Nigar Hüseynova

Lyubov Çimpoyeş
in dastanlar, 
Mariya Durbaylo
nun ballada türkülәri (xalq mahnıları), 
Nikolay Baboğlu
nun ata sözlәri, deyimlәr, 
Vitaliy Sırf
ın nağıllar vә 
Tudora Arnaut
un manilәr 
üzәrindә  apardıqları  araşdırmalar,  elәcә  dә  qaqauz  araşdırıcılarının  toplayıb  çap  etdirdiklәri 
folklor  örnәklәri,  Türkiyә,  Azәrbaycan,  İraq,  Suriya,  Rumıniya,  Bolqarıstan,  Makedoniya  vә  b. 
ölkәlәrdә yaşayan türklәrdәn toplanmış folklor örnәklәri ilә qaqauz folkloru örnәklәri arasında elә 
bir ciddi fәrqin olmadığını göstәrir. Mövcud fәrqlәr dә mәhәlli xarakter daşıyır.  
Sovet  dövründә  hәr  vasitә  ilә  qaqauz  әdәbiyyatını  türk  әdәbiyyatından  ayırmağa 
çalışıblar.  Sәbәbi  dә  siyasilәrin  qarşılarına  qoyduqları  mәqsәddәn  yaranıb.  Qaqauzları 
soyköklәrindәn  ayırmaq  üçün  hәr  vәchlә  onların  türk  olmadığını,  Osmanlı  dövlәtinin  tәsiri  ilә 
dillәrinin  türklәşdirildiyini,  әslindә  isә  bolqar  olduqları  vurğulanıb.  Bu  siyasәt  I  Pyotr 
zamanından  başlasa  da,  1812-ci  ildә  Besserabiyada  yaşayan  qaqauz  türklәrinә  xüsusi  imtiyaz 
verilmәsi  ilә  daha  da  sürәtlәndirilib.  Qaqauzlar  öz  hüquqlarına  nail  olmaq  üçün  mübarizәlәrini 
davam  etdiriblәr.