hətta pensiya pullarını verə bilməyən Rusiyanın Ermənistana
yardımı ölkədə sosial gərginlik yaradır, ölkənin bütövlüyünün
əsaslarından olan rus-türk xalqlarının münasibətlərinə zərbə vurur,
xarici siyasətin səmərəli qurulmasına, regionda sülhün və
əməkdaşlığın bərqərar olmasına mənfi təsir göstərir, Qafqaz
ölkələrinin demokratiya və azad bazar iqtisadiyyatı yolu ilə
inkişafına mane olur.
Əməkdaşlıq isə daha çox Ermənistana sərfəlidir. O, Rusiya
pərdəsindən istifadə edərək öz məqsədlərinə çatmışdır, Azərbaycan
torpaqlarını Moskvanın köməyilə işğal etməklə onu Rusiya
qarşısında zəiflətmişdir, Qafqazda işğalçılıq siyasətinin dayağına
çevrilmişdir. O, Moskvaya özünü qorumaqda vasitə kimi baxır.
Bunu da o, guya tarixi, müasir və perspektiv amillərlə əsaslandırır.
Lakin zorakılıqla uzunmüddətli istəklərinə çatmaq olmaz. Ona görə
də Qərb ölkələri Qafqazda daha fəal olmalı, Ermənistanı Rusiyadan
ayırmağa çalışmalıdırlar.
Azərbaycan tərəfi: rəsmi Bakı tərəfindən münasibətlərin
normal inkişafı üçün heç bir maneə yoxdur; müəyyən dairələrin bizə
münasibətindən asılı olmayaraq şimal qonşumuza münasibətdə
mehribanlığa, qarşılıqlı anlaşmaya üstünlük verilməsi, meydan
əhval-ruhiyyəsindən imtina edilməsi müsbət haldır. Bununla belə,
beynəlxalq mədəni və humanitar əlaqələrlə məşğul olan
təşkilatlarımız Rusiyanın türk, müsəlman xalqları və azərbaycanlı
diasporu ilə işləməli, onları təşkilatlandırmağa kömək etməlidirlər;
Şimal qonşumuza qarşı populist, düşmənçilik şüarlar söyləmək
yolverilməzdir, ona münasibətdə hövsələliyin, diqqətciliyin və
çoxvariantlılığın gözlənilməsinin ciddi əhəmiyyəti vardır. Rusiya ilə
mehriban münasibətlər dövlətçiliyimiz üçün səviyyəsindən asılı
olmayaraq mövcud olan təhlükənin neytrallaşması və ya
zəiflədilməsi deməkdir. Baxmayaraq ki, hətta belə mehriban
münasibətlər Rusiya - Ermənistan strateji müttəfiqliyini zəiflətmək
iqtidarında deyildir; Qərbi Avropa dövlətlərinin Şərqə doğru
irəliləməsindən, keçmiş sovet məkanında möhkəmlənməsindən
narahat olan Rusiyanın bu ölkələrlə münasibətlərindəki
ziddiyyətlərdən Azərbaycan istifadə etməlidir.
Qarşılıqlı münasibətlərdə imperiya təfəkküründən doğan
çətinliklərin aradan qaldırılmasının və əməkdaşlığın bərabərhüquqlu
əsasda inkişaf etdirilməsinin böyük əhəmiyyəti olardı.
51
Bunun Rusiya üçün əhəmiyyəti: yeni imperiya instinktinndən
imtina olunması onu Azərbaycanda və keçmiş sovet məkanında
arzuolunan qonağa çevirərdi; rəsmi dairələrdə yersiz əsəbiliyə son
qoyardı; Rusiya dövlətçiliyini möhkəmləndirərdi, daxili
münaqişələrə son qoymaq üçün ağıllı addımla atılmasına şərait
yaradırdı; artıq fövqəldövlət rolunu itirərək region dövlətinə çevrilən
Rusiyanın heç olmazsa, böyük dövlət kimi saxlanılmasına kömək
edərdi; iqtisadi sabitliyə və çoxtərəfli əməkdaşlığa təkan vurardı.
Azərbaycan üçün əhəmiyyəti: dövlətçiliyimiz möhkəmlənərdi;
onun üçün törənə biləcək təhlükə aradan qalxardı və ya heç olmasa,
xeyli zəifləyərdi; ölkə daxilində siyasi sabitlik möhkəmlənərdi;
iqtisadi durğunluq aradan qaldırılardı; dəmir yolu blokadası aradan
qalxardı; müxtəlif terrorçu və separatçı hərəkətlərin törədilməsi üçün
xarici şərait zəifləyərdi.
MDB iştirakçısı olan dövlətlər üçün əhəmiyyəti: Rusiyanın
Azərbaycana münasibətdə əməkdaşlığa və bərabərhüquqluğa
üstünlük verməsi təkcə bu ölkələr üçün deyil, bütövlükdə MDB
iştirakçısı olan dövlətlər üçün mühüm əhəmiyyət kəsb edərdi;
inteqrasiya prosesləri genişlənərdi; Azərbaycan məhsulları bu
ölkələrin bazarında özünə yer tutardı və ya əksinə; xalqlar arasında
mehriban münasibətlər bərpa olunardı; münaqişələrin həlli üçün
əlverişli şərait yaranardı; məqbul mənəvi-psixoloji vəziyyət əmələ
gələrdi.
