Milli Kitabxana
121
unudub. Əslində xeyli müddətdə qız boynunda təzə, tanış bir ip
ağırlığının olmadığını duydu. Amma qətiyyən başa düşmədi ki,
bu, məhz kisənin sapının ağırlığıdır. Yalnız axşam yatanda kisə
yadına düşdü.
Atası qonşu otaqda ağcaqanad vızıltısına oxşar ağlamaq
səsini eşidəndə əvvəl bir şey başa düşmədi. Sonra bu nazik
ağcaqanad vızıltısı həqiqi ağlamağa çevriləndə işin nə yerdə
olduğunu anladı.
Belə hallarda evdə necə söhbətlər olduğunu yəqin
bilirsən. Ata sabah dünyanın ən gözəl pul kisəsini alacağmı vəd
edir, uşaq isə bir az da bərk hönkürüb, məhz həmin pul kisəsini
istəyir. İstəyirəm pul kisəsinin yanına qayıdaq görək onun
başına nələr gəldi.
Mən sizə dedim ki, Tanya geyinib çimərlikdən gedəndə
kisə elə bildi ki, qız onunla zarafat edir. Amma qız sarı
saçlarını yelləyə-yelləyə uzaqlaşanda başa düşdü ki, məsələ
ciddidir. Kisə nə qədər qışqırdısa qız eşitmədi. Bir azdan
çimərlikdən əl-ayaq çəkildi. Hardansa balaca bir it gəlib çıxdı.
O, daşların arasını imsiləyib nəsə axtarırdı. Kisə ona salam
verdi. Amma küçük heç elə bil pul kisəsinin dediyini başa
düşmədi. Ya da bəlkə onun salamını eşitmədi. Sadəcə olaraq
yaxın gəlib onu imsilədi və uzaqlaşdı.
Sonra çimərliyi yığışdıran qarı gəlib çıxdı. Daşların
arasına atılıb qalan kağızları yığışdırdı. Amma kisəyə əlini də
vurmadı. Görünür "Ördək balası" ağ daşa oxşadığı üçün qarı
onu daşlardan seçə bilmədi.
Səhərin lap tezdənindən Tanya gəldi. Atası ilə daşların
arasını axtarmağa başladı. Pul kisəsi yenə də qışqırmağa
başladı. Bu dəfə o lap bərkdən qışqırdı. Belə bir səslə o heç
zaman qışqırmamışdı. Təkcə bir dəfə, yadındadırmı, səhər
tezdən Tanya kisənin içində üçlük oluğunu görəndə "Nənə,
nənə, ay nənə" deyib həyəcanla qışqırmışdı. Doğrudur, onda
Tanyanın səsi o qədər hündür idi ki, pul kisəsinin səsini
Milli Kitabxana
122
eşitmədi. Amma bax, onda pul kisəsi elə indiki kimi həyəcanla
qışqırmışdı. O vaxt kisə qışqırıb deyirdi ki, Tanya nənəsinin
bic-bic gülümsünən gözlərinə baxsın. Bu gözlərdə çox sirr var.
Amma Tanya onu eşitməmişdi və nənəsinin gözlərində
gizlənən həmin o sirr eləcə də açılmamış qalmışdı. İndi isə
daha o sirr haqqında sənə danışmağa elə bir ehtiyac yoxdur,
əziz oxucu, özün fikirləş. Gör tapa bilərsənmi?! Tapmasan
hekayəni bir də oxu.
Hə, pul kisəsi həmin həyəcanla bir də qışqırdı. Və
yalnız bu zaman Tanya onu gördü. Ağ daşların arasında
bürüşüb yatan balaca "Ördək balası"nı bağrına basdı. Göy
üçlük necə qatlanmışdısa eləcə də dururdu. Sabah bu üçlüyə on
beş dondurma alınacaqdı.
Milli Kitabxana
123
AYTƏN VƏ NAZİM
ranın suyu çoxdan kəsilmişdi. Ona görə də
burnunu aşağı sallayıb, dərin fıkrə getmişdi:
"Necə gözəl günlər var idi. Mənim burnumdan
gümüşü su damcılayanda uşaqlar yanımdan
uzaqlaşmırdılar. Bax, o bantı ağ, kəpənəyə oxşayan qızı
görürsünüz? Hə, ilk dəfə onunla tanış olmuşam. Balaca
vedrəsini burnumun qabağına qoyub dedi:
—Zəhmət olmasa bir az mənə su verin.
