Miynet hám is haqı haqında túsinik hám de onı esabǵa alıwdıń waziypaları

Miynetge haq tólewdiń formaları hám sistemalrı hám de olardı hújjetlestiriw

Miynetge haq tólewde isdiń sapası, óndiris normalarınıń isleniwin esapǵa alıw hám is haqı esaplasıwdıń málim tártibin belgilew zárúr. Demek, kárxanada miynetge haqı tólewdi qáliplestiriw bir-birine baylanıslı bolǵan úsh elementler menen anıqlanadı: tárif sisteması, miynetdi normalastırıw hám miynetge haqı tólew formalları. Sapa tárepinen miynet tárif sistemasi menen bahalandı, sarıplanǵan miynet muǵdarı normalastırıw menen esapqa alınadı, is haqı esaplaw tártibi bolsa miynetge haqı tólew formalları menen anıqlanadı.
Jumısshılar miynetge haq tólewde tárif setkası tiykar bolıp esaplanadı. Tarif setkası islewshilerdiń ilmiy tájribesine, miynetge haq tólew forması hám usı tarawdıń xalıq xojalıǵındaǵı áhmiyetin itibarǵa alǵan halda dúziledi. Tarif sistemasına tómendegiler kiritiledi:

• 
  Bir saat yáki bir kúnlik miynetge tólenetuǵın haq muǵdarın belgilewshi tarif stavkasi;
  
• 
  Haq tólewde is hám jumısshılardıń (ilmiy tájribesi) túrli razryadları ortasındaǵı qatnasıqlardı kórsetiwshi tarif setkası.
  

Ápiwayı jumıslar 1-razryadli jumısshınıń tarif stavkası menen tólenedi. Miynet ilmiy tájriybesi dárejesine, yáni belgilengen tarif razryadı hám tárif koeffitsientine, qarap qalǵan razryadlardıń tarif stavkaları bul razryaddan artıq boladı. Tarif razryadı hár bir óndiris operaciyasına, hár bir is túrine tayınlanadı, sonıń ushın is islew nowmaların esapqa alǵan halda, islegenine qarap is haqın esaplap tabıwda tarif stavkasınan paydalanıladı.
Miynetge haq tólew forması, sıylıqlar, qosımsha haqlar, xoshemetlew tólemleri, kásiplik awqam komiteti menen kelisilgen halda, is beriwshi tárepinen qabıl qılınatuǵın jámáátlik shártnaması menen belgilenedi. Mámlekettiń tárif stavkaları hám okladları kárxanada jumısshılardıń ilmiy tájribesine, kásbine, olar tárepinen islenetuǵın isler shárayatlarınıń quramalılıǵına qarap baza sıpatında paydalanıw múmkin.
2019-jıl 16-sentyabrınen baslap byudjetden finanslastırılatuǵın shólkemler, mekemeler hám kárxananıń xizmetkerleri miynetge haqı tólew ÓzR Ministrler Kábinetiniń 2019-jıl 16-sentyabrindegi 775-sanlı qararı menen tastıqlanǵan Birden-bir tárif setkasına tiykarlanıp ámelge asırıladı. Ol óz ishine 22 tarif razryadın aladı hám tárif koeffitsientleri arqalı túrli razryadlardaǵı is hám jumısshılardı (ilmiy tájribe) ortasındaǵı miynetge haq tólew salıstırmalı sáwlelendiredi.