~ 421 ~
Bu vəzifənin ştatda saxlanılması məktəb üçün böyük
əhəmiyyət kəsb edir. Lakin biz həmin vəzifəyə aid olan işlərin
bir qismi haqqında oxuculara məlumat verəcəyik. Bu
vəzifənin əsas rolu məktəbin təmizliyinə, təmirinə və
mühafizə olunmasına diqqət yetirmək, məktəbi tələb olan
material, inventar, mebel, əyani və texniki vəsaitlərlə təmin
etmək, eləcə də lazımı yanacaqla (və ya istilik sistemi ilə)
təchiz olunmasını və başqa vəzifələri həyata keçirməkdir.
Şabran (keçmiş Dəvəçi) şəhər M.Nəzirov adına 4 saylı
tam orta məktəbində yuxarıda saydığımız və saya bilmədi-
yimiz bu təhsil ocağına aid olan bütün təsərrüfat xarakterli
vəzifələrin icrasına məktəbin həmin sahəyə baxan direktor
müavini Ehtiram Məmmədov məsuliyyət daşıyır . O, 1988-ci
ildən artıq 28 ildir ki, bu vəzifədə çalışır. İşlədiyi müddətdə
neçə dəfə növbəti təftişdən, digər qəfləti və hər ilin sonunda
aparılan yoxlamadan keçdiyini özü də unudub. Neçə-neçə
direktor, dərs hissə müdiri və texniki işçi ilə işləyib. Çalışdığı
vəzifənin bütün yükünü, məsuliyyətini və çətinliklərini öz
çiyinlərində daşımalı olub. Lakin yoruldum kəlməsini hələlik
dilinə gətirməyib. İndi isə gəlin bu şəxslə sizi bir qədər
yaxından tanış edim:
Ehtiram Sədrəddin oğlu Məm-
mədov 1965-ci ilin yanvar ayının 20-
də Şabran (keçmiş Dəvəçi) şəhərində
neftçi ailəsində anadan olub.
Atası Sədrəddin Cəmaləddin
oğlu Məmmədov 1935-ci ildə Quba
rayonunun Afurca kəndində kolxozçu
ailəsində dünyaya gəlib. Uzun müddət
Bakı şəhəri, Bulla dəniz neft kəşfiy-
yatı idarəsində buruq ustası vəzifə-
sində işləyib. 1987-ci ildə 52 yaşında
dünyasını dəyişib.
~ 422 ~
Anası Kübra Pənah qızı Məmmədova 1935-ci ildə
Şabran (keçmiş Dəvəçi) rayonunun Uqah kəndində dünyaya
göz açıb. Dəvəçi rayon Vərəm Dispanserində tibb bacısı,
“Pirəbədil “xalça fabrikində toxucu və s. vəzifələrdə çalışıb.
Hal-hazırda 81 yaşı var.
Ehtiram Məmmədov 1972-ci ildə Şabran (keçmiş
Dəvəçi) şəhər T. Abbasov adına 1 saylı orta məktəbin I sinfinə
daxil olub. 1980-cı ildə müvəffəqiyyətlə həmin məktəbin VIII
sinfini bitirib. 1981-ci ildə Dəvəçi axşam fəhlə-gənclər
məktəbində orta təhsilini davam etdirməyə başlayıb.1983-cü
ildə həmin təhsil ocağını uğurla bitirərək kamal attestatı alıb.
Gənc Ehtiram 1984-cü ilin noyabr aytında hərbi xidmətə
çağırılıb. O, keçmiş Almaniya Demokratik Respublikasında
ikillik əsgəri xidmət keçib. 1986-cı ildə ordudan tərxis olun-
duqdan sonra o, 15 saylı Səyyar Mexaniki Dəstədə fəhlə
işləyib.
1988-ci ildə iş bacarığı, nizam-intizamı, məsuliyyət dərə-
cəsi və təşkilatçılıq qabiliyyəti nəzərə alınaraq indiki Şabran
(keçmiş Dəvəçi) şəhər 4 saylı tam orta məktəbin rəhbərliyi onu
məktəb direktorunun təsərrüfat işləri üzrə direktor müavini
vəzifəsinə irəli çəkib. Ehtiram Məmmədov 28 ildir ki, bu
məsul və çətin vəzifənin öhdəsindən şərəflə gəlir. Öz üzərinə
düşən vəzifə borcunu layiqincə yerinə yetirir. O, nəinki
məktəbin təsərrüfat işlərində, eləcə də məktəbin digər ictimai
işlərinin ən fəal iştirakçısı olub. Bİr sözlə, həmin dövrlərdə
məktəbin elə bir yığıncağı, elə bir ictimai tədbiri olmayıb ki,
Ehtiram orada canla-başla iştirak etməsin. Onun məktəbdə bu
növ işlərin həyata keçirilməsində zəhməti və köməyi olmasın.
Hər ilin sentyabr ayında tədris ocagının yeni dərs ilinə
hazırlanmasında Ehtiramın rolu danılmazdır. Cari və əsaslı
təmir işlərinin vaxtında və keyfiyyətli aparılmasında, payız-qış
mövsümünə istilik şəbəkəsinin yüksək işlək vəziyyətə gətiril-
məsində onun böyük əməyi olub.
~ 423 ~
Ehtiram Məmmədovun sayəsində məktəbin yanacaqla və
ya istilik enerjisi ilə təmin olunması məsələsində şəhər
məktəbləri arasında həmişə bu məktəb birincilər sırasında
olub.
Söhbətimiz zamanı bu məktəbdə işlərinin uğurlu
alınmasını o, belə izah etdi: “Mən hələ bu vəzifəyə işə
başlamazdan cox əvvəl bu məktəbin təsərrüfat işlərindən yaxşı
baş çıxarırdım. Rəhmətlik dayım Şəkərəli kişidən məktəbin
təsərrüfatına aid olan çox şeyləri öyrənmişdim. Məktəbdə
təsərrüfat işləri və onun gündəlik təchizat vəziyyəti ona
istənilən anda ovuc içi kimi aydın idi. Şəkərəli kişi mənə təkcə
dayı yox, həm də böyük müəllim olub.
Onun tapşırılan işə yüksək məsuliyyət hissi, insanlara,
xüsusilə məktəbin müəllimləri və texniki işçiləri ilə mehriban
münasibəti, vəzifə borcunun yerinə yetirilməsi sahəsində
yorulmadan çalışması mənə ən gözəl nümunə idi. Mən bir
neçə il bu məktəbdə təsərrüfat işlərinin yerinə yetirilməsində
ona kömək etdikcə həmin işləri zərrə-zərrə o, ağsaqqal müdrik
insandan öyrənirdim. Çətin və aydın olmayan məsələləri isə
dayım özü mənə başa salırdı. Allah ona rəhmət eləsin “!
Ehtiram Məmmədov ailəlidir. İki övladı var. Böyük qızı
Zərintac Şabran şəhər M.Nəzirov adına 4 saylı orta məktəbi
bitirib. Hal-hazırda Bakı 1 saylı Tibb məktəbinin əczaçılıq
şöbəsinin II kursunda oxuyur. Kiçik qızı Aytən isə hazırda bu
məktəbin V sinif şagirdidir.