Müəllim məsələsi yalnız bizim deyil, hər bir millətin ölüm-dirim məsələsidir

Məktəbəqədər təhsil müəssisəsi, ailə və ictimaiyyətin birgə tərbiyə işinin formaları
Məktəbəqədər təhsil müəssisəsi, ailə və ictimaiyyət uşaqların tərbiyəsi ilə bağlı müxtəlif formalarda əlaqə saxlayır. Bu əlaqə formalarını iki qrupa bölmək olar:

1. 
   Fərdi əlaqə formaları (Şəkil 6);
   
2. 
   Kollektiv əlaqə formaları (Şəkil 7).
   

Fərdi əlaqə formaları tərbiyəçi- müəllimlərin, valideyn və ictimaiyyət nümayəndələri ilə bilavasitə və ya bilvasitə əlaqə yaratmaqla aparılan işdir. Bu proses müxtəlif metodların köməyi ilə aparılır. Nisbətən geniş yayılmış fərdi əlaqə metodlarına aşağıdakılar daxildir:

• 
  Tərbiyəçi-mrəllimin ailəyə getməsi;
  
• 
  Valideynlərin, habelə ictimai təşkilat nümayəndələrinin məktəbəqədər təhsil müəssisəsinə dəvət edilməsi;
  
• 
  Uşaq gündəliyi, yaxud məktub vasitəsilə əlaqə;
  
• 
  Telefon vasitəsilə əlaqə;
  
• 
  Fərdi məsləhət;
  
• 
  Könüllülük;
  
• 
  Anketləşmə.
  

Məktəbəqədər təhsil müəssisəsinin ailə və ictimaiyyətlə əlaqəsi kollektiv formalarda da aparılır.
Kollektiv əlaqə forması - məktəbəqədər müəssisənin və ya hər hansı bir qrupun valideynləri ilə birgə işin təşkilini nəzərdə tutur. Bu valideynlərin və tərbiyəçilərin birgə tədbirləridir. Bəzən bura uşaqlar da daxil edilir. Kollektiv iş forması müxtəlif metodlarıın köməyi ilə həyata keçirilir. Bunlar aşağıdakılardan ibarətdir:

• 
  Valideyn yığıncaqları. (iclas);
  
• 
  Valideyn universitetləri və pedaqoji lektoriyalar;
  
• 
  Ailə tərbiyəsi təcrübəsinə həsr olunmuş konfranslar və sual-cavab gecələri;
  
• 
  Valideyn komitələri;
  
• 
  Məktəbəqədər təhsil müəssisəsi və ailəyə kömək üçün qəyyumluq şuraları;
  
• 
  Dəyirmi masa;
  
• 
  “Açıq qapı “ (Şəkil 8);
  
• 
  Valideyn klublar ;
  
• 
  Maarifləndirmə təlimləri.