Moisey Kalankatuklu Albaniya tarixi
Yüklə 6,63 Mb. Pdf görüntüsü
|
- Bu səhifədəki naviqasiya:
- OTUZ ÜÇÜNCÜ FƏSİL Yepiskopların məktubuna katolikosun və knyazın cavabı
- OTUZ DÖRDÜNCÜ FƏSİL Alban zadəganları nəsilləri murdar edən nigahlar bağlayır. Buna görə onları lənətləyirlər
- OTUZ BEŞİNCİ FƏSİL Böyük knyaz Cavanşirin faciəli ölümü
236 OTUZ ÜÇÜNCÜ FƏSİL Yepiskopların məktubuna katolikosun və knyazın cavabı “ Biz sizin yazdığınız məktubu oxuduq və ona görə hər gün Öz mərhəmətli əməlləriylə xaliq etdiyi insanlar üçün möcüzələr yaradan səxavətli Allaha böyük tərif və mədhlər deyirik və sizi, ey yepiskoplar, Davudu bə İoveli təbrik edirik! Mən, ləyaqətsiz katolikios Uxtanes və sipəhsalar və knyaz Cavanşir sizi Allah simasında şadlıqlarda olmağınızı arzulayırıq! Biz, bizə bəxş olunmuş həyatverən xilasımıza görə daim Allaha şükür edirik. Onun bizə verdiyi tükənməyən hədiyyələrə görə, gəlib bizim gözlərimizi açan, bizim aramızda, burada zühur etmiş müqəddəs Xaça görə şükür edirik. Buna görə də biz yorulmaq bilməyən dilimizlə rəbbimizi xeyriyyəçimizi, möcüzə gətirəni, bütün nemətləri bəxş edəni və Müqəddəs Ruhun pak mükafatını bizə verən İsa peyğəmbəri tərənnüm edirik. Hərçənd biz cismən sizlərdən uzaqdayıq, ruhca yanınızdayıq və siz indicə əlinizə gələn Müqəddəs Xaçın önündə bizi yada salın. Yubanmadan siz bu bərəkətlə, Müqəddəs Xaçla və mömin zahid İsraillə birlikdə bizim hüzurumuza ehtiyatla gəlin ki, biz də böyük kilsə məclisinin üzvləri ilə birlikdə bu töfhəyə səcdə edək. Allahın adı ilə salamat qalın!” Yepiskoplar Şərqin sipəhsaları Cavanşirin və müqəddəs 237 katolikos Uxtanesin məktubunu oxuyan kimi, elə o an əldə etdikləri xəzinəni götürüb zahid İsraillə birlikdə Şərqin böyük knyazı Cavanşirin, katolikos Uxtanesin və bütün əyanların olduğu böyük Firuz – Qubad şəhərinə gəldilər. Onlar nursaçan bərəkəti qəbul edərək bütün ellə birlikdə təntənəylə meydanda ona səcdə etdilər. Cavanşir müqəddəs Xaça hədiyyələr gətirib katolikos və bütün camaatla birlikdə zahid İsraili tərənnüm etdi. Bundan sonra Cavanşir əmr etdi ki, İsraili işıqsaçan müqəddəs Xaçla onun olduğu yerə - Böyük Kolmank vilayətinin şimal hissəsinin dağlıq yerində olan Qlxoy vəngə aparsınlar. Və bu müqəddəs ərlə vidalaşıb hamı sevinclə öz evinə qayıtdı. OTUZ DÖRDÜNCÜ FƏSİL Alban zadəganları nəsilləri murdar edən nigahlar bağlayır. Buna görə onları lənətləyirlər O zamanlar Albaniyanın zadəganları yaxın qohumlar arasında qanunsuz nigahlara yol verib, özlərini murdar etdilər. Bunların arasından birinci çar nəslindən olan Koqtun hakimi idi, sonra Arşaqaşen vilayətindən üç ailə - Dastakertdən, Cinşımdan və Mamşelundan, sonra Kürün o tayındakı həcəri ailəsi, sonra Uti vilayətində laknar (eşikağası) adını daşıyan Varaz – Firuzun ailəsi, sonra Arajakanda yaşayan kilsədə keşiş paltarını saxlayan Varajan