Milli Kitabxana
125
—Bu yazıq quşcuğazı niyə vurmusan? Gör necə də
balacadır. Heç ona qıymaq olar?
—Onun canını da almaq olar! — deyə oğlan hirslə
qışqırdı. —Yaltaq! Kranın qulağına nə deyirsənsə, sənə bulaq
suyu verir, amma mənə lilli su.
Bu sözləri deyəndən sonra oğlan vedrəsinə baxdı və
yalnız indi başa düşdü ki, vedrəsi palçıqla doludur. Sonra
Aytənin vedrəsinə baxdı. İlahi, bu nə idi belə. Onun vedrəsi
ağzına kimi qızıl gül suyu ilə dolmuşdu. Arılar növbə ilə suyun
dadına baxıb sonra qızın saçlarına qonurdular. Aytən isə heç
kirpiklərini də qırpmırdı. Oğlan qorxudan əvvəl gözlərini
yumdu. O, arının nə demək olduğunu əla başa düşürdü. Bir
dəfə pətəklərinə çöp uzatdığına görə arılar onu düz alnından
vurmuşdular. Onun gözləri necə şişmişdisə bir həftə ağrıdı.
İndi arıların Aytənin dövrəsində sakitcə hərlənməyi ona
qəribə göründü.
—Bura bax, Nazim, apar o sərçəni yuvasına qoy!
—Sən gəl mənə ağıl öyrətmə. Gör nə qədər ağılsızsan
ki, arılar da səni vurmur.
—Arı ağılsızı vurur.
—Sən mənə ağılsız deyirsən? — deyə Nazim Aytənin
üstünə yeridi, quşatanın rezinini onun başına vurdu. Bütün
əhvalatlar da elə bu zaman baş verdi. Bayaqdan sakitcə
dayanan arılar da birdən vızıldamağa başladılar. Onlardan biri
düz Nazimin saçından yapışdı. Nazim onu qovmaq istəyəndə
balaca bir arı onun əlindən yüngül bir dişdəm aldı. Bundan
sonra nələr baş verdiyini bilən olmadı. Çünki Nazim vedrəsini
və quşatanını qoyub qaçmağa başladı. Amma arılar Nazimdən
əl çəkmək istəmirdilər. Aytənin hayıfını almamış hara
qayıdırdılar?!
Nazim qaçıb özünü birtəhər evlərinə çatdırdı və qapını
bərk-bərk bağladı.
Milli Kitabxana
126
—Sənə nə olub? — nənəsi həyəcanla soruşdu. — Elə
bil dalınca bir qoşun gəlir.
—Qoşun gəlsəydi bu qədər qorxmazdım. Arılar gəlir,
içəri girsələr axırıma çıxacaqlar.
—Sən onlara neyləmisən ki? — nənəsi xəbər aldı, —
yoxsa yenə yuvalarına çöp uzatmısan?
Aytən vedrəsini götürüb evlərinə getməyə başladı.
Arılar onun ətrafında uçuşurdu. Balaca bir arı onun ağ və
toppuş əllərini zanbaq çiçəyinə oxşatmışdı və buna görə də tez-
tez qızın əlinin üstünə qonurdu. Aytən də gözaltı bu balaca
səfehə baxıb deyirdi:
—Bura bax, birdən elə bilərsən ki, çiçəkdi, dişləyərsən
ha.
Balaca arı iynəsini çıxardıb qızın əlinin üstünü qıdıqladı
və onun çiçək olmadığını başa düşüb uçdu.
Bu zaman Nazim pəncərə pərdəsini aralayıb baxırdı.
Ürəyində Aytənin bu qədər cəsarətli olduğuna qibtə etdi.
Amma bir şeyə təəccüblənirdi ki, nə üçün arılar bu özündənrazı
qızı vurmur. "Siz bir onun yerişinə baxın. Özünü elə dartır ki,
elə bil qaz yeriyir. Arılar olmasaydı bu saat ona göstərərdim."
Nazim düşünürdü.
