkisi ilə üzləşir.
Landşaft elementlərində maddələrin toplanması süni və ya təbii
yollarla digər sahələrdən maddələrin gətirilməsi ilə baş verir. Maddələrin
toplanması aşağıdakı səbəblərdən ola bilər:
mineral və üzvü gübrələrin
verilməsi ilə; pestisidlərin tətbiqi ilə; qrunt sularının qalxması ilə;
torpaqların suvarılması ilə;, küləklə, yeraltı və yerüstü sularla maddələrin
gətirilməsi ilə və s. Landşaftın destruksiyası (pozulması, quruluşunun
dağılması) genezisin mürəkkəb nəticələrindən hesab edilir. Landşaftın
quruluşunun pozulması ətraf mühitin kökündən dəyişməsi və ya intensiv
texnogen təsir nəticəsində baş verir. Belə şəraitlərdə adətən landşaftın
azdayanıqlı elementləri şəraitə uyğunlaşır, dayanıqlı elementləri isə
sadəcə dağılır. Bunlar isə son nəticədə yeni strukturun formalaşmasına
səbəb olur. Landşaftın destruksiyasında eyni zamanda həm maddə itkisi,
həm də maddələrin toplanması baş verir.
Baş verən proseslər landşaftın ayrı-ayrı xüsusiyyətlərini sistemin
tolerantlıq çərçivəsindən kənara çıxarır.
Bu zaman biosenozun və bütün
digər faktorların strukturunu müəyyənləşdirən minimal şəraitlərin
kəmiyyətləri dəyişir. Landşaftın yenidən təşkili zamanı zonallıq
müddəasının tələblərinin pozulması baş verir.
Landşaftın davamlığı, başqa sözlə onun yetkinliyi torpaqlardan
təsərrüfat məqsədləri üçün istifadədə əlverişli mərhələ sayılır. Landşaftın
yaranması və dağıntısı-gözlənilməz nəticələr (torpaq eroziyası, subasma
və s.) meydana çıxarır. Ona görə də, torpaqların istehsalat məqsədləri
üçün istifadəsi baxımından, yetkin və dağılan landşaftların
stabilləşdirilməsi üçün şəraitlərin yaradılması zəruridir. Yaranmaqda olan
landşaftlar üçün onların yetkinliyi və stabilləşməsini sürətləndirən
tədbirlər nəzərdə tutmaq lazımdır.
189
Torpaqların rekreasiya məqsədləri üçün istifadəsi
nöqteyi-nəzərdən
landşaftların destruksiyası mərhələsi daha əlverişlidir.
Belə ki, yetkin landşaft insanların istirahəti və digər məşğuliyyətləri
üçün lazım olan görüntüləri yarada bilmir. Destruksiya mərhələsində
landşaftlarda dəyişikliklər baş verir, onların müxtəliflikləri güclənir,
landşaft kiçik ekosistemlərə bölünür ki, bütün bunlar da öz növbəsində
insanın müxtəlif tələbatlarını ödəyir. Belə ki,
istehsalat nöqteyi-nəzərdən
əlverişli olmayan dəyişiklik (layların, karxanaların əmələ gəlməsi) düzən,
aran yerlərdə cəlbedici rekreasiya sahələrinin yaranmasına səbəb olur.
Landşaftın destruksiyası-obyektiv hadisə olub, planetin ekosistemlərinin
ümumi genezisi ilə, habelə daxili səbəblərdən əmələ gəlir. Beləliklə,
landşaftların destruksiyası insanın landşaftlara təsiri və onların təbii
inkişaf prosesində yaranan təbii hadisələrdir.
Yerin xüsusiyyətlərinin öyrənilməsi torpaqlardan səmərəli istifadənin
vacib şərtlərindəndir. Bu bilik torpaqlardan, habelə digər təbii
resurslardan tam, dolğun
istifadə edilməsi, təbiətin mühafizəsi,
istehsalatın və rekreasiyanın səmərəliliyinin artırılması üçün elmi zəmin
yaradır.
190
FƏSİL V.
AZƏRBAYCANDA YERQURULUŞU SİSTEMİ
5.1. Azərbaycanda torpaqlardan istifadəyə və onların
mühafizəsinə nəzarət edən dövlət orqanları
Torpaq ehtiyatlarının dövlət tərəfindən idarə edilməsi-dövlətin torpaq
siyasətinin həyata keçirilməsində müxtəlif subyektlərin fəaliyyətini
istiqamətləndirən, torpaq münasibətlərinin tarixi inkişafı prosesində nail
olunmuş dəyərlərin, norma və ənənələrin qorunub saxlanılmasına
yönəldilmiş ictimai həyatı tənzimləyən özünəməxsus və kifayət qədər
mürəkkəb mexanizmdir.
Dövlətin torpaq siyasətini və torpaq ehtiyatlarının dövlət tərəfindən
idarə edilməsini bir medalın iki üzü kimi təsvir etmək olar.
Burada
“siyasət” anlayışı altında qərarların qəbul edilməsi ilə bağlı fəaliyyət,
“idarəetmə” ifadəsi altında isə onların həyata keçirilməsi başa düşülür.
Nəinki müxtəlif inzibati sistemlər, hətta müxtəlif siyasi mə-
dəniyyətlər belə müxtəlif idarəetmə qərarlarının qəbul edilməsini tələb
edir. Şübhəsizdir ki, Azərbaycan Respublikasında torpaq ehtiyatlarının
dövlət tərəfindən idarə edilməsi kursu müəyyən edilən zaman digər
ölkələrdə həyata keçirilən bütün yeni ideya və eksperimentlər haqqında
məlumata malik olmaq zəruridir. Bu bilik təqlidçilik üçün deyil, uğurlu
praktikanın konkret şəraitə uyğunlaşdırılması üçün əsas olmalıdır.
Sivil mülki cəmiyyətdə torpaq ehtiyatlarının
dövlət tərəfindən idarə
edilməsi cinsindən, yaşından, milli mənsubiyyətindən asılı olmayaraq
insanlara ləyaqətli həyat şəraiti yaratmağa, meydana çıxan ziddiyyətləri
sosial qrupların xeyrinə həll etməyə və sosial həyatın bütün sahələrində
mütərəqqi dəyişiklikləri təmin etməyə yönəldilir.
Torpaq ehtiyatlarının dövlət tərəfindən idarə edilməsi nəzəriyyəsi
dinamik inkişaf edən sahələrdən biri olmaqla elmi biliklərin
beynəlmiləlləşdirilməsi və uğurlu idarəetmə təcrübəsinin ümumiləş-
dirilməsi hesabına daima zənginləşir.
Xarici təcrübənin ümumiləşdi-
rilməsi, torpaq ehtiyatlarının dövlət tərəfindən idarə edilməsi
nəzəriyyəsinin mənimsənilməsi, ən yeni konsepsiyaların və idarəçilik
paradiqmalarının öyrənilməsi və dərk edilməsi müəyyən şəraitdə
praktikada səmərəli həyata keçirilə biləcək idarəçilik potensialının