Milli Kitabxana
321
atəş açdılar. Əlbəttə sərçənin heç tükü də —yerə düşmürdü.
Amma ölkənin adamları irəli çıxmış yoğun qarınlarını tutub
bir gülürdülər ki, gəl görəsən.
Hə, padşahın qarnının partladığı gün elə bildilər ki, təzə
silah sınaqdan keçirilir. Hər kəs ürəyində özünü danladı ki,
niyə belə gözəl tədbirdən vaxtında xəbər tutmayıb. Axı belə
günlər lap həqiqi bayrama çevrilirdi. Təzə silah böyük bir
ərazini yandırır, bu adamlar isə uğunub gedirdilər. O qədər
gülürdülər ki, bir də baxırdılar qarınları xeyli əriyib. Belə
biabırçılığa isə dözmək olmazdı. Adamlar yenidən yeməyə
cumurdular. Kimi qoyunun budunu gəmirir, kimi də boş
qazanı başına çəkirdi. Bu gün hamı ürəyində deyinə-deyinə səs
gələn tərəfə qaçdı. Bir də baxdılar ki, silah-zad nədi, padşahın
qarnı iki partlayıb. Belə vaxtlarda hər yerdə olduğu kimi
burada da çox şeylə maraqlanan adamlar tapıldı. Bu adamlar
tez padşahın qarnına baxdılar ki, görsünlər onun içində nə var,
nə yox.
Bu adamlar sayıb gördülər ki; padşahın qarnında iyirmi
iki çolpa, üç yüz otuz bir yumurta, altı kilo qoyun ətinin
kababı, üç kilo kartof kababı, on litr çaxır var. Padşah araq
içmirdi. Çünki onun fıkrincə araq adamı kökəltmir. Əgər
kökəlmək istəyirsənsə çaxır iç.
Hamı fəxrlə padşahın partlayan qarnına baxırdı.
Əlbəttə belə bir padşahla fəxr etməyinə dəyərdi. Döşünə döyən
ən böyük padşah da heç onun yarısı qədər yeyə bilməzdi.
Adamlar padşahlarınm belə şərəfli ölümünü görüb ona
heykəl qoymağı qərara aldılar. Ancaq bu məsələ xeyli
mübahisəyə səbəb oldu. Heykəllərin ayaqlarının altındakı
hissəyə podstament deyirlər, axı. Hə, bax həmin podstamentin
üstündə bərk hay-küy düşdü. Heykəltaraş belə bir fıkir söylədi
ki, mərhum padşaha hansı yeməyi çox sevirdisə ona uyğun da
podstament düzəltmək lazımdır. Bax, mübahisə buradan
başladı. Biri dedi ki, şahımız balıq kababını dünyada ən çox
Milli Kitabxana
322
sevirdi. Biri quş ətini, bir başqası südlüsıyığı ortalığa atdı.
Lakin hamı axırda belə qərara gəldi ki, şahın ən çox sevdiyi şey
şərab imiş. Buna görə də onun ayaqlarınm altında çaxır
çəlləyinin fıqurunu düzəltdilər. Heykəl gözəl çıxmışdı. Padşah
iri qarnını irəli verib gözünü uzaqlara zilləmişdi. Bu,
heykəltaraş dilində o demək idi ki, padşah uzaqgörən adam
imiş.
Heykəl quraşdırılıb qurtarandan sonra adamlar özlərini
ona oxşatmağa çalışdılar. Hamı istəyirdi onun haqqında
desinlər ki, yaman uzaqgörən adamdı. Amma bu iş çox böyük
çətinlik törədirdi, çünki belə qarınlarla şax dayanıb uzaqlara
baxmaq olmurdu. Belə adamlar ancaq gərək yeriyəndə
ulduzlara baxaydılar. Buna görə də, tezliklə padşahın heykəli
unuduldu və adamlar özlərinə təzə padşah seçmək haqqında
düşündülər.
Amma heç kəsin ağlına gəlməyən bir iş oldu. Az yeyib
çox düşünənlərin biri necə oldusa gəlib bu ölkənin padşahı
seçildi. Seçildi deyəndə ki, seçilmədi, elə özü gecələrin birində
keçib oturdu padşahın stolunda və başladı fərmanlar
verməyə.
Lap tezliklə köhnə padşahın əmrlərindən əsər-əlamət
qalmadı. Təzə padşah fərman verdi ki, hamı işləməlidir.
İşləməyənə yemək verilməyəcək. Yeyimcillər ölkəsinin
adamları əvvəl bir şey başa düşmədilər:
—Məgər biz işləmirik, bəs nə edirik?! Səhərdən axşama
kimi ağzımız işləyir. Hələ qaşıq və çəngəl tutan əllərimizi
demirik.
Bilirsən, — deyə onlardan bir başqası dilləndi. —Bizim
padşah demək istəyir ki, balaca adamlar kimi axşamadək
tarlalarda günün altında yanmalıyıq. Ağılsızlıqdır!
—Mən buna ağılsızlıq yox, ədalətsizlik deyirəm.
Əlbəttə, doğrudan da ədalətsizlik idi. Axı bu adamların
yeməkdən başqa əllərindən bir iş gəlmirdi. Amma balacaboy
Milli Kitabxana
323
padşah sözünün üstündə bərk dayandı və bir də baxıb
gördülər ki, adamların qarnı yavaş—yavaş əriməyə başlayır.
—Başa düşdüm. Padşahımız bizi öz gününə salmaq
istəyir, — deyə həmişə şahın verdiyi fərmanların əleyhinə
danışan adam yoldaşının qulağına pıçıldadı. Onu da deyim ki,
köhnə padşahdan sonra ölkənin ən bədheybət adamı o idi.
Çəkisi də beş yüz kilonu çoxdan keçmişdi. Əslində köhnə
padşahın vaxtında bir az ehtiyatla yeyirdi ki, onu ötüb
keçməsin. Amma indi daha heç kəsdən qorxusu yox idi. Balaca
padşahın gözündən yayınıb özünü verirdi gizli bir yerə və
gündə yalan olmasın bir dananı ötürürdü içəri.
Bir məsələ də var ki, bu adamın tərəfdarları da az
deyildi. Onlar gizlincə çoxyeyənin evinə yığışır, onun
yeməyinə tamaşa etməklə keçmiş günlərini yana-yana yad
edirdilər. Əslində buna gizli təşkilat da demək olardı. Padşahın
fərmanının əleyhinə gedən belə məclisə daha nə ad vermək
olardı? Bir dəfə bu adam mərc gəldi ki, quzunu diri-diri uda
bilər. Camaatın heyrətdən az qaldı gözləri pırtlayıb çıxsın Axı
hələ ömründə belə bir qəhrəmanlıq göstərən olmamışdı. Hamı
yığışdı. On kiloluq bir quzunu ortalığa gətirdilər. Bu adam
əvvəl qollarını çirmələdi. Ağzını geniş açdı və quzunun başını
ağzına soxdu. Quzunun qabaq ayaqları və başı ortasına kimi
onun ağzına getdi. Qabaq ayaqlar onun mədəsinə çatanda
camaat gördü ki, yox, quzu kişinin boğazında qalıb. Nə o tərəfə
gedir, nə də bu tərəfə. Əl-ayağa düşdülər. Nə qədər dartdılarsa,
quzunu onun boğazından çıxara bilmədilər. Quzu yazıq kişinin
boğazında qalıb onu öldürdü. Heyf bu adama. Qalsaydı bəlkə
də gələcəkdə padşah ola bilərdi.
Deyirlər ki, balaca adam hələ də o ölkədə padşahlıq
еdir.
Dostları ilə paylaş: |