Niftullayev Vaqif Sahibkarlığın əsasları ‘Zaman nəşriyyatı’

Assosiasiyalar - iqtisadi cəhətdən müstəqil müəssisələrin könüllü birliyidir. Assosiasiyalann tərkibinə eyni istiqamətdə ixtisasla^ritış və müəyyən ərazidə yerləşən müəssisə və təşkilatlar daxil olur. Assosiasiyaların yaradılmasında əsas məqsəd elmi-texniki, istehsal, iqtisadi, sosial və digər məsələlərin həllində birgə fəaliyyət göstərməkdən ibarətdir.

Konsersium - birgə iri maliyyə əməliyyatlarını həyata keçirmək məqsədilə sahibkarların birliyidir (məsələn, iri sənaye sahələrinə külli miqdarda investisiyaların yönəldilməsi və s.). Sahibkarların bu cür birliyi iri layihələrə maliyyə vəsaitləri yönəltməyə imkan verir. Elmi-texniki inqilab şəraitində elmi nailiyyətləri birgə tətbiq etmək məqsədilə konsersiumlar yeni sahələrdə yaradılır.