Milli Kitabxana
117
likdəki cücələrin və böcəklərin hamısı qaçmağa başladı.
Tısbağa isə tələsmədən gəlib fılə dedi:
—Şərtimizi unutmamısan ki?
—Yox, — deyə fil onu xortumu ilə qaldırıb Ceyranın
belinə qoydu. Kirpinin hazırladığı çiçək çələngini də üstünə
örtəndən sonra tısbağa dedi:
—İndi məni Baba dağının ətəyindəki Sərin bulağa
çatdır. Ceyran kəsə yolla qaçmağa başladı. O dovşanın,
böcəklərin yanından elə sürətlə ötdü ki, heç kəs işin nə yerdə
olduğunu başa düşmədi. Çiçək çələngi tısbağanın üstünü
örtdüyü üçün o görünmürdü. Bir azdan gəlib bulağa çatdılar.
Tısbağa birtəhər aşırılıb Ceyranın üstündən düşdü.
Dovşan hələ gəlib çatmamışdı. Bir azdan dovşan nəfəsi
təngiyə-təngiyə özünü bulağa yetirəndə tısbağanı orada gördü.
Onun boynunda çiçək çələngi vardı. Dovşan işi belə görüb
ağlamağa başladı. Axı mərci uduzmuşdu. Bir azdan çəməndəki
cücülər də özlərini yetirdilər. Qarışqalar qətiyyən başa
düşmədilər ki, nə olub.
—Ey ceyran, — deyə tısbağa indicə belində gəldiyi
ceyranın üstünə qışqırdı. Burada boş-boş veyillənməkdənsə
get bir işlə məşğul ol!
Ceyran qulaqlarına inanmadı. Doğrudanmı indicə bütün
mərci udmaqda əsas rol oynayan Ceyrana belə sözlər deyilirdi.
Ceyran ayaqlarına baxıb dedi:
—Heyif ki, mənim kimi bir ağılsızı öz üzərində gəzdi-
rirsən! — Bunu deyib uzaqlaşdı. Amma heç kəs bu sözdən bir
şey başa düşmədi. Tısbağa isə fəxrlə yenə də özünün igid-
liyindən dəm vurur, kimisə aldatmaq haqqında düşünürdü.
Amma cücülər daha onun yanında dayanmadılar. Çünki onlar
başa düşdülər ki, tısbağa nəsə bir kələk işlədib. O vaxtdan
tısbağa çöllərdə tək yaşamağa başladı.
Milli Kitabxana
118
İTMİŞ PUL KİSƏSİ
lk baxışda sizə elə gələ bilər ki, bu adicə bir əh-
valatdır. Balaca, yaraşıqlı pul kisəsi dənizin
sahilində çınqıl daşların arasında yaddan çıxıb
qalıb, vəssalam.
Amma orasını da deyim ki, bu ancaq sizə belə gəlir.
Əslində isə maraqlı bir əhvalatdır. Elə ki, Tanya ağ saplardan
hörülmüş pul kisəsini sahildə qoyub getdi, pul kisəsi onun
ardınca qışqırmağa başladı:
—Eheyyy, hara gedirsən?
Pul kisəsinə əvvəl elə gəldi ki, Tanya onunla zarafat
edir. Axı o üç manatı gör nə vaxtdan bəri saxlayırdı. Atası bir
gün qıza on qəpik verib demişdi:
—Özünə nə istəsən ala bilərsən.
Elə həmin gün Tanya bu pul kisəsini toxumuşdu. Ağ
sapları bir-birinə keçirə-keçirə pul kisəsini toxuyanda dodaqaltı
bir nəğmə də oxumuşdu. Doğrudur, indi həmin mahnını
oxuduğu o qədər də yadında deyil, amma sizə deyim ki, mahnı
çox gözəl idi və gərək ki, hələ heç kəs tərəfindən
bəstələnməmişdi. Çünki nənəsi ondan soruşmuşdu:
—Bu nə mahnıdı belə oxuyursan? Tanya da milləri
bir-birinə keçirə-keçirə cavab vermişdi.
— Bu heç zaman oxunmayıb. Ona görə də sən onun
hansı mahnı olduğunu bilmirsən.
—Maraqlıdır, — deyə nənə eynəyinin üstündən qıza
baxmış və çıxıb getmişdi.
Ördək yumurtasına oxşayan pul kisəsi hazır olanda
Tanya ona ad da qoydu: "Ördək balası".
Milli Kitabxana
119
—Ördək balası, sənin nə qəşəng adın varmış, — deyə
qız təzəcə toxuyub qurtardığı pul kisəsinə baxıb fərəhlə
dilləndi.
