Namangan davlat universiteti tabiiy fanlar fakulteti

3 §. INTERAKTIV KARTOGRAFIK QO’LLANMALAR BILAN
ISHLASH TEXNOLOGIYASI. 
“DROFA” mediakompaniyasining interaktiv kartalari.
Geografiya fani muhim xususiyati shundaki, unda juda ko’p axborotlar 
jamlangan. Zamonaviy geografiya darslarini tashkil etish o’qituvchilardan 
juda ko’p axborotlar bilan ishlashni, xususan, entsiklopediyadan to OAVdagi 
geoaxborotlar bilan ishlashni talab etadi. Darslarda AKTdan, geografik dastur 
va elektron interaktiv kartalardan ta’lim vositasi sifatida keng foydalanish, 
zarur axborotlarni izlashda vaqtni tejab, tayyorgarlik bosqichida 
foydalaniladigan manbalar xajmini umumlashtiradi. 
SHaxsiy kutubxonamizda turli geografik dasturlar, entsiklopediyalar, 
ma’lumotnomalar hamda 10 ga yaqin elektron interaktiv kartalar mavjud 
bo’lib, ulardan zamonaviy ta’lim vositasi sifatidan keng foydalanamiz. Misol 
tariqasida, mazkur nashrda amaliyotda qo’llab kelayotgan elektron tabiiy 
kartadan foydalanish bo’yicha yo’riqlarimiz va tajribalarimiz bilan 
o’rtoqlashmoqchimiz. Internet tarmog’i ta’limiy resurslaridan unumli 
foydalanish maqsadidagi intilishlarimiz natijasida juda ko’p geografik 
interaktiv kartalarni olganmiz. Bulardan biri Rossiya Federatsiyasi “DROFA” 
mediakompaniyasining “Ugol padeniya solnechnix luchey” nomli manbasidir 
(1-rasm). 
1-rasm. Elektron kartaning asosiy ko’rinishi. 
Mazkur manba bosma tabiiy kartalarning alternativ varianti sifatida katta 
xajmli ekranda proektsiya yo’li bilan namoyish etiladi. Uning 1-bo’limida Yer 
sharining yil bo’yi yoritilishi burchaklarini ko’rsatuvchi ikki o’lchamli dinamik 

---

rolik yaratilgan bo’lib, o’rgatuvchi va o’rganuvchiga aniq astronomik-
geografik tasavvurni taqdim etadi (2-rasm).
Elektron kartada shartli belgilar qismi alohida illyustratsion tarzda 
berilgan. Kartada bir necha qatlamlar bilan ishlash imkoniyati mavjud (3- 
rasm).