- 18 -
Şəkil 1. Filantın ovu və onun iflic olmuş arı üzərindəki yumurtası.
Yumurtadan çıxan sürfə həmin andan iflic olmuş arı ilə qidalanır. Arı canavarının sürfəsi öz
inkişafı müddətində bir neçə arı yeyir [6]. Buradan aydın olur ki, arı canavarının böyük miqdarda
rast gəlindiyi ərazilərdə onun bal arılarını ovlaması arıçılığa külli miqdarda ziyan vura bilər. Arı
canavarı ilə səmərəli mübarizə metodları hələlik işlənilib hazırlanmamışdır. Mübarizə hələlik
həşəratların tutulması və yuvalarının dağıdılması ilə məhdudlaşır.
Vespidae fəsiləsinin
Eumeninae, Masarinae, Polistinae və
Vespinae yarımfəsilələrinə
mənsub olan arılar pətəyə soxulub balı oğurlayır, bəzən də öz sürfələrini qidalandırmaq üçün arıları
ovlayırlar. Eşşəkarılarının növ müxtəlifliyi olduqca zəngindir. Arı ailələrinə daha çox adi eşşəkarısı,
polist, meşə eşşəkarısı, ortaboylu eşşəkarısı və kürən eşşəkarısı ziyan vurur. Onlar ailələrdə yaşayır
və bu ailələrin sayı yayın sonu və payızda daha çoxsaylı olur. Eşşəkarıları bal arılarına avqust və
sentyabr aylarında daha tez-tez hücum edirlər. Eşşəkarıları arıların qismən az fəal olduqları səhərin
erkən çağlarında, havanın aşağı temperaturunda pətəklərə hücum edirlər. Belə şəraitdə eşşəkarıları
pətəklərə asanlıqla soxulub bal oğurlayırlar. 18
0
C temperaturda bir eşşəkarısı pətəkdən 40-130 mq
bal apara bilir. Onlar öz sürfələrini kiçik həşəratlar, bəzən də arılarla qidalandırırlar. Torpaqda
oturan arıları daha tez ələ keçirirlər. Həmçinin erkək arıları da ovlayırlar. Çoxsaylı eşşəkarısı
fərdləri bal və şirəli meyvələr satılan bazarlara da kütləvi hücum edə bilir. Əsas mübarizə arıxanada
içərisində şirin mayelərin doldurulduğu şəffaf botulların asılmasından ibarətdir.
Vespa orientalis –
Vespoidea fəsiləüstünün
Vespidae fəsiləsinə mənsub iri yırtıcı
zərqanadlıdır. Onun başı və döşünün ön hissəsi sarı rənglidir, birinci qarıncıq buğumu ensiz sarı
zolaqlı, tünd qonurdur, digər buğumlar isə səpələnmiş qara nöqtəli sarıdır. Dişi arının bədən
uzunluğu 25-30 mm, erkək və işçi arıların isə nisbətən qısadır.
Azərbaycanda, o cümlədən Naxçıvan
MR-də geniş yayılmışdır.
Eşşəkarısı ailələrdə yaşayır. Ailə ana və işçi arılardan ibarətdir. Payıza doğru ailədə yeni dişi
və erkək fərdlər meydana gəlir. Qış yaxınlaşanda soyuqdan mühafizə olunan yerlərdə qışlayan
törədici analardan başqa bütün ailə məhv olur. Yazda hər bir ana adətən tikililərin çardağı altında,
ağac koğuşlarında müstəqil yuva qurur. Yuvalar üçün ana arı tərəfindən çeynənmiş, tüpürcəklə
islanıb kağız kütləsinə çevrilmiş ağac qabığından tikinti materialı kimi istifadə edilir. Eşşəkarıları
bu kütlədən yuvalar və şanları qapayan örtüklər hazırlayır. Yuvada şanlar, adətən bir neçə yarusda,
biri o biri ilə sütuncuqlarla birləşmiş vəziyyətdə yerləşir. Ananın yuvacığa qoyduğu yumurtadan 5
gün sonra sürfə çıxır. Sürfə mərhələsi 9 gün sürür, bundan sonra o, pupa çevrilir. Yuvası örtüklə
qapanmış pupdan 14 gündən sonra tam formalaşmış həşərat əmələ gəlir.
Eşşəkarısı sürfələrini başlıca olaraq heyvani qida ilə bəsləyir. Qida kimi müxtəlif
həşəratlardan və eşşəkarıları arıxanaya yaxın yuvalayıbsa, bal arılarından istifadə edilir. Bal arısını
ovlayan eşşəkarısı onun qarıncığını dişləyib sıxır, çinədandan gələn balı sorduqdan sonra qarıncıq
və qanadları qoparır, yerdə qalan kütləni tam çeynədikdən sonra onu sürfələrinə yedirdir. Eşşəkarısı
təkcə arıları ovlamır, o, adətən payızda bal üçün pətəklərə də soxulur. Burada eşşəkarıları təkcə bal
yemir, həm də arılara hücum edib onları öldürür (Şəkil 2). Mübarizə hələlik həşəratların tutulması
və yuvalarının məhv edilməsi ilə məhdudlaşır [4].
