Milli Kitabxana
99
—Deyəsən axı siz bikarsınız hə? Mən indiki cavanlara
lap məəttəl qalmışam!
Kirpi kolun dibində görünməz oldu. Dovşan isə adı
yadına düşdüyünə görə lap sevinirdi. Oxuya-oxuya çıxıb getdi.
Milli Kitabxana
100
OYNAĞAN QIZ
Əminə Dilbaziyə ithaf edirəm
ynağan qızın əhvalatını eşitmisən? Yox! Onda qoy
danışım: bu qızın işi-peşəsi oynamaq idi. Səhər
yerindən durandan yatana qədər oynayırdı. Bir də
gördün ki, anası deyir:
—Əminə, qaç bir stəkan su gətir.
Əlbəttə, Əminə o saat su gətirməyə gedirdi. Amma heç
bilirsən necə gedirdi? Aydın məsələdir ki, oynaya-oynaya.
Əgər su gətirməyə gedəndə "Qaytağı" oynayırdısa, su stəkanı
ilə geri qayıdanda "Uzundərəyə" keçirdi. Axı suyu dağıda
bilərdi.
Eh, məktəbə gedəndə bir onu görəydiniz. Pilləkənləri
düşəndə ən yüngül bir havanın ritminə uyğun oynayırdı. Ondan
soruşurdular:
—Sən musiqisiz necə oynayırsan?
—Necə yəni musiqisiz? Məgər siz musiqinin səsini
eşitmirsiniz? Bir az diqqətlə qulaq asın. Onda o saat eşidə-
cəksiniz. Adamlar nə qədər diqqətlə qulaq asırdılarsa heç bir
musiqi-zad eşitmirdilər.
Amma bu qızın oynamağı evdə birdən elə bir həngamə
qoparırdı ki...
Bir də görürdün ki, Əminə sabahkı dərslərini hazırlayır.
Əlləri yazır, ayaqları oynayır. Ana qışqırırdı:
—Sən dərs yazırsan, yoxsa oynayırsan?
—Həm yazıram, həm də oynayıram.
—Siz bir buna baxın. Harda görünübdü ki, dərs yaza-
yaza oynayasan? Ata işə qarışırdı:
Milli Kitabxana
101
—Mən sabah bu barədə müəllimə xəbər verəcəyəm.
Əminə deyirdi:
—Zəhmət çəkmə ata! Müəllim özü bu barədə sizinlə
danışmaq istəyir. Axı mən dərs danışanda da oynayıram.
—Demək belə. — Ata hirslənirdi. — Mən də elə
bilirdim ki, çox ağıllı qızım var.
—Atacan, məgər oynayan adamlar ağılsız оlur? Bax,
istəyirsən vurma cədvəlini əzbər deyim.
—Yaxşı, bu saat yoxlarıq — deyə ata vurma cədvəlini
soruşmağa başlayırdı.
Əminə suallara düz cavab verirdi. Amma cavab verəndə
hökmən rəqs edirdi.
—Olmaz ki, heç olmasa atanla danışanda oynama-
yasan?
—Atacan, onda heç olmasa qoy ayaqlarımı tərpədim.
Axı, bunun sizə heç bir ziyanı yoxdur.
—Necə yəni ziyanı yoxdur? — Ana əsəbiliklə söhbətə
qarışdı.
Oynağan qız məktəbi qurtardı. Hətta institutu da bitirdi.
Amma oynamağından bir dəqiqə də qalmadı. Bir gün onu gəlin
köçürdülər. Ana gecə-gündüz arzu edirdi ki, heç, olmasa gəlin
gedəndə oynamasın. Axı görərlər. Oğlan evi elə bilər ki, qız
gəlin getməyinə lap çox sevinir. Düzü, ata da, ana da, hamı bu
işə sevinirdi. Amma Şərq ölkələrində belə adət var ki, gərək qız
evi sevincini gizlədə bilsin. Qızın isə sevincini gərək heç görən
olmayaydı. Bax, buna görə də toy gecəsinə lap bir ay qalmış
ana hər gün bu barədə qızı ilə söhbət edirdi. Oynağan qız bütün
iradəsini toplayıb özünü həmin günə hazırlamışdı.
—Ürəyimə ən qəmli fikirlər gətirəcəyəm, — deyirdi. —
Onda yəqin oynamaram.
Bir gün "Vağzalı" çalına-çalına oynağan qızı gəlin
köçürdülər. O da özünü toplayıb xeyli oynamadı. Sonra birdən
gördülər ki, budu ha, gəlin bir oynayır ki, gəl görəsən. Hamı
Milli Kitabxana
102
onun gözəl rəqsinə baxırdı. Ata ilə ana utandıqlarından
bilmədilər ki, harda gizlənsinlər. Oynağan qız beləcə gəlin
köçdü. Bu görünməmiş əhvalat dildən-dilə düşdü. Əgər sən bu
əhvalatların doğru olub-olmadığını bilmək istəsən oynağan
qızın özü ilə söhbət edə bilərsən. O sənə düzünü deyəcək.
Amma cavab verəndə mütləq bir neçə rəqs edəcək. Axı o
dünyanın ən gözəl rəqqaslarından biridir. Hər axşam konserti
olur. Evlərinə o qədər müxbir gəlir ki, konsertə hazırlaşmağa
vaxt qalmır. Buna görə də həm qonaqlarını qarşılayır, həm də
məşq edir.
Bu da sənə oynağan qızın əhvalatı.
Milli Kitabxana
103
YALANÇI SÖZLƏR
əlkə bu əhvalat sizə qətiyyən inandırıcı görünmə-
yəcək. Ancaq mən özüm də Yaşarın yerinə and içə
bilərəm ki, həyatda belə şeylər olur.
Yaşar bu yalançı sözlərlə bacara bilmirdi, elə ağzını
açıb sözün düzünü demək istəyirdi ki, yalançı söz onun dilinin
ucundan həqiqi sözlərin hərəsinə bir yumruq, bir dirsək və
axırda da təpik ilişdirib keçirdi hamıdan qabağa.
Bu yalançı söz Yaşarın ağzından elə çıxırdı ki, adam
onun yalan olduğuna qətiyyən inanmırdı. Yaşar bir dəfə
məktəbdən qaçıb zooparka getmişdi. Əslində insafla desək
zooparkdan aldığın ləzzəti məktəbdən almırsan axı. Hə, o
zooparkda fillərin uzun xortumuna, kərtənkələlərin rəngbərəng
belinə doyunca tamaşa edib evə qayıdanda anası onu qarşıladı:
—Ay bala, dərs çoxdan qurtarıb. Bəs sən hardasan?
Bax bu zaman həmin o yalançı söz Yaşarın lap dilinin
ucunda dayanıb bu saat ağzından çıxmağa hazır olan sözü necə
itələdisə Yaşar iki dəfə udqunmalı oldu. Sonra yalançı söz
güllənin ağzından çıxan mərmi kimi düz ananın üzünə çırpıldı.
—Məktəbdən gəlirəm.
Sonra başqa yalançı sözlər ilhama gəldilər. Onlar necə
sürətlə sıçradılarsa yazıq arvad üzünü yana çəkməli oldu:
—Axırıncı dərsimiz zoologiya idi. Fillərin burnuna,
kərtənkələlərin bellərinə baxırdıq.
Yalançı sözlər ananın üzünə dəyəndə Yaşara elə gəldi
ki, anası bibər yedi. Çünki yazıq arvadın sifəti əyildi. Yaşar
Dostları ilə paylaş: |