—Belə də ad olar? — deyə nənəsi elə bil yerin altından
çıxıb, düz onun qabağında dayandı.
—Olar, — deyə Tanya özünü itirmədi. — Buradakı
pulların hamısını dondurmaya verəcəyəm. On beş
dondurma alacam.
—Sənin ki, cəmi on qəpiyin var, on beş dondurmanı
necə alırsan?!
—Nənəcan, axı mənim bu pul kisəm sehirlidir. Bu gün
ora qoyduğum on qəpik sabah iyirmi qəpik olacaq, birisi gün
otuz. Bir də görəcəksən ki, pul kisəsi böyüyüb, ördək balası
boyda olub. Ondan sonra ürəyin istədiyi qədər dondurma ala
bilərsən.
—Yaxşı, baxarıq, — nənəsi bic-bic gülümsündü.
Tanya səhər hamıdan tez durmuşdu. Axşamdan stolun
üstünə qoyduğu pul kisəsini götürüb içinə baxdı. Və yerindəcə
donub qaldı. Onun içində iyirmi qəpik var idi. İki dənə on
qəpiklik.
—Sehrlidir. Mənim pul kisəm doğrudan da sehrlidir.
Tanya qapının açıldığını, içəri adam girdiyini qətiyyən
hiss etmədi. Bir də gördü ki, eynəyini boynundan sallayan
nənəsinin qırışmış sifəti düz qabağındadır. Sifəti qırışsa da
insafla desək, nənəsinin üzü gözəl idi, danışırdı ki,
cavanlığında onu belorus gözəli adlandırmışlar.
—Nə olub? — belorus gözəli dilləndi.
—Pul kisəsi doğrudan da sehrli imiş.
—Ola bilməz, sehrli şeylərin hamısı nağıllarda olur.
—Nənəcan bəlkə sehrli əhvalatlar yüz, ya da iki yüz
ildən bir olur. Sənin isə cəmi doxsan yaşın var. Budur bax,
artıq sehrli əhvalatlara rast gəlməyə başlamısan.
Milli Kitabxana
120
—Əgər sənin bu kisən doğrudan da sehrlidirsə qoy
sabah onun içində bir dənə üçlük olsun. Buna sözün nədir, hə?
Sən də bütün dostlarını dondurmaya qonaq edəsən. Axı sabah
sənin ad günündür.
—Belə bir şey olsa, sevindiyimdən atılıb — düşərəm,
— deyə Tanya etiraf etdi.
O gecə hər ikisi yerlərində qurcalandılar. Tanya qonşu
otaqda nənəsinin də yatmağını hiss edirdi. Elə onun özü də nə
qədər gözlərini yumurdusa yata bilmirdi. Axır ki, qızın
kirpikləri qapandı.
Səhər pul kisəsini götürüb baxanda heyrətdən donub
qaldı. Çünki "Ördək balasının" içində təzə, şax bir üçlük var
idi. Göy üçlük səliqə ilə bükülüb kisəyə qoyulmuşdu.
—Nənə, nənə, ay nənə! — Tanya elə həyəcanla qışqırır-
dı ki, elə bil nənəsi bu saat cavab verməsəydi göy üçlük yox
olacaqdı. Əslində qızı qınamaq olmazdı. Bir halda ki, sehrli
yolla gəlib kisəyə girmişdi, deməli həmin yolla da yox ola
bilərdi. Buna görə də qız pulu əlində bərk-bərk tutub nənəsini
çağırır və hərdən də pula baxırdı ki, yox olmasın.
—Nə olub? — deyə həmişə sanki yerin altından çıxıb
Tanyanın qarşısında hazır dayanan nənəsi bu dəfə çox gec
gəldi.
—Buyur bax, — deyə Tanya əlində pulun hələ də yox
olmadığını yəqinləşdirdikdən sonra üçlüyü qabağa uzatdı,
sehrli pul gəlib çıxdı.
Nənəsi gülümsündü. Gözlərinin qırağındakı qırışlar
sıxlaşdı. Tanya gördü ki, nənəsi bic-bic gülür. Deməli bir
kələyi var. Amma bu dəfə Tanyanın belə şeylərə fikir verməyə
vaxtı hardaydı?! Qoy nə qədər istəyir bic-bic gülsün. Daha
kisənin sehrli olduğuna şübhə ola bilməzdi.
Bax, həmin o kisəni Tanya bu gün səhər çimərliyin ağ
daşlarının arasında qoyub gəlmişdi. Özü də bu cür sehrli bir
kisə düz saat onda yadına düşdü. Yadına düşdü ki, paltarını
geyinib evə qayıdanda kisəni boynuna keçirməyi tamam
Dostları ilə paylaş: |