«moliyaviy hisob» fanining Oʻquv uslubiy majmuasi

1.5-jadval
Buxgalteriya ishlarini rejalashtirish jadval

Hujjat raqami va uni rasmiylashtirish joyi	Qanday operatsiya aks ettirilgan	Ma’sul	Bajarish muddati	Haqiqiy bajaril-ganligi	Hujjat qayerda foydalaniladi
Ombor	Mahsulotlarning harakati	Ombor mudiri	Har oyning 30 sanasigacha		Tayyor mahsulotlarni hisobga olish boʻlimida
Kassa	Pul mablagʻlari harakati	Bosh kassir	Oyning 11, 21, 30 gacha		Pul mablagʻlari boʻlimida

§9. Iqtisodiy axborotlarni hisobga olish texnikasi, texnologiyasi va hisob ishlarini kompyuterlashtirish.
Hisobga olish texnikasi mulkchilik shaklidan qa’tiy nazar barcha iqtisodiy sub’yektlar uchun bir xil boʻladi. Bajariladigan ishlarni xususiyatlarida, kompyuterlashtirish darajasida va ma’lumotlarni olish tartibida farq boʻlishi mumkin. Shuning uchun barcha xoʻjalik sub’yektlarda iqtisodiy axborotlarni hisobga olishda hisoblash texnikasidan foydalanish quyidagi ishlarni bajarishga qaratilishi lozim:

• 
  Birlamchi hisob ma’lumotlarini shakllantirish, jamlash, hujjatlashtirish va hujjatlarni axborot tashuvchi texnik vositalarga joylashtirishga;
  
• 
  Barcha hisob hujjatlarni huquqiy va arifmetik jihatdan toʻgʻri tuzilganligini tekshirishga;
  
• 
  Korxonani boshqaruvchilar, mulkdorlar va investorlar uchun moliyaviy resurslardan foydalanish haqida umumlashgan ma’lumotlar tayyorlashga;
  
• 
  Birlamchi hujjatlarni harakati va ular asosida tuzilgan guruhlovchi qaydnomalarning toʻgʻri tuzilganligini nazorat qilishga;
  
• 
  Hujjatlar bilan rasmiylashtirilgan xoʻjalik muomalalarini sintetik va analitik hisob schyotlari kesimida guruhlashga, schyot ma’lumotlarini bosh kitobga, aylanma qaydnomalarga va moliyaviy hisobotlarni oʻz vaqtida yozishga va ularni toʻgʻri tuzishga;
  
• 
  Hisob registrlarini, tabulyagramalarni birlamchi hujjatlar asosida toʻgʻri tuzilganligini har tomonlama tekshirib koʻrishga;
  
• 
  Boshlangʻich hujjatlarni korxona va davlat arxiviga topshirgunga qadar saqlashni tashkil qilishga.
  

Iqtisodiy axborotlarni hisobga olish texnologiyasi 1.3-chizmada keltirilgan.