- 19 -
Şəkil 2.
Vespa orientalis, bal arılarına hücum zamanı.
Mantodea - Dəvədəlləyilər. Qafqazda bu dəstənin 20-ə yaxın növü yayılmışdır. Naxçıvan
MR-nın ərazisində adi dəvədəlləyinə daha çox rast gəlinir [1] . Adi dəvədəlləyi arını çiçəklərin
üzərində ovlayır və yeyir. Bir dəvədəlləyi fərdi gün ərzində 16-dək arı yeyə bilər. Dəvədəlləyi
kütləvi çoxaldıqda və başqa qənimət olmadıqda arıçılığa nəzərəçarpacaq dərəcədə ziyan vurur. Ona
qarşı mübarizə tədbirləri işlənilib hazırlanmamışdır. Dəvədəlləyilər və iynəcələr çoxlu zərərli
həşəratları da məhv etdiyi üçün onlar faydalı hesab olunurlar.
Odonata - İynəcələr. Kütləvi çoxalma dövründə arıçılığa qısamüddətli, lakin hissediləcək
dərəcədə ziyan yetirirlər. Muxtar respublika ərazisində iynəcələrin
Aeschna grandis, Aeschna
cyanea, Anax imperator kimi iri növləri arıları daha fəal ovalayırlar [1]. İynəcə yuxarıdan uçan
arıya hücum edib, onu arxasından tutub öldürür. İynəcələrin ziyanverici fəalliyyəti nəticəsində
bəzən bir arı ailəsinin üçdə biri məhv ola bilər. Əksər hallarda mayalanma üçün pətəkdən uçan ana
arılar məhv olur. İynəcələr arılara daha çox onlar su içmək üçün sututarlara doğru uçduqda hücum
edirlər. İynəcələrin kütləvi uçuşları zamanı arıxanalar başqa yerə köçürür, tutulma tələləri
quraşdırılır.
Dermaptera - Dəriqanadlılar və ya qulağagirənlər. Naxçıvan Muxtar Respublikasında
qulağagirənlərin 5 növü yayılmışdır [1]. Onlar orta ölçülü, uzunsov bədən quruluşuna və sonunda
buğumsuz qısqaca oxşar 2 əlavə daşıyan qarıncığa malik həşəratlardır. Yarpaqlarla, qabıqla,
çiçəklərlə, toxumlarla, meyvələrlə, qida ehtiyatları, tullantı və kiçik həşəratlarla qidalanırlar.
Gecələr fəaldırlar. Gündüzlər daşlar, ağac qabığı altında, otların arasında və müxtəlif yarıqlarda
gizlənirlər. Arılara adi qulağagirən, bostan qulağagirəni və sahil qulağagirəni ziyan vurur.
Arı pətəklərində bu həşəratlara adətən iyunun ikinci yarısında və iyulda rast gəlinir. Yeşiyin
tavanında
sərilən isidici materialda, deşiklərdə, şanlarda məskunlaşırlar, şanın gözcüklərini açır, balı
və güləmi yeyir, şanları dağıdır və çirkləndirirlər. Qulağagirənlərin iri fərdləri yaşlı xəstə arılara və
ziyan görmüş yeni nəslə hücum edir, müxtəlif yoluxucu və invazion xəstəliklərin törədicilərini
yayırlar.
Pətəkləri quru, otdan təmizlənmiş sahədə düzmək lazımdır. Yeşiyin üstünə sərilən isidici
material quru olmalıdır. Qulağagirənlərin güclü hücumu zamanı pətəyi və isidici materialı dəyişmək
lazımdır. Yeşiyin ayaqlarına avtol sürtülməlidir. Yastıqlar və isidici material günəş altında
qurudulmalıdır.
Araneae - Hörümçəklər. Fəal yırtıcılar olub yalnız diri şikarla qidalanırlar.
Bu günə qədər
dünya faunasında 114 fəsiləyə, 3935 cinsə daxil olan 44906 hörümçək növü təsbit edilmişdir.
Azərbaycanda 48 fəsiləyə aid 850-yə yaxın, Naxçıvan MR-də isə 200-dən çox hörümçək növü
məlumdur [2; 7].
Bal toplayan arılar, şmellər, meqaxilidlər yangedən hörümçəyin (
Misumena vatia) qurbanı
ola bilərlər. Bu hörümçək bütün Şimali Amerika və Avropada olduğu kimi bizim ölkəmizdə də
geniş yayılmışdır. Hörümçəyin bədəni yastıdır, ön 2 cüt ətraflar arxadakılardan hiss ediləcək
dərəcədə uzundur. Qarıncığın rəngi dəyişkəndir. Çox zaman gizləndiyi çiçəyin tacının rəngindən
asılı olub, ağ və ya yaşılımtıl rəngdən parlaq sarı rəngə qədər dəyişilir. Ağ hörümçəklərin