Belə nəzakətli bir müraciətin qabağında mən ona adi su
verə bilərdimmi? Bu ancaq səfehlik olardı. — Mən onun
vedrəsini ağzına kimi bulaq suyu ilə doldurdum.
Bir azdan bax, o əlində quşatan gəzdirən oğlan gəldi.
Vedrəni qabağına qoyub quşlara daş atmağa başladı. Sonra
mənə tərəf çevrilib dedi:
—Əşşi, sən də tez ol də.
Mən bərk hirsləndim. Sizə deyim ki, indiyəcən belə
bərk hirslənməmişdim. Bir az öskürüb fınxırdım. Nəfəsimi
içəri çəkib necə hirslə püflədimsə oğlan kənara sıçradı, onun
vurmağa hazırlaşdığı sərçə uçub getdi.
—Bura bax, deyə oğlan üstümə qışqırdı. Başa düş-
mürəm sən kransan, yoxsa parovoz. Bir az yavaş də. Quşları
qorxudub uçurtma.
—Lap yaxşı oldu — deyə mən arxayın fısıldadım və
onun vedrəsinə lilli, bulanıq su tökdüm. Bəs necə?! Ondan
quşların intiqamını almalıydım, ya yox?!
Oğlan deyinə-deyinə getdi.
Milli Kitabxana
124
Bir azdan bantı kəpənəyə oxşayan həmin qız yenə gəlib
çıxdı. O, zərif, qəşəng əlləri ilə başımı sığallayıb dedı:
—Sən dünyanın ən ağıllı kranısan. Vedrəmə doldur-
duğun əsl bulaq suyu idi. Zəhmət olmasa yenə də belə bir
yaxşılıq elə.
Bu dəfə onun vedrəsinə xalis gülab doldurdum. Qızıl
güldən çəkilmiş bu suyun ətri adamı lap uzaqdan vururdu. Qız
küçəylə gedəndə bir görəydiniz. Adamlar dayanıb bu ətirli suya
baxır və onun hansı krandan doldurulduğu ilə maraqlanırdılar.
Amma birdən lap səfeh bir iş oldu. Qızın vedrəsindəki
gülabın ətrini duyan bal arıları bircə anda onu dövrəyə aldılar.
Onlar bu gözəl suyun dadına baxmaq üçün vurnuxur, özlərini
vedrənin içinə soxurdular. Qız isə heç elə bil bu iynəli
acgözləri görmürdü. Vedrəsi ayaqlarına dolaşa-dolaşa gedirdi.
Qız gözdən itməmişdi ki, bayaqkı oğlan gəlib çıxdı.
Deyəsən apardığı suyu bəyənməmişdilər.
—O nə su idi mənə verdin, — deyə oğlan qışqırdı. —
Elə bil gölməçədən doldurmuşdun. Ağacların dibinə,
tökməkdən başqa əlacımız qalmadı. Amma Aytənin vedrəsinə
bulaq suyu doldurursan.
Mən həmin o qızın adının Aytən olduğunu indi bildim.
Gözəl adı varmış. Oğlan isə vedrəsini qabağıma qoyub
quşatanı tuşladı. Mən fısıldamağa macal tapmamış nişan alıb
atdı. Elə o saat da sərçə budağından qırılmış yarpaq kimi
torpağa düşdü. Daş onun qanadını yaralamışdı. Oğlan yüyürüb
sərçəni tutdu və suya gəldiyini tamam yadından çıxarıb
oynamağa başladı. Mən bundan istifadə edib onun vedrəsini
demək olar ki, palçıqla doldurdum. O qədər palçıq tökmüşdüm
ki, boğazımı xeyli təmizləməli oldum. Oğlan isə heç vedrəsinə
baxmadı. Götürüb getdi.
Arılar çoxalmışdı, Aytən yeriyə bilmirdi. Buna görə də
küçənin başında vedrəsini yerə qoyub gözləyirdi ki, görsün bu
işlərin axırı necə olacaq. Oğlan da palçıqla dolu vedrəsini
götürüb sərçəsinə baxa-baxa onun yanına çatdı. Aytən dedi:
Dostları ilə paylaş: |