və Tuyerakın ailəsi. Mömin katolikos Uxtanes onları qanunsuz nikahlarına görə 238 lənətləyib bu nikahları pozurdu. Lakin bunların hamısı öz şərlərindən əl çəkmədikləri üçün məhv edilib yer üzündən yeksan oldular. Bundan sonra müqəddəs katolikos Allah civarına köçdü və onun taxtında Şəkinin keçmiş yepiskopu, Uxtanesin matəminə dəvət olunmuş xeyirxah və nəcib Yeliazar seçildi. Səhər ibadətindən sonra yepiskoplar katolikosluğa Firuz – Qubadın yepiskopu olan bir rahibi seçmək istədilər. Elə bu vaxt Şeytan onu yerə yıxdı və o, hamının yanında rüsvay oldu. Bundan sonra yepiskoplar püşk atdılar və vaxtında Matfey kimi 197 səxavətli Yeliazar həmin yığıncaqda katolikos rütbəsinə layiq görüldü. Həmin vaxt dünyəvi hakimiyyət Allahın izniylə bu fani dünyada xoşbəxt Cavanşirin əlində idi. 198
Bu vaxt
199 böyük knyaz Cavanşirin dağ mahalında gedib ilin bayram günlərini şadlıqlarda və mahir xalq mahnıları ustalarının arasında keçirmək istəyirdi. Şöhrət qazanmış, sevimli, qəddi – qamətli sərkərdə olan, öz zəkası ilə hamını hökmranlığa tabe etmiş və xoşbəxtlikdən bütün yer üzünün səadəti ilə yüklənmiş Cavanşir öz rəşadəti və qabiliyyəti ilə başqalarından üstün idi. Lakin bu şöhrətli və hamının istəklisi olan ər qüsurlar tələsinə düşərək Allahın ehkamlarını atdı və vurnuxan, bihudə bir adama döndü. Onun bütün
239 şan – şöhrəti hörümçək toruna döndü 1 və əcaib cah – cəlal tezliklə yox olub getdi. Yayın qızmar günlərində 200 bizim məşhur sərkərdəmiz öz əyanları və şəxsi qoruqçuları ilə yüksək dağlar ətəyinə qalxıb orada gül – çiçəklə dolu çəmənliklərlə gəzib, onların sükütündan zövq alıb günlərini kefdə və firavanlıqda keçirirdi. Yayın ortasının qızmar günləri keçib Xaçqaldırma bayramı gələndə 201 o, dağlardan enib Uti vilayətinin Bərdə şəhərinə gəldi ki, orada özü tikdirdiyi kilsəyə gedib Allaha ibadət etsin və onun adına qurbanlar versin. Şanlı Cavanşir orada zövqlə istirahət etdiyi vaxt adı bilinməyən bir namussuz, şərli və murdar adam Cavanşirin ona qarşı olan məhəbbətini, hədsiz ehtiramını və atasının evinə göstərdiyi qayğını unudaraq, Cavanşiri öldürmək fikrinə düşdü və onun bir para dostlarını cəlb edərək onları özünə cinayət yoldaşı etdi. O, bu acınacaqlı iş haqqında düşünərək Cavanşiri zinaya təhrik edir və işvəli sözlərlə onu murdar kefə çağırırdı. Artıq gecənin yarısı keçmişdi və Cavanşirin keşiyini çəkən silahlı gözətçiləri rahatlanıb yuxuladılar. O, güllüklər arasında olan cığıra çıxdı. Zirehsiz olub, belində təkcə qılıncı var idi. Elə bu vaxt kənardan qabağına sanki onun silahdarı imiş, əlində knyazın əsası, belində polad qılıncı və qalxanlı şər ürəkli xain Varazo çıxdı. Bundan əlavə bu insafsız caninin kaftanı altında zirehi də var idi. Onlar bağın ortasını keçib geniş çar həyətini əhatə edən 1 İncil. İovun kitabı, VIII,14. Yüklə 6,63 Mb. Dostları ilə paylaş:
|