Azərbaycan dövlətinin MDB iştirakçısı olan dövlətlərlə
münasibətlərində Gürcüstan özünəməxsus yer tutur. İki ölkə
arasında diplomatik münasibətlər 1992-ci il noyabrın 18-də quruldu.
Ölkələrimizin münasibətlərinin əsasını beynəlxalq normalar,
tərəflərin mənafelərinin tarazlığı təşkil edir, üçüncü dövlətə və ya
dövlətlər qrupuna qarşı yönəldilməmişdir. Münasibətlərimizdəki
özünəməxsusluq xalqlarımız arasındakı tarixi, müasir və perspektiv
əməkdaşlıqla səciyyələnir.
Əvvəla, Gürcüstanla dostluğumuz ən təbii bir haldır və
ölkələrimizi və xalqlarımızı tarixi ənənələr, coğrafi-siyasi sərhədlər,
mehriban qonşuluq münasibətləri yaxınlaşdırır. Tarixən
xalqlarımızın ümumi düşmənə qarşı birlikdə mübarizə aparmasına
dair çoxlu faklar vardır. Gürcüstanın müstəqilliyinə zərər gələrsə,
xətəri Azərbaycana dəyə bilə və ya əksinə.
52
İkincisi, Ermənistanın Gürcüstana qarşı irəli sürdüyü ərazi,
torpaq iddiaları və gürcü torpaqlarına sahib olub Qara dənizə çıxmaq
istəyi, erməni-gürcü müharibələri, erməni batalyonlarının
Abxaziyada Gürcüstana qarşı vuruşmaları; separatizmdə fəal iştirak
etmələri, Ermənistanın Azərbaycana təcavüzkarlığı, ərazilərimizin
20 faizdən çoxunun işğal edilməsi, bir milyon nəfərdən çox
vətəndaşımızın qaçqın vəziyyətində olması Azərbaycan-Gürcüstan
münasibətlərində təmas nöqtələrinin tapılmasına, vahid mövqenin
işlənib hazırlanmasına, onların birgə çıxış etməsinə və strateji
müttəfiqə çevrilməsinə şərait yaradır.
Hələ birinci dünya müharibəsindən sonra üç Qafqaz dövləti
arasındakı münasibətlər Ermənistanın iddiaları ucbatından mürəkkəb
idi. Onun Gürcüstana və Azərbaycana qarşı eyni vaxtda ərazi
iddiaları irəli sürməsi və xalqımıza qarşı soyqırımı ölkələrimizi daha
da yaxınlaşdırırdı. 1919-cu ildə keçirilmiş Paris sülh konfransında
Azərbaycan və Gürcüstan nümayəndə heyətləri avantürist erməni
iddialarına qarşı birgə çıxış etməsinə və strateji müttəfiqə
çevrilməsinə şərait yaradır.
Üçüncüsü, hətta Gürcüstanın siyasi xadimlərinin özlərinin
etiraf etdikləri kimi Gürcüstanda inkişaf və islahatlar Azərbaycansız
ciddi çətinliklərlə üzləşir. Gürcüstanın Azərbaycanda dərin iqtisadi,
siyasi və b. maraqları vardır. Azərbaycan özü çətin vəziyyətdə
olmasına baxmayaraq, həmişə onun istəklərini yerinə yetirmişdir.
Ölkəmiz Gürcüstan üçün etibarlı ortaqdır və Asiyaya pəncərədir.
Dördüncüsü, şimal dəmir yolunun bağlanması, Ermənistanın
təcavüzkarlığı nəticəsində İrana gedən dəmir yolunun işləməməsi ilə
Azərbaycanın blokadaya düşməsi Gürcüstanın əhəmiyyətini xeyli
artırır, onu Avropaya pəncərəyə çevirir. Bu baxımdan Bakı - Tbilisi -
Qara dəniz limanlarına çıxan dəmir yolunun Avropa Birliyi
tərəfindən qurulmasının ciddi strateji əhəmiyyəti vardır.
Beşincisi, Gürcüstanda yarım milyondan çox soydaşımızın
yaşaması, onların bu ölkənin ictimai-siyasi-iqtisadi həyatında
yaxından iştirak etmələri, daxili bazarı öz əllərində saxlamaları
qonşu və dost ölkəyə xüsusi diqqət verməyi zəruri edir.
Altıncısı, Azərbaycan-Gürcüstan münasibətləri hər iki tərəfə
faydalı olmaqla, bölgədə sülhə, təhlükəsizliyə, əməkdaşlığa xidmət
edir və beynəlxalq normalara tamamilə uyğundur. İki ölkə başçısının
Qafqazda sülh, sabitlik və əməkdaşlıq barədə sənədi imzalamaları,
53
Dostları ilə paylaş: |