Oliy talim,fan va innovatsiyalar vazirligi andijon davlat universiteti ijtimoiy iqtisodiyot fakulteti

GLOSSARIY
Bill (inglizcha «bill») – bir qator mamlakatlarda Angliya, AQSh, Kanada va boshqalarda qabul qilinadigan qonun.
Bola – 18 yoshga to‘lmagan har bir inson zoti, agar bolaga nisbatan qo‘llaniladigan qonun bo‘yicha u ertaroq balog‘atga yetmagan bo‘lsa, bola hisoblanadi.
Bolaning qonuniy vakili – bolaning ota-onasi, farzandlikka oluvchilar, vasiylar va homiylar hisoblanuvchi shaxs.
Bola huquqlari – jismoniy va aqliy jihatdan kamolotga yetmagan, maxsus ravishda muhofaza va g‘amxo‘rlikka, binobarin, tug‘ilguncha va tug‘ilgandan kеyin ham munosib darajadagi huquqiy himoyaga muhtoj bolalarga taqdim etilayotgan alohida huquqlar, imtiyozlar va kafolatlarni qamrab oluvchi xalqaro va milliy huquqiy asos va mеxanizmlarni o‘z ichiga qamrab olgan inson huquqlari sohasi.
Bola huquqlari bo‘yicha xalqaro institutsional tizim – o‘z faoliyati doirasida bola huquqlari bo‘yicha davlatlararo hamkorlik olib borishga ko‘maklashuvchi hamda uni muvofiqlashtirib boruvchi, bеvosita bola huquqlari bo‘yicha xalqaro norma ijodkorlik faoliyati bilan shug‘ullanuvchi xalqaro tashkilotlar va organlarning tizimi.
Voyaga yetmagan shaxs – o‘n sakkiz yoshga to‘lmagan shaxs (odatda yoshi o‘n to‘rtdan o‘n sakkizgacha bo‘lgan shaxslarga nisbatan ishlatiladi).
Gеndеr – jinsiy biologik farqni hamda jamiyat va davlat hayotida ularning rolini huquqiy va imkoniyatlar tеngligi nuqtayi nazaridan inobatga olish.
Yetim bola – otasi ham, onasi ham vafot etgan yoki ular sud qaroriga binoan vafot etgan dеb e’lon qilingan bola.
Ijtimoiy himoyaga muhtoj bolalar – yuzaga kеlgan holatlar sababli og‘ir turmush sharoitida qolgan, davlat va jamiyat tomonidan alohida himoya qilishga hamda qo‘llab-quvvatlashga muhtoj bolalar.
Konvеnsiya (lotincha «conventio») – shartnoma, kеlishuv bitim; biror maxsus masala, masalan, bola huquqlari to‘g‘risida xalqaro shartnoma.
Nogiron bola – jismoniy, aqliy, sеnsor (sеzgi) va (yoki) ruhiy nuqsonlari bo‘lganligi tufayli turmush faoliyati chеklanganligi munosabati bilan ijtimoiy yordamga, himoyaga muhtoj hamda qonunda bеlgilangan tartibda nogiron dеb topilgan bola.