Bir azdan Aytən vedrəsini boşaldıb qayıdırdı. Nazim də
eləcə pəncərə pərdəsinin arxasında qalmışdı. Arıların
qorxusundan pərdəni aralaya bilmirdi. Nazim gördü ki, arılar
yoxdu və Aytən vedrəsini yellədə-yellədə tək gedir. Əvvəl
istədi ki, düşüb bayaqkının hayıfını alsın. Sonra fikirləşdi ki,
birdən arılar özünü yetirər. Pərdəni aralayıb yalvarıcı səslə
dedi:
—Aytən, mənim də vedrəmi gətir də, nə olar?
Aytən pəncərəyə boylananda uğunub getdi. Nazim
bədənini pərdənin arxasında bərk-bərk gizlətmişdi. Təkcə
gözləri qaralırdı.
—Özün düşüb götürə bilmirsən?
—Sənin bu zəhrimara qalmış arıların qoyur ki?
Milli Kitabxana
127
Nazimin ağzından bu söz təzəcə çıxmışdı ki, qulağının
dibindən vızıltı ilə bir arı uçdu və az qala iynəsini onun
qulağına sancacaqdı. Elə bil ki, arı pərdənin arxasında gizlənib
Nazimin ağzından həmin o "zəhrimara qalmış" sözlərinin
çıxmasını gözləyirdi. Nazim birtəhər özünü qorudu. Arı isə
hardasa yaxınlıqda gizləndi.
—İşə düşdük — deyib Nazim mızıldandı. Bundan sonra
gərək ayıq olam.
Bu mənzərəni görən Aytən uğunub getdi. Gülüb
qurtarandan sonra dedi:
—Bir az dilini şirin elə! Danışanda ağzından zəhər
tökürsən.
Nazim qorxusundan daha cavab vermədi. Yumruğunu
düyünləyib ürəyində qızı hədələdi və onun ağ bantlarına baxdı.
Ağ bantlar zanbaq gülü kimi işıq saçırdı. "O bantları nə
qoparardım!" — deyə ürəyindən keçirtsə də qorxusundan
dillənmədi. Çünki bayaqkı arı hər dəqiqə çıxa bilərdi.
Milli Kitabxana
128
SEHRLİ GƏMİNİN KAPİTANI
n maraqlısı bu idi ki, Ayzərin anası bircə saatlığa
bazara gedəndə bu əhvalatlar başladı. Cəmi bircə
saatda görün nə qədər iş oldu. Ana balaca qızını
çağırıb dedi:
—Həyətimizdən heç yana çıxma. İtinlə, lap istəsən
pişiyinlə oyna. Bu saat bazara dəyib gəlirəm.
Elə ana qapıdan çıxan kimi bu möcüzə baş verdi.
Əvvəlcə Ayzərgilin ikimərtəbəli balaca evi hamin sehrli
gəmiyə çevrildi. Orasını Ayzər qətiyyən xatırlaya bilmir necə
oldu ki, onların yamyaşıl bağçaları birdən-birə çevrilib nəhəng
dəniz oldu. Doğrudur, bu dənizin suyu yaşıl idi. Hətta onun
içində qırmızı gül topalarına oxşayan ləpələr də vardı. Amma
nə qırmızı ləpələr, nə də suyun yaşıl olmasına baxmayaraq, hər
şey əla idi. Arabir ağ alça çiçəklərini xatırladan ləpələr az qala
gəminin göyərtəsinə qədər qalxırdı. Amma nə Ayzər, nə də
onun iti ilə pişiyi bunu veclərinə almırdılar. Onların nəhəng
gəmisi harasa uzaqlara üzürdü.
—Yaxşı, siz bilən hara üzürük belə! — deyə Ayzər
pişikdən soruşdu.
—Miyo, pişik belini qabardıb qabağa baxdı.
—Deməli sən də bilmirsən?!
—Ham, ham, — it söhbətə qoşuldu. Onun açıq
ağzından qırmızı dili çölə çıxmışdı.
—Necə? deyə Ayzər itin verdiyi məlumatdan heyrətlən-
di. — Dünya səyahətinə! Bircə bu çatmırdı! Bəs anam necə
olsun, hə? İndicə bazardan qayıdıb bizi görməsə, harada axtara
bilər? Heç olmazsa dünyanın hansı ölkəsinə üzdüyümüzü
biləydik.
Dostları ilə paylaş: |