Microsoft Word Zahid ikinci kitab
Yüklə 2,17 Mb. Pdf görüntüsü
|
- Bu səhifədəki naviqasiya:
- Milli Kitabxana
Milli Kitabxana
133
—Ham! — bu yəqin it dilində "ura" demək idi. Pişik də sevincək bir səs çıxartdı. Bir azdan dəniz quldurlarının atəşi dayandırıldı. Bufetin pəncərəsindən çıxan tüstü tamam kəsildi. Amma qəribə geyimli kişilər çıxıb gedəndə Ayzərə də elə onun yanındakı alabaşa da narazı bir nəzər saldılar. Pişik ağacın başında olduğu üçün onu görmədilər. Hətta onlardan biri bayaq Ayzərin azad etdiyi qəhrəman pəhləvanları yerinə bağladı və barmağı ilə qızı hədələdi. Оnlar çıxıb gedəndən sonra Ayzər alabaşa tərəf çevrildi. —Sən bunların hərəkətindən bir şey başa düşdün? —Haam! — Alabaş heç nə başa düşmədiyini söylədi. —Mmmiyo! — Pişik də bir şey anlamadığını bildirdi. Bu zaman ana bazardan qayıtdı. Nə qədər qəribə olsa da ana qapıdan içəri girən kimi sehrli gəmi çevrilib yenə də onların ikimərtəbəli evi oldu. Gəminin göyərtəsinə kimi qalxan ağ ləpələr isə birdən-birə alça ağacına çevrildi. Ayzər inandı ki, ətrafda nəsə bir möcüzəli adam gizlənib. O istədiyi zaman evi gəmiyə, yaşıl bağçanı dənizə çevirə bilir. Hətta onların inəyi ilə balasını zəncirlənmiş azmana çevirən də yəqin ki, həmin o sehrbazdı. Pəncərədəki söndürülmüş yanğın yerlərini görən ananın həyəcanına qətiyyən fikir verməyən Ayzər bircə şey haqqında düşünürdü. Əgər həmin sehrbazı tapsaydı, onunla ən yaxın dost olardı.
Milli Kitabxana
134
SEHRBAZLA TANIŞLIQ lbəttə, Ayzərin qətiyyən ağlına gəlməzdi ki, evlə- rini sehrli gəmiyə çevirən o sehrbazla bir gün tanış olacaq. Yox, bunu qətiyyən ağlına gətirməzdi. Amma həyatda təsadüflər olurmuş. Ayzər əvvəlcə bu adamın həmin sehrbaz olduğunu başa düşmədi. Ancaq bu adamın əynindəki köhnə paltarlarına baxanda ağlına gəldi ki, bu qəribə geyimli adam adi adamlardan deyil. Onun paltarları çox köhnə idi. Hətta o qədər köhnə idi ki, onların nə zamansa təzə olduğuna inanmaq istəmirdin. Sehrbazın iri gözləri vardı. Yumru, yekə üzünü tük basmışdı. Başına qoyduğu qara beretinin altından uzun ağ tüklər pırtlayıb çıxmışdı. Şalvarı yəqin ki, başqasının idi. Çünki çox yekəydi, əynində yellənirdi. Əslində çox güman ki, pencəyi də başqasınınkıydı. Çünki sehrbazın iri bədəni pencəyə elə bil zorla pərçim olunmuşdu. Köynək isə əyninə görə idi. Alabəzək köynəyin yaxasından sehrbazın tüklü sinəsi görünürdü. Amma bütün bunlar heç onun vecinə də deyildi. Dünyanın heç bir dövlətli adamı özünü yəqin ki, bu sehrbaz qədər xoşbəxt hesab edə bilməzdi. O, Ayzərgilin küçəsinə gələndə elə bil uşaqlar yerin altından çıxırdılar. Bütün oyunlar dayanırdı. Futbol topu dərindən nəfəs alıb bir tərəfdə dincəlir,uşaqlar alınlarının tərini silib, sehrbazın ətrafına toplaşırdılar. Sehrbaz: —Hə, indi mən sizə möcüzə göstərəcəyəm, — deyirdi. Ayzərə elə gəlirdi ki, bütün sehrlər onun sinəsindən qıvrılıb qalxan bu tüklərdədir. Amma sehrbaz doğrudan da qüdrətli sehrbaz idi və heç kəs onun sirrini tapa bilməzdi. Sehrbaz Ayzərgilin həyətinə keçəndə ana mətbəxi təmizləyirdi. Sehrbaz ayaqlarının ucunda qapıdan keçdi və Ayzərə göz vurdu ki, onun dalınca gəlsin. Alabaş da işin nə
Milli Kitabxana
135
yerdə olduğunu anlayıb onlara qoşuldu. Hardansa Məstan da gəldi
—Ham-hamm! — alabaş onun sözünü təsdiqlədi. —Yaxşı bir qoyun görək də! — deyə Ayzər onlara təpindi. Əlbəttə, möcüzə olacaq. Ancaq şuluq salsanız sehrbaz bizdən inciyər. Onlar tövləyə tərəf getdilər. Sehrbaz əmi sərnic istədi. O qəsdən danışmırdı ki, ana eşidər və yəqin ki, bütün işlər alt-üst olar. Böyüklər sehrbazlığı elə sən deyən qiymətləndirə bilmirlər. Heç onlarla bu barədə danışmasan yaxşıdı. Buna görə də sehrbaz ananı duyuq salmamağı məsləhət gördü. Ayzər bir göz qırpımında qaçıb sərnic gətirdi. Bu sərnicə ana hər gün inəklərin südünü sağırdı. Sehrbaz sərnici əlinə götürüb o üz-bu üzünə baxdı. Sonra ağacların alçaq budaqlarını yeyib, yerinə bağlanan buzova tərəf getdi. О, buzovu sığalladı, tumarladı və birdən oturub onu sağmağa başladı. —Hammm! —Miyooo! —Niyə olmur? — deyə Ayzər etiraz etdi. – Ağzında sehrbaz deyirsən. O necə sehrbazdır ki, buzovdan süd sağa bilməyə. Siz elə hər şeyə qulp qoymağı xoşlayırsınız. Alabaşla Məstan daha etiraz etmədilər. Onlar işin axırını səbirsizliklə gözləməyə başladılar. Bir azdan sehrbaz dolu sərnici yerdən zorla qaldırdı. Sonra elə onların gözlərinin qabağında sərnici başına çəkdi. Yalan olmasın, düz on dəqiqə südü içdi, son qətrəsinə kimi içdi. Sonra dərindən nəfəs alıb, onların yanında oturdu. Ayzərin heyrətdən gözləri açıla qalmışdı. Alabaş sevincini bildirmək üçün bərkdən "huvvv!" elədi. Məstan necə sevindisə tullanıb ağaca çıxdı və heç özü də gözləmədiyi halda bir sərçə tutdu. Sən demə sərçə də sehrbazın Milli Kitabxana
136
əməllərinə baxırmış və yazıq özünü necə unudubmuşsa pişiyin yaxınlıqda olduğunu qətiyyən görməyibmiş. —İndi isə ardımca! — deyə sehrbaz əmr etdi. Uşaqlar onun sürətlə şütüdüyünü gözdən qaçırmadan dalına düşdülər. Alabaş bir az qabağa keçmək istəyirdi ki, sehrbaz dilləndi: —Qabağa soxulma! Pələng bağırsaqlarını çölə tökər! Pələng adını eşidən kimi Alabaş geri sıçrayıb nazik səslə zingildədi. Ayzər sehrbazın sallanan pencəyinin ətəyindən yapışıb titrədi. Onlar diqqətlə qabağa baxa-baxa gedirdilər. Dalınca sehrbaz yavaş- yavaş yeriyirdi. O, iri gözlərini qabağa zilləmişdi. Bir azdan həyət bağının lap dib tərəfinə yaxınlaşdılar. —Siz burada dayanın. Pələnglər çox hiyləgər və cəld olurlar. —Miyyoooo! — Məstan onun sözünü təsdiq etdi və özünün də pələngə oxşadığını göstərmək üçün belini qabartdı. Sonra qabaq ayaqlarını uzadıb bərkdən gərnəşdi. Amma onun bü hərəkətlərinə heç fıkir verən də olmadı. Sehrbaz ağacların arasında gözdən itdi. Bir azdan pələngin qulaqbatırıcı səsi bağı başına götürdü. Quşlar pırr eləyib uçdular. Sonra pələngin səsinin boğulduğunu uşaqlar aydınca hiss etdilər. Heç bircə dəqiqə keçməmişdi ki, sehrbaz ağacların dalından tullanıb çıxdı. Onun təkcə əlinin üstü qanamışdı. Görünür pələng onu cırmaqlaya bilmişdi. —Əlimdən qaçdı, — deyə sehrbaz qaşqabağını salladı. — Lap son anda əlimin üstünü cırmaqlayıb hasardan tullandı. Səsə ana çölə çıxdı. Uşaqlar əlbəttə ananın çölə çıxma- sını istəmirdilər. Sehrbaz, səssizcə uşaqların yanından necə uzaqlaşdısa bir də baxdılar ki, yoxdur. Axı böyüklər demək olar ki, sehrbazlığın nə demək olduğunu başa düşmürlər. Ayzər hələ də həmin sehrbazın yolunu gözləyir. Təəssüf ki, sehrbaz daha bu yanlarda görünmür. Yüklə 2,17 Mb. Dostları ilə paylaş:
|